കിരീടം ടാസ്ക് തൂക്കി നൂറ; 'നന്മമരം' കളിച്ചില്ല; അഭിക്ക് നൽകാതെ സൂപ്പർ പവർ ബിന്നിക്ക്; Bigg Boss Malayalam Season 7

Bigg Boss malayalam Season 7:ബിഗ് ബോസിലെ കിരീടം ടാസ്ക് ജയിച്ച് മൂന്ന് സൂപ്പർ പവറുകൾ സ്വന്തമാക്കി നൂറ. മൂന്ന് സൂപ്പർ പവറുകൾ ലഭിച്ചപ്പോൾ അതിൽ ഒരു പവർ ബിന്നിക്കാണ് നൂറ നൽകിയത്. എന്തുകൊണ്ട് ടീം അംഗമായ അഭിലാഷിന് സൂപ്പർ പവറുകളിൽ ഒന്നും നൽകാൻ നൂറ തയ്യാറായില്ല എന്ന ചോദ്യം ഹൗസിനുള്ളിലും പ്രേക്ഷകർക്കിടയിൽ നിന്നും ശക്തമാണ്. 

കിരീടം ടാസ്കിന്റെ നാലാം ഘട്ടത്തിൽ ഒനീലിനെയാണ് നൂറ തോൽപ്പിച്ചത്. ഒരു മത്സരാർഥിയുടെ കുടുംബത്തിന് ഒരാഴ്ച ഹൗസിനുള്ളിൽ വന്ന് നിൽക്കാനുള്ള പവർ ആണ് ബിന്നിക്ക് നൂറ നൽകിയത്. തുടർച്ചയായ മൂന്നാഴ്ച ഒരാളെ നോമിനേഷനിൽ ഇടാനുള്ള പവറും സൂപ്പർ ഇമ്യൂണിറ്റി പവറും താൻ തന്നെ എടുക്കുകയാണ് എന്ന് നൂറ പറഞ്ഞു.

Also Read: അനുമോളെ ശരത്തിൽ നിന്ന് രക്ഷിച്ച് അനീഷ്; മാസ് എന്ന് പ്രേക്ഷകർ ; Bigg Boss Malayalam Season 7

ഇവിടെ നൂറ തന്റെ പവറുകൾ തന്റെ ടീമിൽ എഫർട്ട് ഇട്ട അഭിലാഷ് ഉൾപ്പെടെയുള്ളവർക്ക് നൽകണമായിരുന്നു എന്ന് അഭിപ്രായപ്പെടുന്നവരുണ്ട്. എന്നാൽ നൂറ നന്മമരം കളിക്കാൻ ശ്രമിക്കാതിരുന്നതിനെ കയ്യടിക്കുന്നവരും ഉണ്ട്. സൂപ്പർ ഇമ്യൂണിറ്റി പവർ ലഭിച്ചതോടെ ഈ ആഴ്ച കടന്ന് കിട്ടിയാൽ പിന്നെ മൂന്ന് ആഴ്ച നൂറയ്ക്ക് എവിക്ഷൻ ഭയക്കാതെ ഹൗസിൽ തുടരാം.

Also Read: 100 റൗണ്ട് ഓടണം; നെവിന് ഏഴിന്റെ പണി; കട്ട കലിപ്പിൽ ബിഗ് ബോസ് ; Bigg Boss Malayalam Season 7

കിരീടം ടാസ്കിന് ഇടയിൽ നൂറ ഫൗൾ കാണിച്ചെന്ന് ആരോപിച്ച് ക്യാപ്റ്റൻ നെവിൻ രണ്ടാം റൗണ്ട് വീണ്ടും നടത്തിയിരുന്നു. പിന്നാലെ നൂറയുടെ തലയിൽ നിന്ന് ഒനീൽ തൊപ്പിയെടുക്കാൻ പോകുന്ന സമയം നൂറ തല ഒന്ന് ഉയർത്തുകയും ഒനീലിന്റെ തൊപ്പി ഹുക്കിലിടുകയും ചെയ്തു. ഇവിടെ നൂറ തല പിന്നിലേക്ക് മാറ്റി എന്ന് ഒനീൽ ആരോപിച്ചെങ്കിലും ക്യാപ്റ്റൻ നെവിൻ ഉൾപ്പെടെയുള്ളവർ ഒനീലിന്റെ വാദം അംഗീകരിച്ചില്ല.

Also Read: ബിഗ് ബോസ് താരങ്ങൾക്ക് ഒരു ദിവസം ലഭിക്കുന്ന പ്രതിഫലം എത്രയെന്നറിയാമോ?: Bigg Boss