ബിഗ് ബോസ് എന്നെ മകനെ കാണിച്ചിരുന്നു; ലക്ഷ്മിയുടെ വെളിപ്പെടുത്തൽ ; Bigg Boss Malayalam Season 7

Bigg Boss malayalam Season 7:ബിഗ് ബോസ് മലയാളം ഏഴാം സീസണിലെ ഫാമിലി വീക്കിൽ ലക്ഷ്മിയുടെ മകനെ ഹൗസിനുള്ളിൽ കൊണ്ടുവരുന്നതുമായി ബന്ധപ്പെട്ട് വിവാദം ഉയർന്നിരുന്നു. നിയമപ്രശ്നങ്ങളെ തുടർന്ന് കുട്ടിയെ ഹൗസിലേക്ക് കൊണ്ടുവരാനാവില്ല എന്നാണ് ബിഗ് ബോസ് അറിയിച്ചത്. മകനെ കാണാൻ സാധിക്കാത്തതിലെ വിഷമം ഹൗസിൽ നിൽക്കുമ്പോൾ ലക്ഷ്മിയും പറഞ്ഞിരുന്നു. എന്നാൽ കൺഫെഷൻ റൂമിൽ വെച്ച് താൻ മകനെ കണ്ടതായി വെളിപ്പെടുത്തുകയാണ് ഷോയിൽ നിന്ന് എവിക്ട് ആയതിന് പിന്നാലെ ലക്ഷ്മി. 

ലക്ഷ്മിയുടെ മകനും അമ്മയും സഹോദരനുമാണ് ഫാമിലി വീക്കിന്റെ ഭാഗമായി എത്തിയത്. ലക്ഷ്മിയുടെ അമ്മ ഹൗസിലേക്ക് വരുന്നതിന് മുൻപ് ലക്ഷ്മിയെ കൺഫെഷൻ റൂമിലേക്ക് വിളിപ്പിച്ചിരുന്നു. അവിടെ വെച്ച് ലക്ഷ്മിയെ ബിഗ് ബോസ് മകനെ കാണിച്ചിട്ടുണ്ടാവും എന്ന പ്രതികരണങ്ങൾ ആ സമയം തന്നെ വന്നിരുന്നു. ഹൗസിനുള്ളിലേക്ക് വന്നത് ലക്ഷ്മിയുടെ അമ്മ മാത്രം ആണ്.

Also Read: ബിഗ് ബോസ് ചരിത്രത്തിൽ ആദ്യം; ഈ ആഴ്ച മൂന്ന് ക്യാപ്റ്റന്മാർ; ഏഴിന്റെ പണിയോ? Bigg Boss Malayalam Season 7

മകനെ പുറത്ത് ഒറ്റയ്ക്ക് നിർത്താൻ താത്പര്യപ്പെടാത്തത് കൊണ്ടാണ് ലക്ഷ്മിയുടെ സഹോദരൻ അമ്മയ്ക്കൊപ്പം ഹൗസിനുള്ളിലേക്ക് വരാതിരുന്നത്. മകനെ ബിഗ് ബോസ് ഹൗസിലേക്ക് കയറ്റാനുള്ള സമ്മതം താൻ നൽകിയിരുന്നതായി പറഞ്ഞ് ലക്ഷ്മിയുടെ ഭർത്താവ് വിഡിയോ സമൂഹമാധ്യമങ്ങളിൽ പങ്കുവെച്ചിരുന്നു. 

ലക്ഷ്മിയും ഭർത്താവും തമ്മിൽ വിവാഹമോചന കേസ് നിലനിൽക്കുന്നുണ്ട്. അതിനാൽ ബിഗ് ബോസ് ഹൗസിൽ മകനെ കയറ്റാനുള്ള അനുവാദം ലക്ഷ്മിയുടെ ഭർത്താവിൽ നിന്ന് നിയമപരമായി ലഭിച്ചില്ല എന്നതാണ് ബിഗ് ബോസ് അങ്ങനെയൊരു തീരുമാനം എടുത്തതിന് കാരണമായി പറഞ്ഞത്. ഇതിനെതിരെ ലക്ഷ്മിയുടെ ഭർത്താവ് വിഡിയോ ഇട്ടതിന് പുറമെ ലക്ഷ്മിയുടെ സഹോദരനും രംഗത്തെത്തിയിരുന്നു. 

Also Read: ആരൊക്കെ എന്തൊക്കെ പറഞ്ഞാലും ഉത്തരം 'ഇല്ല' എന്നു തന്നെ, നിലപാടിൽ ഉറച്ച് ലക്ഷ്മി; വീഡിയോ: Bigg Boss Malayalam 7

കുട്ടിയെ അത്രയും സമയം പുറത്ത് ഒറ്റയ്ക്ക് നിർത്താതിരിക്കാനാണ് തങ്ങൾ ലക്ഷ്മിയുടെ അമ്മ അല്ലെങ്കിൽ സഹോദരൻ കുട്ടിയുടെ കുടെ നിൽക്കണം എന്ന് പറഞ്ഞത് എന്ന് ഏഷ്യാനെറ്റിന്റെ അഭിമുഖത്തിൽ അവതാരക ലക്ഷ്മിയോട് പറയുന്നു. അങ്ങനെ ചെയ്കതിൽ തെറ്റുണ്ടോ എന്ന് ചോദിച്ചപ്പോൾ ഇല്ലെന്നാണ് ലക്ഷ്മി മറുപടി നൽകിയത്. കുഞ്ഞിനെ ഒറ്റയ്ക്ക് പുറത്ത് നിർത്തിയിരുന്നെങ്കിൽ തനിക്ക് സമാധാനം ഉണ്ടാവുമായിരുന്നില്ലെന്നും ലക്ഷ്മി പറഞ്ഞു.

Also Read: സർജറി ചെയ്യാൻ വച്ച മൂക്കായിരുന്നു, അക്ബർ ഇടിച്ചു പഞ്ചറാക്കി; കരച്ചിലോടെ അനുമോൾ: Bigg Boss Malayalam 7

ബിഗ് ബോസ് സീസൺ ഏഴിൽ ടോപ് 10ൽ എത്തിയ ശേഷമാണ് ലക്ഷ്മി എവിക്ട് ആയത്. ആദിലയ്ക്കും നൂറയ്ക്കും എതിരായ വിവാദ പരാമർശത്തിൽ ലാലേട്ടനിൽ നിന്നും സഹമത്സരാർഥികളിൽ നിന്നും അത്രയും വിമർശനം കേൾക്കേണ്ടി വന്നിട്ടും നിലപാടിൽ ഉറച്ച് നിൽക്കുകയാണ് ലക്ഷ്മി ചെയ്തത്.

ലക്ഷ്മിയുടെ അമ്മ ഹൗസിൽ വന്നപ്പോൾ ആദിലയോടും നൂറയോടും വീട്ടിൽ കയറ്റിയില്ലെങ്കിൽ സിറ്റൗട്ടിൽ ഇരിക്കാം എന്ന് പറഞ്ഞതും വിവാദമായി. ഒനീൽ- മസ്താനി വിഷയത്തിലും ഷാനവാസ്- ബിന്നി വിഷയത്തിലും സംഭവം നേരിട്ട് കാണാതെ കയറി ഇടപെട്ട് ലക്ഷ്മി സംസാരിച്ചതും വിമർശനത്തിന് ഇടയാക്കിയിരുന്നു. 

Also Read: എനിക്ക് ബിഗ് ബോസ് തന്നത്; പ്രതിഫലം തുറന്ന് പറഞ്ഞ് റോബിൻ: Bigg Boss