ലാലേട്ടനു മുന്നിൽ അനുമോളോടുള്ള പ്രണയം തുറന്നുപറഞ്ഞ് അനീഷ്: Bigg Boss Malayalam 7

Bigg Boss malayalam Season 7: ബിഗ് ബോസ് സീസൺ ഏഴ് അവസാനിക്കാൻ ഇനി ഒരാഴ്ച മാത്രം ബാക്കി. അവസാന ഘട്ടത്തിൽ വീടിനകത്ത് ഒരു പ്രണയം മൊട്ടിട്ടിരിക്കുകയാണ്. അനീഷിന്റെ മനസ്സിലാണ് അനുമോളോടുള്ള പ്രണയം മൊട്ടിട്ടിരിക്കുന്നത്.

Also Read: ലെസ്ബിയൻ ആണെന്ന് ഞാൻ ടീച്ചറോട് പറഞ്ഞു; ഉമ്മമാർ മാത്രമാണ് ആദ്യം അറിഞ്ഞത്: ആദില ; Bigg Boss Malayalam Season 7

കഴിഞ്ഞ ദിവസം അനീഷ് അനുമോളെ പ്രൊപ്പോസ് ചെയ്യുകയും ചെയ്തിരുന്നു. തന്നെ വിവാഹം കഴിക്കാൻ താത്പര്യം ഉണ്ടോ എന്ന അനീഷിന്റെ ചോദ്യം കേട്ട് അനുമോളും ഒന്നു ഞെട്ടി. വീടിനകത്ത് ഇരുവരും തമാശ രൂപേണ പ്രണയത്തെ കുറിച്ച് സംസാരിക്കുന്നുണ്ടായിരുന്നെങ്കിലും അനീഷ് വിഷയത്തിൽ സീരിയസ് ആണെന്നു കണ്ടതോടെ പകച്ചുപോയ അനുമോളെയാണ് പ്രേക്ഷകർ പിന്നെ കണ്ടത്. അനുമോളിൽ നിന്നും അനുകൂലമായ മറുപടിയല്ല അനീഷിന്  ലഭിച്ചത്.

Also Read: 'ഡിവോഴ്സിന്റെ സമയത്തെ പ്രശ്നങ്ങളാവാം അനീഷിനെ ഇങ്ങനെ മാറ്റിയത്'; നൂറയോട് ഷാനവാസ്; Bigg Boss Malayalam Season 7

ഇപ്പോഴിതാ, 'അനുമോൾ- അനീഷ് പ്രണയം' വാരാന്ത്യ എപ്പിസോഡിലും ചർച്ചയാവുകയാണ്. വാരാന്ത്യ എപ്പിസോഡിനെത്തിയ മോഹൻലാൽ ഇക്കാര്യം അനീഷിനോട് ചോദിക്കുന്നത് പുതിയ പ്രൊമോയിൽ കാണാം.

"അനീഷ് ഒരു പ്രണയം തോന്നുന്നുണ്ടോ?" എന്ന് ലാലേട്ടൻ ചോദിക്കുമ്പോൾ "അങ്ങനെയൊരു ഫീൽ തോന്നി," എന്നാണ് അനീഷിന്റെ മറുപടി. 

"കുറേ വർഷങ്ങൾക്കു ശേഷമാണ് ഒരാൾ മുഖത്തുനോക്കി ഇങ്ങനെ പറയുന്നത്," എന്നാണ് അനുമോളുടെ മറുപടി.

"ഗുരുവായൂരമ്പല നടയിൽ ഒരു ദിവസം ഞാൻ വരേണ്ടി വരുമോ?" എന്ന് കുസൃതിയോടെ ചോദിക്കുന്ന ലാലേട്ടനെയും വീഡിയോയിൽ കാണാം. 

Also Read: 'ഈ മുട്ട എടുക്കുന്നവൻ മുടിഞ്ഞ് പോകട്ടെ'; സീസൺ തീരാറായപ്പോൾ ഓൺ ആയി സാബുമാൻ ; Bigg Boss Malayalam Season 7

അനുമോളോട് ക്രഷ് ഉണ്ടെന്ന് നേരത്തെ തന്നെ അനീഷ് പറഞ്ഞിരുന്നു. കഴിഞ്ഞ വീക്കെൻഡ് എപ്പിസോഡിൽ, അനുമോളോട് അനീഷ് കാണിച്ച കരുതലിനെ കുറിച്ച് മോഹൻലാൽ ചോദിക്കുകയും ചെയ്തിരുന്നു.

അതേ സമയം, എന്റെ സങ്കൽപ്പത്തിൽ ഉള്ള ആൾ അല്ല അനീഷ് എന്നാണ് ആദില, നൂറ, ഷാനവാസ് എന്നിവരോട് സംസാരിക്കുമ്പോൾ അനുമോൾ പറഞ്ഞത്. അതേസമയം, അനീഷ് മോശം വ്യക്തിയല്ല എന്നും അനുമോൾ വ്യക്തമാക്കുന്നു. ബിഗ് ബോസിൽ നിന്ന് പുറത്തിറങ്ങുന്നതിന് മുൻപേ നിന്നെ ലോക്ക് ആക്കാനാണ് അനീഷ് ഇപ്പോൾ വിവാഹാഭ്യർഥന നടത്തിയത് എന്ന് ഷാനവാസ് അനുവിനോട് പറഞ്ഞു.

Also Read: അനുമോളുടെ മൂന്നാമത്തെ ലവ് ട്രാക്ക്; അനീഷിന്റെ വിവാഹാഭ്യർഥനയോടെ കുരുക്കിലായി ; Bigg Boss Malayalam Season 7