'ഈ മുട്ട എടുക്കുന്നവൻ മുടിഞ്ഞ് പോകട്ടെ'; സീസൺ തീരാറായപ്പോൾ ഓൺ ആയി സാബുമാൻ ; Bigg Boss Malayalam Season 7

ബിഗ് ബോസ് മലയാളം സീസൺ ഏഴിൽ വൈൽഡ് കാർഡ് ആയി എത്തിയ സാബുമാൻ ഹൗസിൽ ഒന്നും ചെയ്യാതെ എങ്ങനെ ഇത്രയും ആഴ്ചകൾ എവിക്ഷനെ അതിജീവിച്ചു എന്നായിരുന്നു പല പ്രേക്ഷകരുടേയും ചോദ്യം. ഹൗസിലേക്ക് എത്തിയ ആദ്യ ആഴ്ചകളിൽ തന്റെ സാന്നിധ്യം ബിഗ് ബോസ് ഹൗസിൽ അറിയിക്കാൻ സാബുമാന് സാധിച്ചിരുന്നില്ല. ബിഗ് ബോസ് നൂറാം ദിനത്തോട് അടുക്കുന്ന ഈ സമയം മുട്ടയുടെ പേരിൽ പ്രശ്നമുണ്ടാക്കുകയാണ് സാബുമാൻ. സീസൺ തീരാറായപ്പോഴാണ് സാബുമാൻ ഓൺ ആയത് എന്നാണ് പ്രേക്ഷകർ പറയുന്നത്.

തനിക്ക് ലഭിച്ച മുട്ട ആരോ എടുത്തു എന്നാണ് സാബുമാൻ ആരോപിക്കുന്നത്. "എന്ത് വൃത്തികെട്ട പരിപാടിയാണ് കാണിക്കുന്നത്. ആകപ്പാടെ എട്ട് പേരെ ഇവിടെ ഉള്ളൂ. ഇവർക്കൊന്ന് നേരെ നിന്നൂടെ. കാര്യമായിട്ട് പറയുവാ വെറും വൃത്തികെട്ട പരിപാടിയാണിത്,"ഇങ്ങനെയായിരുന്നു സാബുമാന്റെ വാക്കുകൾ.

Also Read: എനിക്ക് ഷാനവാസിക്കയെ കുറിച്ച് ചില കാര്യങ്ങൾ പറയാനുണ്ട്: മേഘ്ന വിൻസെന്റ്, Bigg Bossmalayalam 7

ഞങ്ങൾ അല്ല എടുത്തത് എന്ന് നെവിനും അക്ബറും പറഞ്ഞു. ബാക്കി വന്ന മുട്ട കിച്ചണിൽ വച്ച് സാബുമാൻ പറഞ്ഞത് ഇങ്ങനെ, "ഇതിവിടെ വയ്ക്കുകയാണ്. എടുക്കുന്നവൻ മുടിഞ്ഞു പോകട്ടെ." സാബുമാന്റെ ഈ പ്രകടനം പ്രേക്ഷകർക്കും ഇഷ്ടപ്പെട്ടു. ഇപ്പോഴെങ്കിലും സാബുമാന്റെശബ്ദം ഒന്ന് കേട്ടല്ലോ എന്ന് പറഞ്ഞ് പരിഹസിച്ച് പ്രതികരണങ്ങൾ വരുന്നുണ്ട്.

Also Read: അനുമോൾക്ക് വേണ്ടി ഒറ്റയ്ക്ക് നിന്ന് പൊരുതി അനീഷ്; Bigg Boss Malayalam Season 7

മുട്ട മോഷ്ടിച്ചത് ആരാണ് എന്ന് വീക്കെൻഡ് എപ്പിസോഡിൽ കാണിക്കണമെന്ന് ബി​ഗ് ബോസിനോടായ പ്രേക്ഷകർ പറയുന്നു. ഈ ആഴ്ചയിലെ സാബുമാൻ പുറത്താകുമോ എന്ന ചോദ്യം ശക്തമാണ്. നിലവിലെ എട്ട് മത്സരാർഥികളിൽ ടിക്കറ്റ് ടു ഫിനാലെ ജയിച്ച നൂറ ഫൈനൽ വീക്കിലേക്ക് യോഗ്യത നേടിക്കഴിഞ്ഞു.

Also Read:  ആർക്കാണ് പി ആറിന്റെ കാര്യത്തിൽ അനുമോളെ പേടിയില്ലാത്തത്?: ആര്യൻ, Bigg Boss Malayalam 7