അനുമോളോട് അനീഷിന്റെ വിവാഹാഭ്യർഥന; ലാലേട്ടൻ ചോദിക്കുമോയെന്ന് ഭയന്ന് അനു ; Bigg Boss Malayalam Season 7

ബിഗ് ബോസ് സീസൺ ഏഴ് അവസാനിക്കാൻ ഒൻപത് ദിവസം മാത്രം ബാക്കിയുള്ളപ്പോൾ എല്ലാവരേയും ഞെട്ടിച്ച് അനീഷ്. അനുമോളെ അനീഷ് പ്രൊപ്പോസ് ചെയ്തത് ആണ് പ്രേക്ഷകരെ കൗതുകത്തിലാക്കിയത്. തന്നെ വിവാഹം കഴിക്കാൻ താത്പര്യം ഉണ്ടോ എന്ന അനീഷിന്റെ ചോദ്യം കേട്ട് അനുമോളും ഞെട്ടി. എന്നാൽ അനുമോളിൽ നിന്ന് അനീഷിന് അനുകൂല മറുപടി ലഭിച്ചില്ല. സംഭവം പുറത്ത് നെഗറ്റീവായി ബാധിക്കുമോ എന്ന ആശങ്കയാണ് ആദില, നൂറ, ഷാനവാസ് എന്നിവരോട് അനുമോൾ പങ്കുവയ്ക്കുന്നത്. 

അനുമോളിൽ നിന്ന് അനുകൂല പ്രതികരണം വരാതിരുന്നതോടെ പിന്നെ അനുമോളോട് സംസാരിക്കാൻ അനീഷ് തയ്യാറായില്ല. കഴിഞ്ഞ കുറച്ച് ദിവസങ്ങളായി അനുമോൾ അനീഷ് കോംമ്പോ പ്രോക്ഷകരുടെ ശ്രദ്ധ പിടിച്ചിരുന്നു. പട്ടായ ഗേൾസ് അടിച്ച് പിരിഞ്ഞതോടെ അനുമോൾക്കൊപ്പം നിന്നത് അനീഷ് ആണ്. മറ്റ് എല്ലാ മത്സരാർഥികളും അനുമോൾക്ക് എതിരെ നിന്നപ്പോൾ അനീഷ് മാത്രം അനുമോളുടെ കൂടെ ശക്തമായി നിന്നു. അനുമോളുടെ ഭാഗത്ത് നിന്ന് പ്രണയം എന്ന രീതിയിൽ വന്ന ചില നീക്കങ്ങൾ അനീഷ് കാര്യമായെടുത്തെന്നാണ് സമൂഹമാധ്യമങ്ങളിൽ ഉയരുന്ന പ്രതികരണം.

Also Read: എനിക്ക് ഷാനവാസിക്കയെ കുറിച്ച് ചില കാര്യങ്ങൾ പറയാനുണ്ട്: മേഘ്ന വിൻസെന്റ്, Bigg Bossmalayalam 7

അനുമോളോട് ക്രഷ് ഉണ്ടെന്ന് നേരത്തെ അനീഷ് പറഞ്ഞിരുന്നു. കഴിഞ്ഞ വീക്കെൻഡ് എപ്പിസോഡിൽ അനുമോളോട് അനീഷ് കാണിച്ച കരുതലിനെ കുറിച്ച് മോഹൻലാൽ ചോദിക്കുകയും ഉണ്ടായി. എന്നെ കുറിച്ച് എന്താണ് അഭിപ്രായം എന്നാണ് ഇന്ന് ആദ്യം അനീഷ് അനുമോളോട് ചോദിച്ചത്. നല്ല വ്യക്തിയാണ് അനിഷേട്ടൻ എന്ന് അനുമോൾ പറഞ്ഞതിന് പിന്നാലെയാണ് വിവാഹം കഴിക്കാൻ തയ്യാറാണോ എന്ന് അനീഷ് ചോദിച്ചത്.

Also Read: അനുമോൾക്ക് വേണ്ടി ഒറ്റയ്ക്ക് നിന്ന് പൊരുതി അനീഷ്; Bigg Boss Malayalam Season 7

സഹോദരനെ പോലെയാണ് അനീഷിനെ കണ്ടിരിക്കുന്നത് എന്നാണ് അനുമോൾ പറയുന്നത്. അനീഷ് ഇത് പറഞ്ഞതിന് പിന്നാലെ ആദിലയുടെ അടുത്ത് പോയാണ് അനുമോൾ ഇക്കാര്യം പറഞ്ഞത്. നമ്മൾ തമാശയ്ക്ക് പറഞ്ഞ കാര്യങ്ങൾ അനീഷ് കാര്യമായി എടുത്തു എന്നാണ് അനുമോൾ പറയുന്നത്. അനീഷിന് ഇവിടെ നിന്ന് ഇറിങ്ങിയതിന് ശേഷം ഇത് ചോദിച്ചൂടായിരുന്നോ എന്നെല്ലാം അനുമോൾ ചോദിക്കുന്നു.

Also Read: ഷോ ക്വിറ്റ് ചെയ്യേണ്ടി വരുമോ എന്ന് ചോദിച്ചു; വേദനയും സമ്മർദവും മറക്കില്ലെന്ന് ഷാനവാസ് ; Bigg Boss Malayalam Season 7

അനീഷിന്റെ വിവാഹാഭ്യർഥന കേട്ട് ബിഗ് ബോസ് പോലും ഞെട്ടിക്കാണും എന്നും അനുമോളും ആദിലയും പറയുന്നു. എന്റെ സങ്കൽപ്പത്തിൽ ഉള്ള ആൾ അല്ല അനീഷ് എന്ന് അനുമോൾ പറയുന്നുണ്ട്. എന്നാൽ അനീഷ് മോശം വ്യക്തിയല്ല എന്നും അനുമോൾ വ്യക്തമാക്കുന്നു. ബിഗ് ബോസിൽ നിന്ന് പുറത്തിറങ്ങുന്നതിന് മുൻപേ നിന്നെ ലോക്ക് ആക്കാനാണ് അനീഷ് ഇപ്പോൾ വിവാഹാഭ്യർഥന നടത്തിയത് എന്നാണ് ഷാനവാസ് പറയുന്നത്. മണിത്താറാവ് ബിരിയാണിയെല്ലാം കഴിക്കാം എന്ന് പറഞ്ഞ് അനുമോളെ ഇവർ കളിയാക്കുന്നുണ്ട്. 

Also Read:  ആർക്കാണ് പി ആറിന്റെ കാര്യത്തിൽ അനുമോളെ പേടിയില്ലാത്തത്?: ആര്യൻ, Bigg Boss Malayalam 7