അഖിൽ മാരാർ വീണ്ടും ബിഗ് ബോസിൽ: Bigg Boss Malayalam Season 7

Bigg Boss malayalam Season 7: ബിഗ് ബോസ് മലയാളം അഞ്ചാം സീസണിന്റെ ടൈറ്റിൽ വിന്നറായിരുന്നു അഖിൽ മാരാർ. ഇപ്പോഴിതാ, വീണ്ടും അഖിൽ ബിഗ് ബോസിലേക്ക് എത്തുകയാണ്. മത്സരാർത്ഥിയായിട്ടല്ല, അതിഥിയായിട്ടാണ് അഖിൽ ബിഗ് ബോസ് ഹൗസിലേക്ക് എത്തുന്നത് എന്നൊരു വ്യത്യാസം മാത്രം. 

അഖിൽ മാരാർ നായകനാവുന്ന പുതിയ ചിത്രം മിഡ്നൈറ്റ് ഇൻ  മുള്ളൻകൊല്ലിയുടെ പ്രൊമോഷനു വേണ്ടിയാണ് ഇത്തവണത്തെ വരവ്. അഖിലൊപ്പം ബിഗ് ബോസ് താരങ്ങളായ അഭിഷേക് ശ്രീകുമാറും സെറീനാ ജോൺസണുമുണ്ട്. അഖിലിനും സെറീനയ്ക്കും അഭിഷേകിനുമെല്ലാം ഇത് തങ്ങളുടെ തറവാട്ടിലേക്ക് തിരികെ എത്തുന്നതുപോലൊരു അനുഭവമാണ്. 

ബാബു ജോൺ രചനയും സംവിധാനവും നിർവഹിക്കുന്ന മിഡ്നൈറ്റ് ഇൻ  മുള്ളൻകൊല്ലി നിർമിക്കുന്നത്  സ്റ്റാർ ഗേറ്റിന്റെ ബാനറിൽ പ്രസിജ് കൃഷ്ണയാണ്.  ഉദയകുമാർ, സരിത സുരേഷ്, ഷൈൻ ദാസ് എന്നിവരാണ്  ചിത്രത്തിന്റെ എക്സിക്യൂട്ടീവ് പ്രൊഡ്യൂസർമാർ.  

Also Read:  ബിഗ് ബോസ് വീട്ടിൽ വെളുത്തുള്ളി തരില്ല, ഇഞ്ചി തരില്ല, ആകെ തരുന്നത് പരിപ്പ് മാത്രം: സരിക, Bigg Boss Malayalam Season 7

മുള്ളൻകൊല്ലി എന്ന അതിർത്തി മലയോര ഗ്രാമത്തിന്റെ പശ്ചാത്തലത്തിലൊരുങ്ങുന്ന ഒരു ത്രില്ലർ ചിത്രമാണിത്. അഞ്ചു ചെറുപ്പക്കാരുടെ യാത്രയിൽ, അവർക്ക് നേരിടേണ്ടി വരുന്ന ഗുരുതരമായ ചില പ്രശ്നങ്ങളാണ് ചിത്രം അവതരിപ്പിക്കുന്നത്. 

Also Read:  ഓപ്പൺ നോമിനേഷൻ; അനീഷിന്റെ ഓവർസ്മാർട്ട് കളി പൂട്ടി മത്സരാർഥികൾ ; Bigg Boss Malayalam Season 7

നവാസ് വള്ളിക്കുന്ന്, അതുൽ സുരേഷ്,കൃഷ്ണപ്രിയ, ലക്ഷ്മി ഹരികൃഷ്ണൻ, ജാഫർ ഇടുക്കി,ജോയ് മാത്യു, കോട്ടയം നസീർ, കോട്ടയം രമേശ്, ദിനേശ് ആലപ്പി, ശ്രീജിത്ത് കൈവേലി, പ്രസീജ് കുമാർ, ഉദയ കുമാർ, ആസാദ് കണ്ണാടിക്കൽ, ശിവദാസ് മട്ടന്നൂർ, സുധി കൃഷ്,  നസീർ ഷൊർണുർ, അർസിൻ സെബിൻ ആസാദ്, അശോകൻ മണത്തല ശ്രീഷ്‌മ ഷൈൻ ദാസ്,വീണ (അമ്മു )സുമയ്യ സലാം, ശ്രീഷ സുബ്രമണ്യൻ ,ബിന്ദു ബാല, പ്രിയ ബിജു ഐഷ ബിൻ എന്നിവരാണ് ചിത്രത്തിലെ പ്രധാന അഭിനേതാക്കൾ.  

Also Read:  ബിഗ്ഗ് ബോസിൽ പോകാൻ വാങ്ങി കൂട്ടിയത് ഒരു ലക്ഷം രൂപയുടെ വസ്ത്രങ്ങൾ: ആർ ജെ ബിൻസി, Bigg Boss Malayalam Season 7

സംഗീതം - ജെനീഷ് ജോൺ, സാജൻ കെ. റാം എന്നിവർ നിർവഹിച്ചിരിക്കുന്നു. ഛായാഗ്രഹണം  എൽബൻ കൃഷ്ണയും എഡിറ്റിംഗ്  രജീഷ് ഗോപിയും നിർവ്വഹിച്ചു.  സെപ്റ്റംബർ 12നു ചിത്രം തിയേറ്ററിലേക്ക് എത്തും.

Also Read: ആ മാസ് വരവ്; ഞാൻ മോശക്കാരനായി; പുറത്തുള്ളവർ എന്തിനാണ് അനുമോളെ പിന്തുണയ്ക്കുന്നത്?; Bigg Boss Malayalam Season 7