/indian-express-malayalam/media/media_files/TFx3e5ifjH5OSosMJkNJ.jpg)
Bigg Boss malayalam Season 6, Teaser: ലോകമെമ്പാടും ഏറെ ആരാധകരുള്ള റിയാലിറ്റി ഷോകളിൽ ഒന്നാണ് ബിഗ് ബോസ്. മലയാളം ബിഗ് ബോസ് സീസൺ ആറിന് തിരശ്ശീല ഉയരാൻ ഇനി അധിക ദിവസങ്ങളില്ല. ആരായിരിക്കും ഈ വർഷത്തെ ബിഗ് ബോസ് മത്സരാർത്ഥികൾ എന്ന് പ്രവചിക്കുന്ന തിരക്കിലാണ് ഷോയുടെ ആരാധകരും സോഷ്യൽ മീഡിയയും.
അതിനിടയിലാണ് പുതിയ ടീസർ എത്തിയിരിക്കുന്നത്.ബിഗ് ബോസ് വീട്ടിലെ വലിയൊരു സർപ്രൈസിനെ കുറിച്ചാണ് ടീസറിൽ മോഹൻലാൽ പറയുന്നത്. ഒരു യുവാവ് വാതിലിലൂടെ ഒളിഞ്ഞുനോക്കുന്നത് പിടികൂടുകയാണ് മോഹൻലാൽ. വീടിനുള്ളിലെ സംഘട്ടനങ്ങൾ കാണാൻ വേണ്ടിയാണ് ഈ ശ്രമമെന്നു യുവാവ് പറയുമ്പോൾ, വരാനിരിക്കുന്ന സീസണിൽ ബിഗ് ബോസ് ഹൗസിൽ ഒന്നല്ല, നാല് കിടപ്പുമുറികൾ ഉണ്ടാകുമെന്നാണ് മോഹൻലാൽ വെളിപ്പെടുത്തുന്നത്.
ഷോയുടെ ഫോർമാറ്റിൽ കൊണ്ടുവന്ന മാറ്റത്തിലേക്കാണ് മോഹൻലാലിന്റെ ഈ പ്രഖ്യാപനം വിരൽ ചൂണ്ടുന്നത്. വീടിനകത്ത് ഒന്നിൽ കൂടുതൽ ബെഡ് റൂമൂകൾ ഉണ്ടാവുമ്പോൾ മത്സരാർത്ഥികളുടെ കരുനീക്കങ്ങൾക്ക് കുറച്ചുകൂടി രഹസ്യാത്മകത കൈവരുമെന്ന് ചുരുക്കം.
ഇത്തവണ ചെന്നൈ ആവും ബിഗ് ബോസ് സീസൺ ആറിന് വേദിയാവുക എന്നാണ് പുറത്തുവരുന്ന സ്ഥിരീകരിക്കാത്ത മറ്റൊരു റിപ്പോർട്ട്. നിലവിൽ കോമണർ കണ്ടസ്റ്റന്റിനു വേണ്ടിയുള്ള ഓഡിഷൻ നടന്നുകൊണ്ടിരിക്കുകയാണ്.
മാർച്ച് ആദ്യവാരമായിരിക്കും ഗ്രാൻഡ് ലോഞ്ച് എന്നും റിപ്പോർട്ടുകളുണ്ട്. പക്ഷേ ചാനലോ ബിഗ് ബോസ് അണിയറപ്രവർത്തകരോ ഔദ്യോഗികമായി ഡേറ്റ് പ്രഖ്യാപിച്ചിട്ടില്ല.
Read more Television Related Articles:
Stay updated with the latest news headlines and all the latest Lifestyle news. Download Indian Express Malayalam App - Android or iOS.