ബീന ആന്റണി, ഷാലു പേയാട്, ജിഷിൻ മോഹൻ? ബിഗ് ബോസ് പ്രെഡിക്ഷൻ ലിസ്റ്റിൽ ഇവരൊക്കെ: Bigg Boss Malayalam Season 6

Bigg Boss Malayalam Season 6, Prediction List 2: ലോകമെമ്പാടും ഏറെ ആരാധകരുള്ള റിയാലിറ്റി ഷോകളിൽ ഒന്നാണ് ബിഗ് ബോസ്. മലയാളം ബിഗ് ബോസ് സീസൺ ആറിന് തിരശ്ശീല ഉയരാൻ ഇനി അധിക ദിവസങ്ങളില്ല. ആരായിരിക്കും ഈ വർഷത്തെ ബിഗ് ബോസ് മത്സരാർത്ഥികൾ എന്ന് പ്രവചിക്കുന്ന തിരക്കിലാണ് ഷോയുടെ ആരാധകരും സോഷ്യൽ മീഡിയയും. 

സോഷ്യൽ മീഡിയയിൽ വൈറലാവുന്ന പ്രെഡിക്ഷൻ ലിസ്റ്റിൽ നടി ബീന ആന്റണി മുതൽ ശാലു പേയാട് വരെയുണ്ട്. 

ഹണി റോസ്, ബാല, നടി ദീപ തോമസ്, സോഷ്യൽ മീഡിയ താരം അമല ഷാജി, നടി ബീന ആന്റണി, രേഖ രതീഷ്, സീക്രട്ട് ഏജന്റ് എന്ന പേരിൽ അറിയപ്പെടുന്ന യുട്യൂബർ സായ് കൃഷ്ണ,  റോബിൻ രാധാകൃഷ്ണനെതിരെ രംഗത്തെത്തിയ സ്റ്റിൽ ഫോട്ടോഗ്രാഫറായ ശാലു പേയാട്, ബ്യൂട്ടി ബ്ലോഗർ ജാസ്മിൻ ജാഫർ, സ്റ്റാർ മാജിക് ഫെയിം ജസീല പ്രവീൺ,  ട്രാൻസ് കമ്മ്യൂണിറ്റിയെ പ്രതിനിധീകരിച്ച് അമേയ പ്രസാദ് എന്നിവരുടെ പേരുകളും പ്രെഡിക്ഷൻ ലിസ്റ്റിൽ ഉയർന്നു കേൾക്കുന്നുണ്ട്.

സീരിയൽ താരങ്ങളായ ശരണ്യ ആനന്ദ്, ബീന ആന്റണി, ജിഷിൻ മോഹൻ, അഖിൽ ആനന്ദ്, ക്യാമറാമാൻ  ഷാലു പേയാട്, ബ്യൂട്ടി വ്ളോഗർ ജാസ്മിൻ ജാഫർ,   നടിയും ബിസിനസ്സ് വുമണും മോഡലുമായ ലിയാൻട്ര മരിയ, സീക്രട്ട് ഏജന്റ് സായി, നടി ദീപ തോമസ്,  ഡാൻസർ നയന ജോൺസൺ, യൂട്യൂബറായ സാഫ് ബോയ്, ട്രാൻസ് കമ്മ്യൂണിറ്റിയെ പ്രതിനിധീകരിച്ച് അമേയ പ്രസാദ്, ഫുഡ് വ്ളോഗറായ കേരള ഫുഡി, ആക്ടിവിസ്റ്റ്  ശ്രീലക്ഷ്മി അറയ്ക്കൽ, റൈഡർ ഗേൾ അനീഷ നായർ എന്നിവരെല്ലാം സമൂഹമാധ്യമങ്ങളിൽ പ്രചരിക്കുന്ന പ്രെഡിക്ഷൻ ലിസ്റ്റിൽ നിറഞ്ഞു നിൽക്കുന്നുണ്ട്.

ഇതിൽ ആരൊക്കെയാണ് ഇത്തവണ ഷോയിലെത്തുക എന്നറിയാനാണ് ബിഗ് ബോസ് ആരാധകർ കാത്തിരിക്കുന്നത്. ഫെബ്രുവരി അവസാന ആഴ്ചയോടെ ബിഗ് ബോസ് മലയാളം സീസണ്‍ ആറിനു തിരശ്ശീല ഉയരും എന്നായിരുന്നു നേരത്തെ പുറത്തുവന്ന റിപ്പോർട്ട്. എന്നാൽ ഫെബ്രുവരിയിലേക്ക് തുടങ്ങാനാവില്ലെന്നും മാർച്ച് ആദ്യവാരത്തിലാവും ഗ്രാൻഡ് ലോഞ്ച് എന്നും റിപ്പോർട്ടുകളുണ്ട്. ബിഗ് ബോസ് ലോഞ്ചിന്റെ തീയതി സ്ഥിരീകരിച്ചുകൊണ്ട് ഏഷ്യാനെറ്റോ ബിഗ് ബോസ് അണിയറപ്രവർത്തകരോ ഇതുവരെ ഔദ്യോഗിക പ്രഖ്യാപനങ്ങളൊന്നും നടത്തിയിട്ടില്ല. 

മോഹൻലാൽ തന്നെയാണ് ഇത്തവണയും ഷോയുടെ അവതാരകനായി എത്തുക. അതേസമയം, ഇത്തവണ ചെന്നൈ ആവും ബിഗ് ബോസ് സീസൺ ആറിന് വേദിയാവുക എന്നാണ് പുറത്തുവരുന്ന സ്ഥിരീകരിക്കാത്ത മറ്റൊരു റിപ്പോർട്ട്. നിലവിൽ കോമണർ കണ്ടസ്റ്റന്റിനു വേണ്ടിയുള്ള ഓഡിഷൻ നടന്നുകൊണ്ടിരിക്കുകയാണ്. 

Read more Television Related Articles:  

• ഈ വീട് നിറയെ അമ്മൂമ്മയുടെ ഓർമകളാണ്, വീടൊഴിയൽ സങ്കടകരമായിരുന്നു: സൗഭാഗ്യ
• നടി സ്നേഹ ബാബു വിവാഹിതയായി
• ഇതാണ് ഞങ്ങളുടെ രാജകുമാരൻ; മകനെ പരിചയപ്പെടുത്തി അർച്ചന സുശീലൻ
• മാളവിക ബിഗ് ബോസിലേക്കോ? Bigg Boss Malayalam Season 6
• കരച്ചിലോടെ സ്റ്റാർ മാജിക് വേദി വിട്ട് അനുമോൾ; താരത്തെ പുറത്താക്കിയതോ?