സൂപ്പർ ചലഞ്ചറായി സാബുമോൻ ബിഗ് ബോസ് ഹൗസിലേക്ക്: Bigg Boss Malayalam 6

Bigg Boss malayalam 6:  ബിഗ് ബോസ് മലയാളം ആറാം സീസൺ ഒൻപതാമത്തെ ആഴ്ചയിലേക്കു കടന്നിരിക്കുകയാണ്. ആദ്യപകുതി പിന്നിടുന്നതോടെ ബിഗ് ബോസ് വീടിനകത്ത് മത്സരാർത്ഥികളുടെ നിലനിൽപ്പ് കൂടുതൽ സങ്കീർണ്ണമാവുമെന്ന സൂചനയാണ് മോഹൻലാൽ വീക്ക്‌ലി എപ്പിസോഡിൽ നൽകിയത്. 

അഞ്ചാം സീസണിലേതു പോലെ, മുൻ സീസണുകളിൽ നിന്നും ചില മത്സരാർത്ഥികൾ അതിഥികളായി ഇത്തവണയും എത്തുന്നുണ്ടെന്നാണ് ഇപ്പോൾ ലഭിക്കുന്ന സൂചന. ആദ്യ സീസണിന്റെ വിജയിയായ സാബുമോൻ സൂപ്പർ ചലഞ്ചറായി ബിഗ് ബോസ് വീടിനകത്തേക്ക് പ്രവേശിച്ചു കഴിഞ്ഞു. 

സേഫ് ഗെയിം കളിക്കുന്നവരുടെ സ്ട്രാറ്റജികൾ പൊളിച്ച് അടുക്കുക എന്ന ലക്ഷ്യത്തോടെയാണ് പലപ്പോഴും ചലഞ്ചറായി പൂർവ്വ മത്സരാർത്ഥികൾ ഷോയിലേക്ക് എത്താറുള്ളത്. അതിനാൽ തന്നെ, ബിഗ് ബോസ് മലയാളം കണ്ട ഏറ്റവും മികച്ച ഗെയിമറായ സാബുമോൻ എത്തുമ്പോൾ എന്താവും വീടിനകത്തു സംഭവിക്കുക എന്ന ആകാംക്ഷയിലാണ് പ്രേക്ഷകരും. 

View this post on Instagram

A post shared by Asianet (@asianet)

ബിഗ് ബോസിലെ ഐക്കോണിക് ടാസ്കുകളിൽ ഒന്നായ ഹോട്ടൽ ടാസ്കിലാണ് അതിഥിയായി സാബുമോൻ എത്തുന്നത്. 

മുൻ സീസണുകളിൽ വിജയികളായ ദിൽഷ പ്രസന്നൻ, മണിക്കുട്ടൻ എന്നിവരും ഈ സീസണിൽ ചലഞ്ചേഴ്സ് ആയി എത്തുമെന്ന് റിപ്പോർട്ടുകളുണ്ട്. എന്നാൽ ചാനൽ അധികൃതർ ഇതുവരെ ഇക്കാര്യം സ്ഥിരീകരിച്ചിട്ടില്ല. 

അഞ്ചാം സീസണിൽ പൊളി ഫിറോസ്, റിയാസ് സലിം, റോബിൻ രാധാകൃഷ്ണൻ, രജിത്ത് കുമാർ എന്നിവരും സൂപ്പർ ചലഞ്ചേഴ്സായി എത്തിയിരുന്നു. 

Read More Stories Here

• ആരാവും ബിഗ് ബോസ് കിരീടം ചൂടുക? സാധ്യത ആ രണ്ടുപേർക്കെന്ന് ഗബ്രി
• അവൻ ഗേ ആയാൽ എന്താ? എന്റെ മകനല്ലേ: അഭിഷേകിന്റെ അമ്മ പറയുന്നു
• അവളുടെ ആരോഗ്യമാണ് മറ്റെന്തിനേക്കാളും എനിക്ക് പ്രധാനം: പൂജയുടെ ആരോഗ്യസ്ഥിതി ഇതാണ്, അപ്ഡേറ്റുമായി കാമുകൻ
• അർജുനെ കുരുക്കാൻ ജിന്റോയുടെ കുരുട്ടുബുദ്ധിയോ? തീക്കൊള്ളികൊണ്ട് തല ചൊറിയരുതെന്ന് പ്രേക്ഷകർ