Bigg Boss Malayalam 6: എനിക്ക് ഗെയ്മിനേക്കാളും വലുത് നീയാണ് ജാസ്മിൻ: ഗബ്രി

Bigg Boss malayalam 6: ബിഗ് ബോസ് വീടിനകത്തേക്ക് ആറു വൈൽഡ് കാർഡുകൾ ഒന്നിച്ചെത്തിയതോടെ ഗെയിം തന്നെ മാറിയിരിക്കുകയാണ്. വീടിനകത്തേക്കു വൈൽഡ് കാർഡായി പ്രവേശിച്ച മത്സരാർത്ഥികൾ ഓരോരുത്തരും കൃത്യമായ ലക്ഷ്യത്തോടെയും വീടിനകത്തെ ചില കൂട്ടുക്കെട്ടുകൾ പൊളിക്കുക എന്ന ഉദ്ദേശത്തോടെയുമാണ് എത്തിയിരിക്കുന്നത്. മിക്കവരുടെയും ശ്രമം ജാസ്മിൻ- ഗബ്രി കൂട്ടുക്കെട്ട് പൊളിക്കുക എന്നതാണെന്ന് വന്ന ദിവസം തന്നെ പലരും വ്യക്തമാക്കി കഴിഞ്ഞു.

പുറത്ത് നടക്കുന്ന കാര്യങ്ങൾ ജാസ്മിനെ അറിയിക്കുകയാണ് വന്നയുടനെ സായ് കൃഷ്ണ ചെയ്തിരിക്കുന്നത്. ഗബ്രി- ജാസ്മിൻ ബന്ധം സമൂഹമാധ്യമങ്ങളിൽ വലിയ രീതിയിൽ വിമർശനം നേരിടുന്നുണ്ട്. ഇത്തരത്തിൽ ജാസ്മിനെതിരെ പുറത്തുയരുന്ന വിമർശനങ്ങളെ കുറിച്ചാണ് സായി ജാസ്മിനു സൂചന നൽകിയത്. ജാസ്മിൻ വിചാരിച്ച പോലെയല്ല പുറത്തെ കാര്യങ്ങളെന്നും ജാസ്മിന്റെ പ്രതിശ്രുതവരൻ അഫ്സൽ വിഷമത്തിലാണെന്നും പ്രതികരണവുമായി രംഗത്തെത്തിയെന്നും സായ് അറിയിച്ചിരുന്നു. 

ഗബ്രിയുടെ വെളിപ്പെടുത്തൽ ജാസ്മിനെ ഞെട്ടിച്ചിരിക്കുകയാണ്. തനിക്ക് ഗബ്രിയോട് പ്രണയമില്ലെന്നും പിന്നെ എന്താണ് പ്രേക്ഷകർ ഇങ്ങനെ തെറ്റിദ്ധരിക്കുന്നത് എന്നുമൊക്കെയാണ് ജാസ്മിൻ രശ്മിനുമായി സംസാരിക്കുന്നതിനിടയിൽ സങ്കടത്തോടെ പറയുന്നത്.  

സായിയിൽ നിന്നു അറിഞ്ഞ കാര്യങ്ങൾ ജാസ്മിൻ ഗബ്രിയുമായും ചർച്ച ചെയ്യുന്നുണ്ട്. എല്ലാം കേട്ട ഗബ്രിയുടെ വാക്കുകളും ഇപ്പോൾ വൈറലാവുകയാണ്. "എനിക്ക് ഗെയ്മിനേക്കാളും വലുത് നീയാണ് ജാസ്മിൻ. എനിക്ക് നിന്നോട് പ്രണയമല്ല സ്നേഹം. പ്രണയമില്ലെന്നു ഞാൻ പറയില്ല, പ്രണയമുണ്ടായിട്ടുണ്ടാവാം, ഇനിയുണ്ടാവാം. അറിയില്ല. നിന്റെ വീട്ടുകാരെ പറഞ്ഞു മനസ്സിലാക്കാൻ ഞാൻ ശ്രമിക്കാം. നിന്റെ കല്യാണം നടന്നില്ലെങ്കിൽ മാട്രിമോണിയലിൽ എങ്ങാനും തപ്പിപ്പിടിച്ചു കെട്ടിക്കാം," എന്നാണ് ഗബ്രി പറയുന്നത്. 
 
 

View this post on Instagram

A post shared by BB_S6_Cutzz (@bb_s6_cutzz)

എന്നെ കെട്ടിക്കാൻ നീയാര്? എന്നു ജാസ്മിൻ ചോദിക്കുമ്പോൾ "ഞാൻ നിന്റെ അത്തയാണ്, ഉമ്മയാണ്, നിന്റെ അനിയനാണ്, ചേട്ടനാണ്, സുഹൃത്താണ്, ബോയ് ഫ്രണ്ടാണ്, ഭർത്താവാണ്, ഭാര്യയാണ് എല്ലാമാണ്," എന്നാണ് ഗബ്രി ഉത്തരം നൽകുന്നത്. . 

Read More Stories Here

• ശ്രീതുവിനോട് ക്രഷ് തുറന്നു പറഞ്ഞ് റസ്മിൻ; വീഡിയോ: Bigg Boss Malayalam 6
• 10 ലക്ഷം രൂപ മാത്രം; ബിഗ് ബോസിൽ ഉപയോഗിച്ച വാട്ടർ ബോട്ടിൽ വിൽപ്പനയ്‌ക്കെന്ന് റോക്കി: Bigg Boss Malayalam 6
• ഗ്യാസ് ഓഫ് ചെയ്യാതെ പോയത് ജാസ്മിനോ? തെളിവ് നിരത്തി മോഹൻലാൽ: Bigg Boss Malayalam 6
• സത്യത്തിൽ നിങ്ങളാരാണ് ജിന്റോ, മണ്ടനോ അതിബുദ്ധിമാനോ? പ്രേക്ഷകർ ചോദിക്കുന്നു
• ജാസ്മിൻ നല്ല ഗെയിമാണോ കളിച്ചത്?; പൊട്ടിത്തെറിച്ച് മോഹൻലാൽ
• പ്രെഷർ ഉണ്ടെങ്കിൽ വീട്ടിലിരിക്കണം; രതീഷിനോട് പൊട്ടിത്തെറിച്ച് ലാലേട്ടൻ