ഫോൺപേയിൽ പിഷാരടിയും വന്നേ! ചിരിപ്പിച്ച് എവിനും കെവിനും, വീഡിയോ

മഴവില്‍ മനോരമയിലെ ഒരുചിരി ഇരുചിരി ബംപര്‍ ചിരി എന്ന പരിപാടിയിലൂടെ മിനിസ്ക്രീൻ പ്രേക്ഷകരുടെ ഇഷ്ടം കവർന്ന ഇരട്ടസഹോദരങ്ങളാണ് എവിനും കെവിനും. ഇവരുടെ സ്‌കിറ്റുകൾക്കും അഭിനയത്തിനുമെല്ലാം വലിയ ഫാൻ ബേസുണ്ട്. കോമഡിയിലെ ടൈമിംഗും ഇരുവരും തമ്മിലുള്ള കെമിസ്ട്രിയും ഒന്നിനൊന്നു മെച്ചം.

ഇപ്പോഴിതാ, കൗണ്ടർ കിങ്ങായ പിഷാരടിയെ ട്രോളി കൊണ്ടുള്ള ഇരുവരുടെയും സ്കിറ്റിന്റെ ഭാഗമാണ് സോഷ്യൽ മീഡിയയുടെ ശ്രദ്ധ നേടുന്നത്.  സ്മാർട്ട് സ്പീക്കറുകളിലെ സെലിബ്രിറ്റി വോയ്‌സ് ഫീച്ചർ പരിചയമില്ലാത്ത മലയാളികൾ ഇന്നു കുറവായിരിക്കും. ഫോൺ പേയിൽ  പണമിടപാട് നടത്തുമ്പോൾ മമ്മൂട്ടിയുടെ ശബ്ദത്തിൽ പൈസ കൈപ്പറ്റിയത് അറിയിക്കുന്നതും നന്ദി പറയുന്നതും അത്രയേറെ മലയാളികൾക്ക് സുപരിചിതമായ കാര്യമാണിന്ന്.

ഒരുചിരി ഇരുചിരി ബംപര്‍ ചിരിയുടെ വേദിയിൽ അവതരിപ്പിച്ച പുതിയ സ്കിറ്റിൽ, മമ്മൂട്ടിയുടെ വോയിസിനു പകരം രമേഷ് പിഷാരടിയുടെ ശബ്ദമാണ് എവിൻ-കെവിൻമാർ കൊണ്ടുവരുന്നത്. അതെന്താണ് അങ്ങനെയെന്ന ചോദ്യത്തിന് "മമ്മൂക്കയുള്ള എല്ലായിടത്തും പിഷാരടിയും ഉണ്ടല്ലോ. മമ്മൂക്കയ്ക്ക് എന്തോ തിരക്കുണ്ട്, അതാണ് പിഷാരടി പറഞ്ഞേ," എന്നാണ് എവിന്റെ മറുപടി. പിഷാരടി ഗസ്റ്റായി വന്ന വേദിയിൽ ആയിരുന്നു എവിൻ- കെവിൻമാരുടെ ഈ സ്കിറ്റ് അവതരണം. 

View this post on Instagram

A post shared by mr_thala (@mr_ak_tala)

കോട്ടയം ജില്ലയിലെ പാര്‍ക്ക് ലെയ്ന്‍ പുതുപ്പറമ്പില്‍ ജി വില്ലയില്‍ ജി.ജോര്‍ജ് - നീന ദമ്പതികളുടെ മക്കളാണ് കെവിനും എവിനും. മൂന്നാം ക്ലാസില്‍ പഠിക്കുമ്പോള്‍ ഫ്‌ളവേഴ്‌സ് ചാനലില്‍ സംപ്രേഷണം ചെയ്ത കട്ടുറുമ്പ് എന്ന പരിപാടിയിലൂടെയാണ് ഇരുവരും മിനിസ്‌ക്രീനില്‍ മുഖം കാണിക്കുന്നത്.

Read More

• വിരസകാഴ്ചകൾ, ഏൽക്കാതെ പോയ കോമഡികൾ; പ്രാവിൻകൂട് ഷാപ്പ് റിവ്യൂ; Pravinkoodu Shappu Review
• Anpodu Kanmani Review: സുപരിചിതമായ വിഷയം പ്ലെയിനായി പറഞ്ഞുപോവുന്ന അൻപോടു കൺമണി; റിവ്യൂ
• Partners Ott: പാർട്ണേഴ്സ് ഒടിടിയിലേക്ക്
• ത്രിൽ അത്ര പോരാ, ആവറേജ് ചിത്രം; 'ഡൊമിനിക് ആൻഡ് ദി ലേഡീസ് പേഴ്സ്' റിവ്യൂ; Dominic And The Ladies Purse Review
• ''എന്റെ ഏജൻസിയിലേക്ക് സ്വാഗതം'': മമ്മൂട്ടി