യുകെ ജീവിതം മടുത്തു, എനിക്ക് അഭിനയിക്കണം, തിരികെ വരാൻ ഒരുങ്ങുകയാണ്: നിയ രഞ്ജിത്ത്

മലയാളത്തിലും തമിഴിലുമായി 25 ഓളം സീരിയലുകളിൽ തിളങ്ങിയ നടിയാണ് നിയ രഞ്ജിത്ത്. നിയ എന്ന പേരിനേക്കാളും കല്യാണി എന്ന പേരാവും മലയാളികൾക്ക് പരിചയം. തമിഴർക്കാവട്ടെ കസ്തൂരിയും.  മലയാളത്തിൽ ‘മിഥുനം’, ‘അമ്മ’, ‘കറുത്തമുത്ത്’ തുടങ്ങിയ സീരിയലുകളിലൂടെയാണ് നിയ ശ്രദ്ധ നേടിയത്.  തമിഴില്‍ ‘കസ്തൂരി' എന്ന സീരിയലും ഏറെ ശ്രദ്ധ നേടിയിരുന്നു.  ബെസ്റ്റ് ഫ്രണ്ട്സ്, മലയാളി തുടങ്ങിയ സിനിമകളിലും നിയ അഭിനയിച്ചിട്ടുണ്ട്.

അഭിനയത്തിൽ നിന്നും ഇടവേള എടുത്ത കല്യാണി നാലുവർഷമായി ഭർത്താവിനും മക്കൾക്കുമൊപ്പം ലണ്ടനിലാണ് താമസം. എന്നാൽ ഇപ്പോഴിതാ, ലണ്ടൻ വിടുകയാണെന്നും അഭിനയത്തിലേക്ക് സജീവമാകാൻ ആഗ്രഹിക്കുന്നു എന്നുമാണ് നിയ പറയുന്നത്. 

"തിരിച്ചു നാട്ടിലേക്ക് പോകണം എന്ന ആഗ്രഹമാണ് കുറെ നാളായി മനസ്സിൽ. ഇവിടെ നല്ല ശാന്തമായ ജീവിതമാണ്. പക്ഷേ വർക്ക് ചെയ്തിരുന്ന ആളാണല്ലോ ഞാൻ എന്ന ചിന്ത എപ്പോഴും മനസ്സിലുണ്ട്. ഒരു വീട്ടമ്മ ആയി ഒതുങ്ങിക്കൂടാൻ വല്ലാത്ത പേടി ആയി. ഞാൻ രഞ്ജിത്തിനോട് അത് പലതവണ ആയി പറഞ്ഞിട്ടുമുണ്ട്. എനിക്ക് അകെ അറിയുന്നത് അഭിനയിക്കാനോ അല്ലെങ്കിൽ കുക്കറി ഷോ ചെയ്യാനോ ആണ്.  ഇവിടെ വേറെ ജോലി നോക്കിയാൽ കിട്ടുമായിരിക്കും പക്ഷേ സന്തോഷം കിട്ടുമോ എന്ന് അറിയില്ല."

"കുഞ്ഞുങ്ങളെ ഇട്ടിട്ട് ദൂരെ സീരിയൽ ഷൂട്ടിങിനും മറ്റും പോകാനാകുമോ എന്നൊന്നും അറിയില്ല. എറണാകുളത്ത് സീരിയലുകളോ സിനിമകളോ ഒക്കെ കിട്ടിയാൽ ചെയ്യണമെന്നുണ്ട്. രഞ്ജിത്ത് ലണ്ടനിൽ തന്നെ ഉണ്ടാകും, ഇപ്പോൾ നമ്മളെ കൊണ്ടാക്കാൻ വരും, എന്നിട്ട് തിരിച്ചുപോരും," തന്റെ യൂട്യൂബ് ചാനലിൽ പങ്കുവച്ച വീഡിയോയിൽ നിയ പറഞ്ഞു. 

Read More Television Stories Here

• നന്നായി പാടിയതല്ലേ, ഇതാ ഒരു സമ്മാനം; സ്റ്റാർ സിംഗർ മത്സരാർത്ഥിയ്ക്കായി ചിത്ര ഒരുക്കിയ സർപ്രൈസ്, വീഡിയോ
• നടി, മോഡൽ, അവതാരക, ഇന്റീരിയർ ഡിസൈനർ, സംരംഭക, യൂട്യൂബർ; ഇതെല്ലാം കൂടി എങ്ങനെ മാനേജ് ചെയ്യുന്നുവെന്ന് ആരാധകർ
• കുട്ടിത്താരങ്ങൾ വർഷങ്ങൾക്കിപ്പുറം; ചാത്തന്മാർ കൊണ്ടുവന്നു നിർത്തിയതാണെന്ന് ആരാധകർ
• ഹലോ കുട്ടിച്ചാത്തനിലെ കുട്ടിത്താരങ്ങൾ അന്നും ഇന്നും; ചിത്രങ്ങൾ കാണാം
• ജനനം കൊണ്ട് അമേരിക്കക്കാരി, ഹൃദയം കൊണ്ട് മലയാളി; ആളെ മനസ്സിലായോ?