ഇന്നു മുതൽ ജിയോ ഹോട്സ്റ്റാർ; പ്ലാനുകൾ അറിയാം

രാജ്യത്തെ പ്രമുഖ സ്ട്രീമിങ് പ്ലാറ്റ്ഫോമുകളായ ജിയോ സിനിമയും ഡിസ്നി+ ഹോട്ട്സ്റ്റും സംയോജിപ്പിച്ച് ജിയോ ഹോട്സ്റ്റാർ ഇന്ന് പ്രഖ്യാപിച്ചു. എല്ലാ ഇന്ത്യക്കാർക്കും പ്രീമിയം വിനോദം യഥാർത്ഥത്തിൽ ലഭ്യമാക്കുക എന്നതാണ് ജിയോ ഹോട്ട്സ്റ്റാറിന്റെ ലക്ഷ്യമെന്ന് പ്രഖ്യാപനത്തിനു പിന്നാലെ സിഇഒ കിരൺ മണി പറഞ്ഞു.

10 ഭാഷകളിലായി വിവിധ ഷോകൾ, സിനിമകൾ, ലൈവ് സ്‌പോർട്‌സ് പരിപാടികൾ എന്നിവ ജിയോ ഹോട്ട്സ്റ്റാർ വാഗ്ദാനം ചെയ്യുന്നു. ജിയോ സിനിമ, ഡിസ്നി+ ഹോട്ട്സ്റ്റാർ വരിക്കാർക്ക് പുതിയ പ്ലാറ്റ്‌ഫോമിലേക്ക് വളരെ എളുപ്പത്തിൽ മാറാൻ കഴിയുമെന്ന് ജിയോ ഹോട്ട്സ്റ്റാർ പ്രഖ്യാപനത്തിൽ വ്യക്തമാക്കിയിട്ടുണ്ട്.

ഒറിജിനൽ ഉള്ളടക്കത്തിന് പുറമേ, എൻ‌ബി‌സി യൂണിവേഴ്സൽ പീക്കോക്ക്, വാർണർ ബ്രോസ്, ഡിസ്കവറി, എച്ച്ബി‌ഒ, പാരാമൗണ്ട് എന്നിവയിൽ നിന്നുള്ള കണ്ടന്റുകളും ജിയോഹോട്ട്സ്റ്റാറിൽ ലഭ്യമാകും. നിലവിൽ മറ്റൊരു സ്ട്രീമിങ് പ്ലാറ്റ്ഫോമിലും ലഭ്യമല്ലാത്ത സവിശേഷതയാണിത്.

ഐപിഎൽ, ഡബ്ല്യുപിഎൽ, ഐസിസി ഇവന്റുകൾ പോലുള്ള പ്രീമിയർ ക്രിക്കറ്റ് ടൂർണമെന്റുകളും പ്രീമിയർ ലീഗ്, വിംബിൾഡൺ, പ്രോ കബഡി, ഐഎസ്എൽ പോലുള്ള ആഭ്യന്തര ലീഗുകൾ ജിയോഹോട്ട്സ്റ്റാർ വാഗ്ദാനം ചെയ്യുന്നുണ്ട്.

4K സ്ട്രീമിങ്ങിനു പുറമേ, എഐ പവേർഡ് ഇൻസൈറ്റുകൾ, റിയൽ-ടൈം സ്റ്റാറ്റ്സ് ഓവർലേകൾ, മൾട്ടി-ആംഗിൾ വ്യൂവിങ്, 'സ്പെഷ്യൽ ഇന്ററസ്റ്റ്' ഫീഡുകൾ എന്നിവ പോലുള്ള സവിശേഷതകളും ജിയോഹോട്ട്സ്റ്റാറിലുണ്ട്. 

ജിയോ ഹോട്ട്സ്റ്റാറിന്റെ പ്ലാനുകളും വിലയും ഇതാ