iPhone 16: ഐഫോൺ 16 സീരീസ്, പ്രീ-ബുക്കിങ് ഇന്നു മുതൽ

ആപ്പിളിന്റെ ഐഫോൺ 16 സീരീസ് ഇന്നു മുതൽ പ്രീ ബുക്കിങ് ആരംഭിക്കുന്നു. കാലിഫോർണിയയിലെ ആപ്പിൾ പാർക്കിൽ നടന്ന ചടങ്ങിൽ ഈ ആഴ്ച ആദ്യമാണ് പുതിയ ഐഫോൺ മോഡലുകൾ കമ്പനി അവതരിപ്പിച്ചത്. ഐഫോൺ 16, 16 പ്ലസ്, 16 പ്രോ, 16 പ്രോ മാക്സ് എന്നിങ്ങനെ നാലു മോഡലുകളാണ് കമ്പനി പുറത്തിറക്കുന്നത്.

ആപ്പിൾ ഇൻ്റലിജൻസ് തന്നെയാണ് ഐഫോൺ 16 സീരീസിന്റെ ഏറ്റവും വലിയ സവിശേഷത. പതിവുപോലെ കാര്യമായ മാറ്റങ്ങൾ ഇല്ലാതെയാണ് ഇത്തവണയും പുതിയ മോഡലുകൾ പുറത്തിറക്കിയിരിക്കുന്നത്. വെള്ളിയാഴ്ച വൈകുന്നേരം 5:30 മുതൽ ഐഫോൺ 16 മോഡലുകളുടെ പ്രീ-ഓർഡറുകൾ സ്വീകരിക്കാൻ തുടങ്ങും. ആപ്പിൾ സ്റ്റോറിൽ നിന്ന് ഉപഭോക്താക്കൾക്ക് ആപ്പിൾ ഡിവൈസുകൾ മുൻകൂട്ടി ബുക്കു ചെയ്യാം.

സെപ്റ്റംബർ 20 മുതൽ ഫോണുകളുടെ ഷിപ്പിങ് ആരംഭിക്കും. അതേ ദിവസം തന്നെ റീട്ടെയിൽ സ്റ്റോറുകളിലും ഐഫോൺ 16 സീരീസ് ലഭ്യമാകും. ആമസോൺ, ഫ്ലിപ്കാർട്ട് തുടങ്ങിയ ഇ-കൊമേഴ്‌സ് സ്റ്റോറുകളിൽ നിന്നും ഉപഭോക്താക്കൾക്ക് ഐഫോൺ 16 സീരീസ് വാങ്ങാം.

ഐഫോൺ 16 സീരീസ് ഇന്ത്യയിലെ വില: iPhone 16 series price in india

ഐഫോൺ 16

• 128GB സ്റ്റോറേജ്: 79,900 രൂപ
• 256GB സ്റ്റോറേജ്: 89,900 രൂപ
• 512GB സ്റ്റോറേജ്: 109,900 രൂപ

ഐഫോൺ 16 പ്ലസ്

• 128GB സ്റ്റോറേജ്: 89,900 രൂപ
• 256GB സ്റ്റോറേജ്: 99,900 രൂപ
• 512GB സ്റ്റോറേജ്: 119,900 രൂപ

ഐഫോൺ 16 പ്രോ

• 128GB സ്റ്റോറേജ്: 119,900 രൂപ
• 256GB സ്റ്റോറേജ്: 129,900 രൂപ
• 512GB സ്റ്റോറേജ്: 149,900 രൂപ

ഐഫോൺ 16 പ്രോ മാക്‌സ്

• 256GB സ്റ്റോറേജ്: 144,900 രൂപ
• 512GB സ്റ്റോറേജ്: 164,900 രൂപ
• 1TB സ്റ്റോറേജ്: 184,900 രൂപ

Read More

• വിദേശ യാത്രയ്ക്ക് തയ്യാറെടുക്കുകയാണോ? മികച്ച ഇന്റർനാഷണൽ റോമിങ് പ്ലാനുകൾ ഇതാ
• വൈഫൈ സ്പീഡ് കുറവാണോ? ഈ 5 കാര്യങ്ങൾ പരിശോധിക്കൂ
• ജിയോ, എയർടെൽ, വി: ഏറ്റവും മികച്ച റീചാർജ് പ്ലാനുകൾ
• പാട്ട് തിരയാൻ ഇനി വരികൾ അറിയേണ്ട; ഈണം മൂളിയാൽ യൂട്യൂബ് കണ്ടുപിടിക്കും