കോഹ്ലിയെ വെറുതെ വിടു; ഇപ്പോൾ രഞ്ജി ട്രോഫി കളിക്കേണ്ട ആവശ്യമില്ലെന്ന് അമ്പാട്ടി റായിഡു

12 വർഷത്തെ ഇടവേളയ്ക്ക് ശേഷമാണ് ഇന്ത്യയുടെ സൂപ്പർ താരം വിരാട് കോഹ്ലി രഞ്ജി ട്രോഫിയിലേക്ക് മടങ്ങിയെത്തിയത്. ഫോം വീണ്ടെടുക്കാനുള്ള ശ്രമത്തിലാണ് താരം. ഇപ്പോഴിതാ കോഹ്ലിക്ക് പിന്തുണയുമായെത്തിയിരിക്കുകയാണ് മുൻ ഇന്ത്യൻ താരം അമ്പാട്ടി റായിഡു. കോഹ്ലിയെ അനാവശ്യമായി വിമർശിക്കരുതെന്ന് റായിഡു ആരാധകരോട് അഭ്യർത്ഥിച്ചു.

കോഹ്‌ലിയുടെ ബാറ്റിങ് ടെക്നിക്കുകളിൽ ഒരു പരിഷ്‌കരണത്തിന്റെയും ആവശ്യമില്ല, അദ്ദേഹം തിരിച്ചുവരും, റായിഡു പറഞ്ഞു. 'ഇപ്പോൾ കോഹ്ലിക്ക് രഞ്ജിയുടെ ആവശ്യമില്ല. കോഹ്ലി അദ്ദേഹത്തിന്റെ ബാറ്റിങ് ടെക്നിക്കിൽ 81 സെഞ്ചുറികൾ നേടിയിട്ടുണ്ട്. അത് ഇനി മുന്നോട്ടും അങ്ങനെതന്നെയായിരിക്കും. ഒന്നിനും അദ്ദേഹത്തെ ആരും നിർബന്ധിക്കരുത്. എല്ലാം പഴയതുപോലെയാകാൻ അദ്ദേഹത്തിന് സമയം ആവശ്യമാണ്. ഉള്ളിലെ തീപ്പൊരി തനിയെ ജ്വലിക്കും. എല്ലാത്തിനും ഉപരി, അദ്ദേഹത്തെ വിശ്വസിക്കുക, ബഹുമാനിക്കുക. ഏറ്റവും പ്രധാനമായി കോഹ്ലിയെ വെറുതെ വിടുക,' റായിഡു എക്സിൽ കുറിച്ചു.

Right now Virat Kohli dsnt need Ranji.His technique was good for 81 hundreds nd it will be good going forward as https://t.co/74HewkmLjd one shud force him into forcing himself for anything.He needs time to feel good about everything again.The spark within will ignite on its…

— ATR (@RayuduAmbati) February 1, 2025

അതേസമയം, രഞ്ജി ട്രോഫി ക്രിക്കറ്റിലേക്ക് മടങ്ങി എത്തിയ കോഹ്ലിക്ക് ഡൽഹിക്കായി റെയിൽവേസിന് എതിരെ ഒന്നാം ഇന്നിങ്സിൽ നേടാനായത് ആറ് റൺസ് മാത്രമായിരുന്നു. റെയിൽവേസിന്റെ പേസർ ഹിമാൻഷു കോഹ്ലിയുടെ ഓഫ് സ്റ്റംപ് ഇളക്കുകയായിരുന്നു.

15 പന്തുകളാണ് റെയിൽവേസിന് എതിരെ കോഹ്ലി നേരിട്ടത്. അതിൽ ഹിമാൻഷുവിന് എതിരെ മനോഹരമായ കവർ ഡ്രൈവ് കോഹ്ലി കളിച്ചിരുന്നു. ഈ ഷോട്ടിന് സമാനമായ രീതിയിൽ കളിക്കാൻ ശ്രമിച്ചപ്പോഴാണ് വിക്കറ്റ് വീണത്.

Read More

• കോഹ്ലി..കോഹ്ലി..! ഈ ജനക്കൂട്ടം പറയും ഇന്ത്യൻ ക്രിക്കറ്റിലെ രാജാവ് ആരെന്ന്
• KeralaBlasters: 11 വർഷത്തെ കാത്തിരിപ്പ്; ചെന്നൈ കോട്ടയിൽ ചരിത്ര ജയം തൊട്ട് ബ്ലാസ്റ്റേഴ്സ്
• Ranji Trophy Match :രക്ഷകനായി സൽമാൻ; സെഞ്ചുറി; ബിഹാറിനെതിരെ കേരളത്തിന് മികച്ച സ്കോർ
• Ranji Trophy: ആദ്യം സെഞ്ചുറി; ഇപ്പോൾ ഷാർദുലിന്റെ ഹാട്രിക്; ബിസിസിഐ കാണുന്നുണ്ടോ?