Vignesh Puthur: ഇനി ഹർദിക്കിന് വിഘ്നേഷിനെ തഴയാൻ കഴിഞ്ഞേക്കില്ല; കാരണം ഇത്

Vignesh Puthur Mumbai Indians IPL 2025: ഡൽഹി ക്യാപിറ്റൽസിന് എതിരായ കളിയിൽ മാച്ച് വിന്നറായി കരൺ ശർമ മാറിയതോടെ മലയാളി ഇടംകയ്യൻ റിസ്റ്റ് സ്പിന്നർ വിഘ്നേഷ് പുത്തൂരിന് മുൻപിലെ വഴിയടഞ്ഞതായാണ് വിലയിരുത്തപ്പെട്ടത്. എന്നാൽ വിഘ്നേഷ് പുത്തൂരിനെ വീണ്ടും കളിപ്പിക്കാൻ മുംബൈ നിർബിന്ധിതരായേക്കാവുന്ന സാഹചര്യമാണ് ഇപ്പോഴുള്ളത്. ക്യാപ്റ്റൻ ഹർദിക് പാണ്ഡ്യ വിഘ്നേഷിനെ തഴയുന്നു എന്ന റിപ്പോർട്ടുകൾ വരുമ്പോഴാണ് വിഘ്നേഷിന് അനുകൂലമായി കാര്യങ്ങൾ തിരിയുന്നത്. 

റോയൽ ചലഞ്ചേഴ്സ് ബെംഗളൂരുവിന് എതിരായ മുംബൈയുടെ മത്സരത്തിലാണ് വിഘ്നേഷ് അവസാനമായി കളിച്ചത്. ഒരോവർ മാത്രം എറിഞ്ഞ വിഘ്നേഷ് ഒരു വിക്കറ്റ് വീഴ്ത്തുകയും ചെയ്തു. എന്നാൽ പിന്നെ വിഘ്നേഷിന് ഹർദിക് പന്ത് നൽകിയില്ല. നിർണായക കൂട്ടുകെട്ടുകൾ പൊളിച്ച് മുംബൈക്ക് ബ്രേക്ക് നൽകുന്നതിൽ മികവ് കാണിച്ചിട്ടും വിഘ്നേഷിന് എതിരായ സമീപനമാണ് ഹർദിക്കിൽ നിന്ന് വന്നത്. 

വിഘ്നേഷിന് തിരികെ എത്താനുള്ള വഴി

ഡൽഹി ക്യാപിറ്റൽസിന് എതിരായ കളിയിൽ വിഘ്നേഷിനെ മാറ്റി പകരം സ്പിന്നർ കരൺ ശർമയെ മുംബൈ ടീമിൽ ഉൾപ്പെടുത്തി. മൂന്ന് വിക്കറ്റ് പിഴുത് കരൺ കിട്ടിയ അവസരം പ്രയോജനപ്പെടുത്തി. എന്നാൽ ഇപ്പോൾ പരുക്കിന്റെ പിടിയിലേക്ക് വീണിരിക്കുകയാണ് കരൺ. സൺറൈസേഴ്സ് ഹൈദരാബാദിന് എതിരായ കളിയിൽ കരൺ പ്ലേയിങ് ഇലവനിൽ സ്ഥാനം കണ്ടെത്തി. 

എന്നാൽ കൈക്ക് പരുക്കേറ്റ് രക്തം വന്നതോടെ കരണിന് ഡ്രസ്സിങ് റൂമിലേക്ക് മടങ്ങേണ്ടി വന്നു. പിന്നെ കരൺ കളിക്കാൻ തിരിച്ചെത്തിയില്ല. കരണിന് പരുക്കിൽ നിന്ന് മുക്തനാവാൻ സാധിച്ചില്ല എങ്കിൽ വിഘ്നേഷിന് തിരികെ ടീമിലേക്ക് മടങ്ങി എത്താനുള്ള വഴി തെളിയും. നിലവിൽ ആറ് വിക്കറ്റ് ആണ് വിഘ്നേഷ് സീസണിൽ വീഴ്ത്തിയിരിക്കുന്നത്. എന്നാൽ പല മത്സരങ്ങളിലും നാല് ഓവർ ക്വാട്ട മുഴുവനും വിഘ്നേഷിന് ലഭിച്ചിട്ടില്ല. 

Read More

• MI vs SRH: മുംബൈക്ക് തുടരെ രണ്ടാം ജയം; ഹൈദരാബാദിന്റെ പ്ലേഓഫ് സാധ്യതകൾ മങ്ങി
• MS Dhoni IPL: 'ഇത് നിന്റെ രണ്ടാമത്തേത് അല്ലേ?' ആരാധകനെ കുടഞ്ഞ് ധോണി
• ദ്രാവിഡും സഞ്ജുവും തമ്മിൽ ഉടക്ക്? മാറി നിൽക്കുന്ന സഞ്ജുവിന്റെ വിഡിയോ പുറത്ത്
• Sanju Samson IPL: സഞ്ജുവിന് അടുത്ത മത്സരം നഷ്ടമായേക്കും; പരുക്ക് വില്ലനാവുന്നു