Sanju Samson IPL: സഞ്ജുവിന് അടുത്ത മത്സരം നഷ്ടമായേക്കും; പരുക്ക് വില്ലനാവുന്നു

Sanju Samson Injury Update IPL 2025 Rajasthan Royals: തിരിച്ചടികളിൽ നിറഞ്ഞതായിരുന്നു രാജസ്ഥാൻ റോയൽസിന്റെ ഡൽഹി ക്യാപിറ്റൽസിന് എതിരായ മത്സരം. അതിൽ ആരാധകരെ ഏറ്റവും ആശങ്കയിലാക്കുന്നത് ക്യാപ്റ്റൻ സഞ്ജു സാംസണിന്റെ ഫിറ്റ്നസ് പ്രശ്നമാണ്. പരുക്ക് ഗുരുതരമാണ് എങ്കിൽ സഞ്ജുവിന് രാജസ്ഥാൻ റോയൽസിന്റെ അടത്ത മത്സരങ്ങൾ നഷ്ടമാവുമോ എന്ന ആശങ്കയാണ് ആരാധകർക്കുള്ളിൽ നിറയുന്നത്. 

രാജസ്ഥാൻ റോയൽസ് ഇന്നിങ്സിലെ ആറാമത്തെ ഓവറിലെ മൂന്നാമത്തെ പന്തിന് പിന്നാലെയാണ് സംഭവം. ഇടത് വാരിയെല്ലിന്റെ ഭാഗത്ത് വേദന കടുത്തതോടെ ടീം ഫിസിയോ ഗ്രൗണ്ടിലേക്ക് എത്തി സഞ്ജുവിനെ പരിശോധിച്ചു. ഇതിന് ശേഷം ഒരു പന്ത് കൂടി സഞ്ജു നേരിട്ടു. എന്നാൽ വേദന കൂടിയതോടെ റിട്ടയർഡ് ഹർട്ടായി രാജസ്ഥാൻ റോയൽസ് ക്യാപ്റ്റൻ ഡഗൗട്ടിലേക്ക് മടങ്ങി. 

19 പന്തിൽ നിന്ന് 31 റൺസ് എടുത്ത് മികച്ച നിലയിൽ നിൽക്കുമ്പോഴാണ് ഫിറ്റ്നസ് പ്രശ്നം സഞ്ജുവിനെ അലട്ടിയത്. ഏപ്രിൽ 19 ശനിയാഴ്ച ലക്നൗവിന് എതിരെയാണ് രാജസ്ഥാൻ റോയൽസിന്റെ അടുത്ത മത്സരം. ഈ മത്സരത്തിന്റെ സമയമാവുമ്പോഴേക്കും സഞ്ജുവിന് തിരിച്ചെത്താനാവുമോ എന്ന ചോദ്യത്തിന് ഇതുവരെ ഉത്തരമായിട്ടില്ല. 

View this post on Instagram

A post shared by CricketGully (@cricketgullyofficial)

മത്സരത്തിന് ശേഷം ജിയോഹോട്സ്റ്റാറിൽ സംസാരിക്കുമ്പോൾ സഞ്ജു പരുക്കിനെ കുറിച്ച് സംസാരിച്ചിരുന്നു. "നേരത്തെയുള്ളതിനേക്കാൾ ഭേദപ്പെട്ടതായി തോന്നുന്നു. തിരികെ വന്ന് ബാറ്റ് ചെയ്യാൻ പറ്റുന്ന അവസ്ഥയിൽ ആയിരുന്നില്ല ഞാൻ. വ്യാഴാഴ്ച പരിശോധനയ്ക്ക് വിധേയനാവുകയും അതിന് ശേഷം തീരുമാനം എടുക്കുകയും ചെയ്യും," സഞ്ജു സാംസൺ പറഞ്ഞു. 

നിലവിൽ ഏഴ് മത്സരങ്ങളിൽ നിന്ന് രണ്ട് ജയം മാത്രമാണ് രാജസ്ഥാൻ റോയൽസിനുള്ളത്. പോയിന്റ് പട്ടികയിൽ എട്ടാം സ്ഥാനത്താണ് രാജസ്ഥാൻ റോയൽസ് ഇപ്പോൾ. തുടർജയങ്ങളിലേക്ക് തിരികെ എത്തിയാൽ മാത്രമാണ് രാജസ്ഥാന് പ്ലേഓഫ് പ്രതീക്ഷ നിലനിർത്താൻ സാധിക്കുകയുള്ളു. ഈ സമയം സഞ്ജു സാംസണിന് പരുക്കേറ്റ് മത്സരങ്ങൾ നഷ്ടമായാൽ അത് രാജസ്ഥാന് കനത്ത തിരിച്ചടിയാവും.

പരുക്കിനെ തുടർന്ന് രാജസ്ഥാൻ റോയൽസിന്റെ സീസണിലെ ആദ്യ മൂന്ന് മത്സരങ്ങളിൽ ബാറ്റ് ചെയ്യാൻ മാത്രമാണ് സഞ്ജുവിന് ഇറങ്ങാനായത്. ഇംഗ്ലണ്ടിന് എതിരായ ട്വന്റി20 മത്സരത്തിൽ ആർച്ചറുടെ പന്തിൽ വിരലിന് പരുക്കേറ്റതിനെ തുടർന്ന് സഞ്ജുവിന് ശസ്ത്രക്രിയക്ക് വിധേയനാവേണ്ടി വന്നിരുന്നു. ഇതിന് പിന്നാലെ ഫിറ്റ്നസ് പൂർണമായും വീണ്ടെടുത്ത് വരുമ്പോഴാണ് വാരിയെല്ലിന്റെ ഭാഗത്തെ വേദന സഞ്ജുവിനെ അലോസരപ്പെടുത്തുന്നത്. 

Read More

• RR vs DC: സൂപ്പർ ഓവറിൽ വീണ് രാജസ്ഥാൻ; ഡൽഹിക്ക് ത്രസിപ്പിക്കുന്ന ജയം
• ആവേശം കൂടിപ്പോയോ? ഇന്ത്യൻ താരത്തിന് അവസാന നിമിഷം സ്വർണം നഷ്ടം; വീഡിയോ
• 111 റൺസ് പിന്തുടർന്ന കൊൽക്കത്ത ചാരമായി; ചരിത്രമെഴുതി പഞ്ചാബ്
• ശിഷ്ടകാലം പ്രതിമാസം 30,000 രൂപ; കാംബ്ലിക്ക് ഗാവസ്കറിന്റെ കൈത്താങ്ങ്