111 റൺസ് പിന്തുടർന്ന കൊൽക്കത്ത ചാരമായി; ചരിത്രമെഴുതി പഞ്ചാബ്

പഞ്ചാബ് കിങ്സിനെ 111 എന്ന ചെറിയ വിജയ ലക്ഷ്യത്തിലൊതുക്കിയതിന് ശേഷം വേഗത്തിൽ ജയം പിടിക്കാം എന്ന ലക്ഷ്യവുമായിട്ടാണ് രഹാനെയും കൂട്ടരും ക്രീസിലെത്തിയത്. എന്നാൽ 95 റൺസിന് നിലവിലെ ചാംപ്യന്മാരെ പഞ്ചാബ് കിങ്സ് ചുരുട്ടിക്കെട്ടി. 16 റൺസിന് ശ്രേയസിനും സംഘത്തിനും അമ്പരപ്പിക്കുന്ന ജയം. 62-3 എന്ന നിലയിൽ നിന്നാണ് 95ന് കൊൽക്കത്തയെ പഞ്ചാബ് കിങ്സ് പുറത്താക്കിയത്. 

ഐപിഎല്ലിലെ ഏറ്റവും ചെറിയ ടോട്ടലാണ് പഞ്ചാബ് കിങ്സ് പ്രതിരോധിച്ചിരിക്കുന്നത്. 14.1 ഓവറിനുള്ളിൽ വിജയ ലക്ഷ്യം മറികടന്നിരുന്നു എങ്കിൽ കൊൽക്കത്തയ്ക്ക് പോയിന്റ് ടേബിളിൽ മുൻപിലെത്താമായിരുന്നു. 

രഹാനെയുടേയും രഘുവൻഷിയുടയും വിക്കറ്റ് പിഴുത് ചഹൽ ആണ് അവിശ്വസനീയ ജയത്തിലേക്ക് പഞ്ചാബിനെ എത്തിച്ചത്. നാല് വിക്കറ്റ് ആണ് ചഹൽ പിഴുതത്. ജാൻസെൻ മൂന്ന് വിക്കറ്റും വീഴ്ത്തി. 37 റൺസ് എടുത്ത രഘുവൻഷിയാണ് കൊൽക്കത്തയുടെ ടോപ് സ്കോറർ. രഹാനെ 17  റൺസ് എടുത്തു. 17 റൺസ് എടുത്ത് റസലും വിജയ ലക്ഷ്യത്തിനടുത്തേക്ക് ടീമിനെ എത്തിക്കാൻ ശ്രമിച്ചെങ്കിലും സാധിച്ചില്ല. 

View this post on Instagram

A post shared by IPL (@iplt20)

മൂന്ന് കൊൽക്കത്ത നൈറ്റ്റൈഡേഴ്സ് കളിക്കാർ മാത്രമാണ് സ്കോർ രണ്ടക്കം കടത്തിയത്. ഏഴ് താരങ്ങൾ ഒറ്റയക്കത്തിന് പുറത്തായി. സുനിൽ നരെയ്നെ വീഴ്ത്തി ജാൻസെനാണ് കൊൽക്കത്തയുടെ തകർച്ചയ്ക്ക് തുടക്കമിട്ടത്.  

നേരത്തെ ആദ്യം ബാറ്റ് ചെയ്ത പഞ്ചാബ് വിക്കറ്റ് നഷ്ടമില്ലാതെ നാല് ഓവറിൽ 39 റൺസ് എന്ന നിലയിലെത്തിയിരുന്നു. എന്നാൽ ഓപ്പണിങ് കൂട്ടുകെട്ട് തകർന്നതിന് പിന്നാലെ അവരുടെ തകർച്ച ആരംഭിച്ചു. 15 പന്തിൽ നിന്ന് 30 റൺസ് എടുത്ത പ്രാഭ്സിമ്രാൻ സിങ് ആണ് പഞ്ചാബിന്റെ ടോപ് സ്കോറർ. കൊൽക്കത്തക്കായി ഹർഷിത് റാണ മൂന്നും വരുൺ, നരെയ്ൻ എന്നിവർ രണ്ട് വിക്കറ്റ് വീതവും വീഴ്ത്തി. 

Read More

• 55 പന്തിൽ 141; റെക്കോർഡുകൾ കടപുഴക്കി അഭിഷേക്; ഉദിച്ചുയർന്ന് ഹൈദരാബാദ്
• ബെംഗളൂരുവിന്റെ നെഞ്ചുപിളർത്തി മക്ലാരന്റെ ഗോൾ; ഐഎസ്എൽ കിരീടം മോഹൻ ബഗാന്
• മൂന്ന് വർഷമായി പ്രണയത്തിൽ? ആരാണ് മാഡി? യശസ്വിക്കായി പറന്നെത്തുന്ന യുവതി
• ഫിറ്റ്നസൊക്കെ എന്തിന്! ആവി പറക്കും മട്ടൻ ബിരിയാണി ആസ്വദിച്ച് പാക്കിസ്ഥാൻ താരങ്ങൾ