Vaibhav Suryavanshi: ഐപിഎല്ലിന് ശേഷം വൈഭവിന്റെ ശരീര ഭാരം കൂടി; വെളിപ്പെടുത്തി പിതാവ്

Vaibhav Suryavanshi Weight Gain: ഐപിഎല്ലിന് പിന്നാലെ ഇന്ത്യൻ അണ്ടർ 19 ക്രിക്കറ്റ് താരം വൈഭവ് സൂര്യവൻഷിയുടെ ശരീര ഭാരം കൂടിയതായി താരത്തിന്റെ പിതാവ്. ശരീര ഭാരം കുറയ്ക്കുന്നതിന് വേണ്ടി ഡയറ്റ് കർശനമായി വൈഭവ് പിന്തുടരുന്നുണ്ട് എന്നും രാജസ്ഥാൻ റോയൽസ് താരത്തിന്റെ പിതാവ് പറഞ്ഞതായി ദൈനിക് ജാഗ്രൻ റിപ്പോർട്ട് ചെയ്യുന്നു. 

"വൈഭവിന്റെ ഭക്ഷണക്രമത്തിൽ ഇപ്പോൾ വലിയ ശ്രദ്ധ നൽകുന്നുണ്ട്. ശരീര ഭാരം കൂടുന്ന സാഹചര്യം ഒഴിവാക്കാൻ വൈഭവ് ജിമ്മിൽ പോകുന്നുണ്ട്. അവന്റെ ശരീര ഭാരം ഐപിഎല്ലിന് ശേഷം ഒരുപാട് കൂടിയിരുന്നു. അത് കുറയ്ക്കേണ്ടതുണ്ട്," സൂര്യവൻഷി പറഞ്ഞു. 

Also Read: 68 പന്തിൽ 122 റൺസ്; നാല് വിക്കറ്റും;'ലോർഡ് ശാർദുൽ'; പണി കിട്ടിയത് ഈ താരത്തിന്

ബിഹാറിലെ പ്രശസ്ത ഭക്ഷണ വിഭവമായ ലിറ്റി ചോക്ക വൈഭവ് ഇപ്പോഴും കഴിക്കാറുണ്ടോ എന്ന ചോദ്യത്തിന് ഇല്ല എന്നായിരുന്നു പിതാവിന്റെ മറുപടി. കുറേ നാളായി അത് വൈഭവ് അവന്റെ ഭക്ഷണക്രമത്തിൽ നിന്ന് ഒഴിവാക്കിയതായി പിതാവ് പറഞ്ഞു. 

മകന്റെ പേരിൽ ലഭിക്കുന്ന പ്രശസ്തി, മകന്റെ പേരിൽ പലരും തന്നെ തിരിച്ചറിയുന്നു എന്നത് വലിയ സന്തോഷം നൽകുന്നതായും സൂര്യവൻഷി പറഞ്ഞു. "മകന്റെ പേരിൽ അറിയപ്പെടുക എന്നത് ഏതൊരു പിതാവിനും അഭിമാനമാവുന്ന കാര്യമാണ്. ഇപ്പോൾ എവിടെ പോയാലും വലിയ ബഹുമാനമാണ് എനിക്ക് ലഭിക്കുന്നത്. എന്നെ കാണാൻ ആളുകൾ വരുന്നു. ഞങ്ങളെ സംബന്ധിച്ച് ഇതെല്ലാം സ്വപ്നം പോലെയാണ്. ഈ പ്രായത്തിൽ ഐപിഎല്ലിൽ ഇത്രയും റൺസ് കണ്ടെത്തുക എന്നത് അഭിമാനകരമായ നേട്ടമാണ്," വൈഭവിന്റെ പിതാവ് പറഞ്ഞു. 

Also Read: 134 പന്തിൽ 327 റൺസ്; 13കാരൻ അയാൻ രാജിന്റെ വെടിക്കെട്ട്; വൈഭവിന്റെ കൂട്ടുകാരൻ

"എന്റെ മകനിൽ വിശ്വാസം വയ്ക്കാൻ തയ്യാറായ രാഹുൽ ദ്രാവിഡ് സാറിനും സുബിൻ ബറൂചയ്ക്കും രാജസ്ഥാൻ റോയൽസ് ബാറ്റിങ് കോച്ചിനും ഞാൻ നന്ദി പറയുന്നു. എല്ലാവരും വൈഭവിന്റെ കാര്യത്തിൽ സന്തുഷ്ടരാണ്. വൈഭവിലൂടെ ബിഹാർ ലോകം മുഴുവൻ അറിയപ്പെടുന്നു."

ഈ പ്രശസ്തി വൈഭവ് എങ്ങനെ കൈകാര്യം ചെയ്യും എന്ന് ആശങ്കയുണ്ടായി

"ഇത്ര ചെറിയ പ്രായത്തിൽ ഇത്ര വലിയ രീതിയിൽ പ്രശസ്തി ലഭിച്ചാൽ അത് നല്ല രീതിയിൽ കൈകാര്യം ചെയ്യേണ്ടതുണ്ട്. എനിക്ക് കുറച്ച് സന്ദേഹങ്ങൾ ഉണ്ടായിരുന്നു. എന്നാൽ വൈഭവിന് കാര്യങ്ങളെല്ലാം മനസിലാവുന്നുണ്ട്. ഇതൊരു തുടക്കം മാത്രമാണ് എന്ന് വൈഭവിന് അറിയാം. ഇനി അവന് രാജ്യത്തിന് വേണ്ടി കളിക്കേണ്ടതുണ്ട്."

Also Read: അശ്വിനെതിരെ പന്ത് ചുരണ്ടൽ ആരോപണം; പരാതി നൽകി മധുരൈ പാന്തേഴ്സ്

നിലവിൽ ഇന്ത്യയുടെ അണ്ടർ 19 ടീമിനൊപ്പമാണ് വൈഭവ്. ഇംഗ്ലണ്ട് അണ്ടർ 19 ടീമിന് എതിരെ വൈഭവിന് മികവ് തെളിയിക്കാൻ സാധിച്ചാൽ പിന്നെ ഇന്ത്യൻ സീനിയർ ടീമിലേക്ക് വരാൻ വൈഭവിന് അധികം കാത്തിരിക്കേണ്ടി വരില്ല. ഇംഗ്ലണ്ട് അണ്ടർ 19 ടീമിന് എതിരായ മത്സരങ്ങൾക്ക് മുൻപായി ദേശിയ ക്രിക്കറ്റ് അക്കാദമിയിൽ നടത്തിയ പരിശീലന മത്സരത്തിൽ വൈഭവ് 90 പന്തിൽ 190 റൺസ് കണ്ടെത്തിയിരുന്നു. 

Read More: കേരളം വിയർക്കും; രഞ്ജിയിൽ വമ്പൻ എതിരാളികൾ; ഷെഡ്യൂൾ കടുപ്പം