Vaibhav Suryavanshi IPL: 'ആര് പറഞ്ഞാലും കളി ശൈലി മാറ്റരുത്'; വൈഭവിനോട് ഗാംഗുലി

Vaibhav Suryavanshi IPL 2025 Rajasthan Royals: ഗുജറാത്ത് ടൈറ്റൻസിനെതിരെ 35 പന്തിൽ സെഞ്ചുറി. എന്നാൽ പിന്നാലെ വന്ന മുംബൈ ഇന്ത്യൻസിനും കൊൽക്കത്ത നൈറ്റ്റൈഡേഴ്സിനുമെതിരായ മത്സരങ്ങളിൽ രണ്ട് പന്തിൽ കൂടുതൽ അതിജീവിക്കാൻ വൈഭവ് സൂര്യവൻഷിക്കായില്ല. എന്നാൽ കളി ശൈലി മാറ്റാതിരിക്കുക എന്നാണ് ഇന്ത്യൻ മുൻ ക്യാപ്റ്റൻ സൗരവ് ഗാംഗുലി വൈഭവിനോട് പറയുന്നത്. 

കൊൽക്കത്ത നൈറ്റ്റൈഡേഴ്സിന് എതിരായ രാജസ്ഥാൻ റോയൽസിന്റെ ത്രില്ലിങ് മത്സരത്തിന് പിന്നാലെയാണ് വൈഭവ് സൂര്യവൻഷിയെ സൗരവ് ഗാംഗുലി കണ്ടത്. വൈഭവിന്റെ ബാറ്റ് വാങ്ങി ഗാംഗുലി നോക്കി. ഏറെ ദൂരം മുൻപോട്ട് പോകാൻ വൈഭവിന് പ്രചോദനം നൽകുന്ന വാക്കുകളാണ് ഗാംഗുലിയിൽ നിന്ന് വന്നത്. 

"നിന്റെ കളി ഞാൻ കണ്ടിരുന്നു. ഇതേ പോലെ ഭയരഹിതമായി തന്നെ കളി തുടരുക. കളി ശൈലി മാറ്റേണ്ട ഒരു കാര്യവം ഇല്ല," വൈഭവ് സൂര്യവൻഷിയോട് ഗാംഗുലി പറഞ്ഞതായി സംഗ്ബാദ് പ്രതിദിൻ റിപ്പോർട്ട് ചെയ്യുന്നു. അഞ്ച് മത്സരങ്ങളാണ് വൈഭവ് സൂര്യവൻഷി ഇതുവരെ രാജസ്ഥാൻ റോയൽസിന് വേണ്ടി കളിച്ചത്. നേടിയത് 155 റൺസ്. 101 റൺസ് ആണ് ഉയർന്ന സ്കോർ. 209 ആണ് സ്ട്രൈക്ക്റേറ്റ്. 

View this post on Instagram

A post shared by Rajasthan Royals (@rajasthanroyals)

താര ലേലത്തിൽ രാജസ്ഥാൻ റോയൽസ് 1.1 കോടി രൂപയ്ക്ക് സ്വന്തമാക്കിയ കുട്ടി താരത്തിൽ നിന്ന് 16 ഫോറുകൾ ഇതിനോടകം പറന്ന് കഴിഞ്ഞു. സഞ്ജു സാംസണിന് പരുക്കേറ്റതോടെയാണ് വൈഭവിനെ രാജസ്ഥാൻ റോയൽസ് യശസ്വി ജയ്സ്വാളിനൊപ്പം ഓപ്പണിങ്ങിൽ ഇറക്കിയത്. അരങ്ങേറ്റത്തിൽ നേരിട്ട ആദ്യ പന്തിൽ തന്നെ സിക്സ് പറത്തി വൈഭവ് വരവറിയിച്ചിരുന്നു. 

സീസണിൽ രണ്ട് മത്സരങ്ങൾ കൂടി മാത്രമാണ് ഇനി രാജസ്ഥാൻ റോയൽസിന്റെ മുൻപിലുള്ളത്. സഞ്ജു സാംസൺ ഫിറ്റ്നസ് വീണ്ടെടുത്ത് തിരിച്ചെത്തിയാലും ഓപ്പണിങ്ങിൽ യശസ്വിക്കൊപ്പം വൈഭവ് തന്നെ തുടരാനാണ് സാധ്യത. സഞ്ജു പ്ലേയിങ് ഇലവനിലേക്ക് എത്തിയാൽ വൺഡൗണായിട്ടാവും ബാറ്റിങ്ങിന് ഇറങ്ങുക. 

Read More

• PBKS vs LSG: അർഷ്ദീപിന്റെ മാരക സ്പെല്ലുകൾ; ലക്നൗ വീണ്ടും തോറ്റു; പഞ്ചാബ് രണ്ടാമത്
• ആളൊഴിഞ്ഞ് ഈഡൻ ഗാർഡൻസ്; 900ൽ നിന്ന് 3500ലേക്ക് ഉയർന്ന് ടിക്കറ്റ് നിരക്ക്
• Vaibhav Suryavanshi: 'വൈഭവ് വിയർപ്പൊഴുക്കിയിട്ടുണ്ട് ഒരുപാട്'; പ്രശംസയുമായി പ്രധാനമന്ത്രി
• കോഹ്ലിക്ക് എന്തുപറ്റി? അസ്വസ്ഥനായി താരം; അവ്നീത് കൗർ പ്രശ്നം കാരണമോ എന്ന് ചോദ്യം