Vaibhav Suryavanshi: പുതുചരിത്രമെഴുതി വൈഭവ്; 78 പന്തിൽ അടിച്ചുകൂട്ടിയത് 143 റൺസ്

പുതുചരിത്രമെഴുതി വൈഭവ് സൂര്യവൻഷി. അണ്ടർ 19 ക്രിക്കറ്റിൽ യൂത്ത് ഏകദിനത്തിൽ സെഞ്ചുറി നേടുന്ന ഏറ്റവും പ്രായം കുറഞ്ഞ താരമായി വൈഭവ് മാറി. 14 വയസും 241 ദിവസവും പ്രായമുള്ളപ്പോൾ ബംഗ്ലാദേശ് താരം ഷാന്റോ സെഞ്ചുറിയടിച്ചതിന്റെ റെക്കോർഡ് ആണ് വൈഭവ് മറികടന്നത്. 52 പന്തിൽ നിന്ന് ഇംഗ്ലണ്ട് അണ്ടർ 19 ടീമിനെതിരെ സെഞ്ചുറി തികച്ച വൈഭവ് 78 പന്തിൽ നിന്ന് 143 റൺസ് അടിച്ചെടുത്താണ് ക്രീസ് വിട്ടത്. 

13 ഫോറും 10 സിക്സുമാണ് വൈഭവിന്റെ ബാറ്റിൽ നിന്ന് പറന്നത്. 183 എന്ന സ്ട്രൈക്ക്റേറ്റിലാണ് ഇംഗ്ലണ്ട് അണ്ടർ 19 ടീമിനെ ഇന്ത്യയുടെ പതിനാലുകാരൻ തച്ചുതകർത്തത്. യൂത്ത് ഏകദിനത്തിൽ സെഞ്ചുറി നേടുന്ന ഇന്ത്യയുടെ പ്രായം കുറഞ്ഞ താരം എന്ന സർഫറാസ് ഖാന്റെ റെക്കോർഡ് വൈഭവ് തിരുത്തി. 15 വയസും 338 ദിവസവും പ്രായമുള്ളപ്പോഴാണ് ഇന്ത്യ അണ്ടർ 19 ടീമിനായി സർഫറാസ് സെഞ്ചുറി നേടിയത്.

Also Read: Vaibhav Suryavanshi: 31 പന്തിൽ 86; യുവിയേയും റെയ്നയേയും മറികടന്നു; വമ്പൻ നേട്ടം വൈഭവിന് മുൻപിൽ

യൂത്ത് ഏകദിനത്തിന്റെ ചരിത്രത്തിലെ ഏറ്റവും വേഗമേറിയ സെഞ്ചുറിയാണ് വൈഭവ് തന്റെ പേരിലാക്കിയത്. 53 പന്തിൽ അണ്ടർ 19 ക്രിക്കറ്റിൽ സെഞ്ചുറി നേടിയ പാക്കിസ്ഥാന്റെ കമ്രാൻ ഗുലമിനെയാണ് വൈഭവ് ഇവിടെ പിന്നിലാക്കിയത്. 

Also Read: Vaibhav Suryavanshi: വെടിക്കെട്ട് ബാറ്റിങ് മാത്രമല്ല; ബോളിങ്ങിലും വൈഭവ് തിളങ്ങി

ഇംഗ്ലണ്ട് അണ്ടർ 19 ടീമിനെതിരായ കഴിഞ്ഞ യൂത്ത് ഏകദിനത്തിൽ വൈഭവ് 86 റൺസ് എടുത്തിരുന്നു. 31 പന്തിൽ നിന്നായിരുന്നു ഈ 86 റൺസ് വന്നത്. ഇവിടെ 20 പന്തിൽ നിന്ന് വൈഭവ് അർധ ശതകം പിന്നിട്ടു. യൂത്ത് ഏകദിനത്തിലെ ഇന്ത്യൻ താരത്തിന്റെ അതിവേഗ അർധ ശതകം ഋഷഭ് പന്തിന്റെ പേരിലാണ്. 

View this post on Instagram

A post shared by Mufaddal Vohra (@mufastweet)

Also Read: Vaibhav Suryavanshi: 19 പന്തിൽ 48 റൺസുമായി വൈഭവ്; ഒരു കോഹ്ലി ബന്ധവും ഉണ്ട്; എന്ത് എന്നല്ലേ?

ഇന്ത്യൻ അണ്ടർ 19 ടീമിനായി തകർപ്പൻ അർധ ശതകം കണ്ടെത്തിയ കളിക്കാരിൽ വെച്ച് ഏറ്റവും മികച്ച സ്ട്രൈക്ക്റേറ്റ് എന്ന നേട്ടത്തിലാണ് യുവരാജ് സിങ്ങിനേയും സുരേഷ് റെയ്നയേയും വൈഭവ് സൂര്യവൻഷി മറികടന്നിരിക്കുന്നത്. യുവരാജ് സിങ് അണ്ടർ 19 ടീമിനായി ഓസ്ട്രേലിയക്കെതിരെ 25 പന്തിൽ 58 റൺസ് അടിച്ചപ്പോൾ 232 ആയിരുന്നു സ്ട്രൈക്ക്റേറ്റ്. സുരേഷ് റെയ്നയുടെ സ്ട്രൈക്ക്റേറ്റ് 236.

Read More: Vaibhav Suryavanshi: വൈഭവ് സൂര്യവൻഷിയുടെ ആസ്തി എത്രയെന്ന് അറിയുമോ?