India Vs England Test: 100 കിമീ യാത്ര ചെയ്ത് വൈഭവും കൂട്ടരും; ആ ചരിത്ര നേട്ടം നേരിൽ കണ്ട് കുട്ടിപ്പട

india Vs England 2nd Test: എഡ്ജ്ബാസ്റ്റണിൽ ക്യാപ്റ്റൻ ശുഭ്മാൻ ഗില്ലിന്റെ ഇരട്ട ശതകത്തിന്റെ ബലത്തിൽ ഇന്ത്യ സ്കോർ ഉയർത്തിയപ്പോൾ ഗ്യാലറിയിൽ ടീമിനായി ആരവം മുഴക്കാൻ ഇന്ത്യൻ അണ്ടർ 19 ടീമും. 100 കിമീ ദൂരം സഞ്ചരിച്ചാണ് എഡ്ജ്ബാസ്റ്റൺ ടെസ്റ്റ് കാണാൻ വൈഭവ് സൂര്യവൻഷിയും സംഘവും എഡ്ജ്ബാസ്റ്റണിൽ എത്തിയത്. 

ഇംഗ്ലണ്ട് അണ്ടർ 19 ടീമിനെതിരായ ഏകദിനത്തിൽ 86 റൺസ് വൈഭവ് അടിച്ചെടുത്തതിന് തൊട്ടടുത്ത ദിവസമാണ് ഇത്രയും ദൂരം സഞ്ചരിച്ച് ഇന്ത്യൻ അണ്ടർ 19 ടീം സീനിയർ ടീമിന്റെ കളി കാണാൻ എത്തിയത്. വൂസ്റ്ററിൽ നിന്നാണ് വൈഭവും കൂട്ടരും എഡ്ജ്ബാസ്റ്റണിലേക്ക് എത്തിയത്. ശുഭ്മാൻ ഗിൽ ഇരട്ട ശതകം നേടി ചരിത്ര നേട്ടത്തിലേക്ക് എത്തുന്നത് നേരിട്ട് കാണാൻ ഇതിലൂടെ ഇന്ത്യൻ അണ്ടർ 19 താരങ്ങൾക്കായി. 

Vaibhav Suryavanshi in the stands at the Edgbaston. pic.twitter.com/p7xMZoZdQf

— Mufaddal Vohra (@mufaddal_vohra) July 3, 2025

Also Read: Shubman Gill Double Century: ഇംഗ്ലണ്ട് മണ്ണിൽ ഇന്ത്യൻ രാജകുമാരന്റെ തേരോട്ടം; ക്ലാസിക് ഇരട്ട ശതകം

ഇംഗ്ലണ്ട് അണ്ടർ 19 ടീമിനെയിരായ മൂന്നാം യൂത്ത് ഏകദിനത്തിൽ ഇന്ത്യ അണ്ടർ 19 ടീമിനെ തകർപ്പൻ ചെയ്സിങ് ജയത്തിലേക്ക് എത്തിച്ചത് വൈഭവ് ആണ്. 31 പന്തിൽ നിന്ന് വൈഭവ് അടിച്ചെടുത്തത് 86 റൺസ്. റെക്കോർഡുകളിൽ പലതും വൈഭവ് തകർത്തെറിഞ്ഞു.

Also Read: Vaibhav Suryavanshi: 31 പന്തിൽ 86; യുവിയേയും റെയ്നയേയും മറികടന്നു; വമ്പൻ നേട്ടം വൈഭവിന് മുൻപിൽ

20 പന്തിൽ നിന്നാണ് വൈഭവ് സൂര്യവൻഷി അർധ ശതകം പൂർത്തിയാക്കിയത്. സെഞ്ചുറിക്ക് തൊട്ടരികിൽ വീണ് പുറത്താകുമ്പോഴേക്കും വൈഭവിന്റെ ബാറ്റിൽ നിന്ന് ഒൻപത് സിക്സും ആറ് ഫോറും പറന്നു. യൂത്ത് ഏകദിനത്തിലെ ഒരു ഇന്ത്യൻ താരത്തിന്റെ ഏറ്റവും വേഗമേറിയ അർധ ശതകം ഋഷഭ് പന്തിന്റെ പേരിലാണ്. 2016ൽ നേപ്പാളിന് എതിരെ അണ്ടർ 19 ടീമിനായി 18 പന്തിൽ നിന്നാണ് പന്ത് സ്കോർ 50 കടത്തിയത്.

Also Read: India Vs England Test: ഇന്ത്യയുടെ വിശ്വസ്തൻ; രോഹിത്തിന്റെ റെക്കോർഡും മറികടന്ന് യശസ്വി

ഇന്ത്യൻ അണ്ടർ 19 ടീമിനായി തകർപ്പൻ അർധ ശതകം കണ്ടെത്തിയ കളിക്കാരിൽ വെച്ച് ഏറ്റവും മികച്ച സ്ട്രൈക്ക്റേറ്റ് എന്ന നേട്ടത്തിലാണ് യുവരാജ് സിങ്ങിനേയും സുരേഷ് റെയ്നയേയും വൈഭവ് സൂര്യവൻഷി മറികടന്നിരിക്കുന്നത്. യുവരാജ് സിങ് അണ്ടർ 19 ടീമിനായി ഓസ്ട്രേലിയക്കെതിരെ 25 പന്തിൽ 58 റൺസ് അടിച്ചപ്പോൾ 232 ആയിരുന്നു സ്ട്രൈക്ക്റേറ്റ്. സുരേഷ് റെയ്നയുടെ സ്ട്രൈക്ക്റേറ്റ് 236.

Read More: India Vs England Test: എട്ടാം നമ്പർ വരെ ബാറ്റർ; ഇത് ഇന്ത്യയുടെ ഏറ്റവും ദയനീയ ബോളിങ് നിര?