IPL 2025: "ധോണി ഉള്ളിടത്തോളം ആർസിബിക്ക് കിരീടത്തിൽ സ്പർശിക്കാൻ പോലും കഴിയില്ല"

IPL 2025, Royal Challengers Banglore: എം.എസ്.ധോണി ചെന്നൈ സൂപ്പർ കിങ്സിന്റെ ഭാഗമായിരിക്കുന്നിടത്തോളം കാലം റോയൽ ചലഞ്ചേഴ്സ് ബെംഗളൂരുവിന് ഐപിഎൽ കിരീടത്തിൽ തൊടാൻ പോലും സാധിക്കില്ലെന്ന് പാക്കിസ്ഥാൻ മുൻ വിക്കറ്റ് കീപ്പർ റാഷിദ് ലത്തിഫ്. 2008ൽ ഐപിഎൽ ആരംഭിച്ചതിന് ശേഷം ഐപിഎൽ കിരീടത്തിൽ ഇതുവരെ മുത്തമിടാനാവാത്ത രണ്ട് ഫ്രാഞ്ചൈസികളാണ് ആർസിബിയും പഞ്ചാബ് കിങ്സും. 

പാക്കിസ്ഥാൻ പേസർ മുഹമ്മദ് ആമിറിനെ ടീമിൽ ഉൾപ്പെടുത്തിയാൽ ആർസിബിക്ക് ഐപിഎൽ കിരീടം നേടാൻ സാധിക്കും എന്ന് പാക്കിസ്ഥാൻ മുൻ ഓപ്പണർ അഹ്മദ് ഷെഹ്സാദ് പറഞ്ഞു. ജിയോ ടിവിയിലെ ചർച്ചയിലായിരുന്നു അഹ്മദ് ഷെഹ്സാദിന്റെ അവകാശവാദം. ഇതിന് മറുപടിയായാണ് റാഷിദ് ലത്തീഫിന്റെ വാക്കുകൾ വന്നത്. 

സിഎസ്കെയ്ക്ക് വേണ്ടി ധോണി കളിക്കുന്നിടത്തോളം കാലം ഐപിഎൽ കിരീടത്തിൽ സ്പർശിക്കാൻ സാധിക്കുമെന്ന് പോലും ആർസിബി ചിന്തിക്കേണ്ടെന്ന് റാഷിദ് ലത്തീഫ് പറഞ്ഞു. മുഹമ്മദ് ആമിർ കളിച്ചാൽ ആർസിബിക്ക് കിരീടം നേടാൻ സാധിക്കും എന്ന് ഷെഹ്സാദ് പറഞ്ഞെങ്കിലും ആമിറിന് ആർസിബിക്കായി കളിക്കാനാവില്ല. പാക്കിസ്ഥാനി കളിക്കാർക്ക് ഐപിഎല്ലിന്റെ ഭാഗമാവാൻ സാധിക്കില്ല. 

കഴിഞ്ഞ മൂന്ന് ഐപിഎൽ സീസൺ ആയി ധോണിയുടെ വിരമിക്കൽ അഭ്യൂഹം ഉയർന്ന് നിൽക്കുന്നുണ്ട്. എന്നാൽ ഈ സീസണിൽ കൂടി ധോണിയെ ചെന്നൈ സൂപ്പർ കിങ്സ് അൺക്യാപ്പ്ഡ് താരമായി ടീമിൽ ഉൾപ്പെടുത്തുകയായിരുന്നു. 

ആർസിബിയുടെ ആദ്യ പോരിൽ തന്നെ തീപാറും

മാർച്ച് 22ന് ആണ് ഐപിഎല്ലിലെ ഉദ്ഘാടന മത്സരം. ആദ്യ കളിയിൽ നിലവിലെ ചാംപ്യന്മാരായ കൊൽക്കത്ത നൈറ്റ് റൈഡേഴ്സ് ആണ് ആർസിബിയുടെ മുൻപിലേക്ക് എത്തുന്നത്. പുതിയ ക്യാപ്റ്റൻ രജത് പാടിദാറിന് കീഴിലാണ് ആർസിബിയുടെ വരവ്. 

വരുന്ന സീസണിൽ ആർസിബിക്ക് വേണ്ടി വിരാട് കോഹ്ലി നന്നായി കളിക്കുമെന്ന് ഡിവില്ലിയേഴ്സ് അഭിപ്രായപ്പെട്ടിരുന്നു. കോഹ്ലിയുടെ സ്ട്രൈക്ക്റേറ്റിനെ ചൊല്ലി ഉയർന്ന വിമർശനങ്ങൾ തള്ളിയാണ് ഡിവില്ലിയേഴ്സ്, കോഹ്ലി ടീം ആവശ്യപ്പെടുന്നത് എന്താണോ ആ വിധമാണ് കളിക്കുന്നത് എന്ന് ചൂണ്ടിക്കാണിച്ചത്.

Read More

• Women Premier League: യുപിയുടെ പ്രതീക്ഷകൾ അവസാനിച്ചു; മുംബൈക്ക് അനായാസ ജയം
• Sunil Chhetri: വിരമിക്കൽ തീരുമാനം പിൻവലിച്ചു; സുനിൽ ഛേത്രി ഇന്ത്യക്കായി കളിക്കും
• Pakistan Cricket Team: ഉറങ്ങിപ്പോയി; ബാറ്റ് ചെയ്യാൻ ഇറങ്ങിയില്ല; നാണക്കേടിന്റെ റെക്കോർഡ്
• ICC Champions Trophy Final: "രോഹിത് സ്വാർഥനാവണം"; ഗംഭീറിന്റെ ന്യായീകരണം തള്ളി ഗാവസ്കർ