'സച്ചിനേയും ദ്രാവിഡിനേയും കണ്ടുപഠിക്കണം'; ശുഭ്മാൻ ​ഗില്ലിന് ഉപദേശവുമായി മുൻ ഇന്ത്യൻ ഓപ്പണർ

ഐപിഎല്ലിൽ മോശം പ്രകടനമാണ് ഗുജറാത്ത് ടൈറ്റൻസ് നായകനും ഇന്ത്യൻ ഓപ്പണറുമായ ശുഭ്മാൻ ​ഗിൽ നടത്തുന്നത്. രാജസ്ഥാൻ റോയൽസിനെതിരെ നേടിയ ഒരു അർദ്ധ സെഞ്ചുറിയാണ് താരത്തിന്റെ ഈ സീസണിലെ ആകെ എടുത്തുപറയാവുന്ന നേട്ടം. നായകനായി ​ഗുജറാത്ത് ടൈറ്റൻസിനെ വിജയത്തിലേക്ക് എത്തിക്കാനും ​ഗില്ലിന് കഴിയുന്നില്ല.

ടി20 ലോകകപ്പിൽ റിസർവ് നിരയിലാണ് ​താരത്തിന് അവസരം ലഭിച്ചത്. പിന്നാലെ ​യുവതാരത്തിന് ഉപദേശവുമായി എത്തിയിരിക്കുകയാണ് മുൻ ഇന്ത്യൻ വെടിക്കെട്ട് ഓപ്പണറായ വിരേന്ദർ സെവാഗ്. "ടി20 ലോകകപ്പിന്റെ റിസർവ് നിരയിൽ ഇടം പിടിക്കാനായത് ശുഭ്മാൻ ഗില്ലിന്റെ ഭാ​ഗ്യമാണ്. കെ.എൽ. രാഹുലും റുതുരാജ് ​ഗെയ്ക്ക്‌വാദും ടീമിന് പുറത്താണ്. ഇതൊരു അവസരമായി കാണണം. അടുത്ത തവണ ടീം പ്രഖ്യാപനം നടത്തുമ്പോൾ താങ്കളെ ഒഴിവാക്കി നിർത്താൻ അവസരം കൊടുക്കരുത്," ​സെവാ​ഗ് പറഞ്ഞു.

"ഞാൻ ക്രിക്കറ്റ് കളിച്ചിരുന്നപ്പോൾ ​ഗാം​ഗുലി, സച്ചിൻ, ദ്രാവിഡ്, ലക്ഷ്മൺ തുടങ്ങിയ താരങ്ങൾ ടീമിലുണ്ടായിരുന്നു. ആരുടേയും പ്രകടനങ്ങൾ ഇവരെ ബാധിക്കാറില്ല. കാരണം അതിനേക്കാൾ മികച്ച ബാറ്റിങ് ഇവർ പുറത്തെടുത്തിരുന്നു. നന്നായി കളിക്കുന്ന താരങ്ങളെ ഒഴിവാക്കാൻ സെലക്ടർമാർക്ക് എങ്ങനെ കഴിയും? അതിനാൽ തന്റെ ദൗർബല്യങ്ങൾ തിരിച്ചറിഞ്ഞ് ശുഭ്മാൻ ​ഗിൽ ഇന്ത്യൻ ക്രിക്കറ്റിലേക്ക് തിരികെ വരണം," സെവാ​ഗ് പറഞ്ഞു.

Read More Sports News Here

• ഹൈദരാബാദിൽ ഫഹദിന്റെ 'ആവേശം' കാണാനെത്തി സഞ്ജു സാംസൺ
• സഞ്ജു തന്നെയോ ഫസ്റ്റ് ചോയ്സ് വിക്കറ്റ് കീപ്പർ? പരിഗണിക്കാനുള്ള 5 കാരണങ്ങൾ
• സഞ്ജുവിന് വിലക്ക് വരും; അപ്രതീക്ഷിത തിരിച്ചടി ഭയന്ന് രാജസ്ഥാൻ റോയൽസ്
• ഐപിഎൽ മത്സരങ്ങൾ എപ്പോൾ, എവിടെ കാണാം?
• എല്ലിസ് പെറി, സോഫി മോളിനക്സ്; ഇക്കൊല്ലം ബാംഗ്ലൂരിന് കപ്പ് സമ്മാനിച്ചത് 'ഓസീസ് ഫയർ പവർ'
• 'പന്തെറിയുന്ന കൈയ്യിൽ തീപിടിച്ചു'; ക്രിക്കറ്റ് ഉപേക്ഷിക്കാനും ആലോചിച്ചിരുന്നതായി സിറാജ്
• ഈ സഞ്ജുവിന്റെയൊരു കാര്യം; ബട്ട്ലറേക്കാൾ ക്യാപ്റ്റനെ സന്തോഷിപ്പിച്ചത് മറ്റൊരാൾ