വൈഭവ് തിളങ്ങിയത് സഞ്ജുവിന് തിരിച്ചടി; ഇന്ത്യൻ ടീമിലെ സ്ഥാനം ഇളകുന്നത് ഇങ്ങനെ

Sanju Samson, Vaibhav Suryavanshi IPL 2025: ക്യാപ്റ്റൻ സഞ്ജു സാംസണിന് ലക്നൗവിന് എതിരായ മത്സരം നഷ്ടമായത് രാജസ്ഥാൻ റോയൽസിന് കനത്ത തിരിച്ചടിയായിരുന്നു. എന്നാൽ സഞ്ജുവിന്റെ അഭാവത്തിൽ യശസ്വിക്കൊപ്പം ഇന്നിങ്സ് ഓപ്പൺ ചെയ്യാൻ ലഭിച്ച അവസരം വൈഭവ് സൂര്യവൻഷി ശരിക്കും വിനിയോഗിച്ചു. വൈഭവ് സൂര്യവൻഷിയും യശസ്വിയും ചേർന്ന് 81 റൺസിന്റെ കൂട്ടുകെട്ട് കണ്ടെത്തി. സൂര്യവൻഷിയുടെ ഈ മിന്നും പ്രകടനത്തോടെ സഞ്ജുവിന്റെ ഓപ്പണിങ്ങിലെ സ്ഥാനം തെറിക്കുമോ? അങ്ങനെ വന്നാൽ ഇന്ത്യൻ ട്വന്റി20 ടീമിലെ സഞ്ജുവിന്റെ ഓപ്പണർ റോളിനെ അത് ബാധിക്കുമോ? 

ഐപിഎല്ലിലെ നേരിട്ട ആദ്യ പന്തിൽ തന്നെ സിക്സ് പറത്തിയ സൂര്യവൻഷി 20 പന്തിൽ നിന്ന് 34 റൺസ് എടുത്താണ് മടങ്ങിയത്.170 ആണ് സ്ട്രൈക്ക്റേറ്റ്. സഞ്ജു സാംസൺ ഫിറ്റ്നസ് വീണ്ടെടുത്ത് തിരികെ എത്തിയാൽ സൂര്യവൻഷിക്ക് സ്ഥാനം നഷ്ടമാവുമോ? ഇത്രയും മികച്ച തുടക്കം കണ്ടെത്തിയിട്ടും വൈഭവിന് വീണ്ടും അവസരം നൽകിയില്ലെങ്കിൽ അത് രാജസ്ഥാൻ റോയൽസിന് എതിരെ വലിയ വിമർശനത്തിന് ഇടയാക്കും എന്നുറപ്പ്. 

ഇങ്ങനെ വരുമ്പോൾ സഞ്ജു വൺഡൗണായി ഇറങ്ങുമോ എന്ന ചോദ്യവും ഉയരുന്നുണ്ട്. എന്നാൽ ഐപിഎല്ലിൽ മൂന്നാമനായി സഞ്ജു ഇറങ്ങിയാൽ അത് ഇന്ത്യൻ ട്വന്റി20 ടീമിലെ സഞ്ജുവിന്റെ ഓപ്പണിങ് സ്ഥാനത്തിനും കോട്ടം വരുത്താൻ ഇടയുണ്ട്. ഇന്ത്യൻ ട്വന്റി20 ടീമിലെ ഓപ്പണിങ് സ്ഥാനത്തിനായി വലിയ മത്സരം തന്നെ നടക്കുന്നുണ്ട്.

ഇന്ത്യൻ ട്വന്റി20 ടീമിൽ സഞ്ജു സാംസണിനെ മാറ്റി യശസ്വി ജയ്സ്വാളിനെ അഭിഷേക് ശർമയ്ക്കൊപ്പം കൊണ്ടുവരണം എന്ന ആവശ്യം ശക്തമാണ്. രാജസ്ഥാന്റെ ഓപ്പണിങ് സ്ഥാനം സഞ്ജു കൈവിട്ട് കഴിഞ്ഞാൽ പിന്നെ യശസ്വിയെ ഇന്ത്യയുടെ ട്വന്റി20യിലെ ഓപ്പണർ സ്ഥാനത്തേക്ക് പരിഗണിക്കാനുള്ള സാധ്യത കൂടുതലാണ്. 

View this post on Instagram

A post shared by Rajasthan Royals (@rajasthanroyals)

ഇംഗ്ലണ്ടിനെതിരായ ട്വന്റി20 പരമ്പരയിൽ സഞ്ജു സാംസൺ നിരാശപ്പെടുത്തിയിരുന്നു. അഞ്ച് ട്വന്റി20യുടെ പരമ്പരയിൽ അഞ്ചിലും സ്കോർ ഉയർത്താൻ സാധിക്കാതെ നിരാശപ്പെടുത്തിയാണ് സഞ്ജു സാംസൺ മടങ്ങിയത്. 

Read More

• RR vs LSG: വീണ്ടും പടിക്കൽ കലമുടച്ച് രാജസ്ഥാൻ; ലക്നൗവിന് രണ്ട് റൺസ് ജയം
• Vaibhav Suryavanshi: 14കാരൻ ചില്ലറക്കാരനല്ല; നേരിട്ട ആദ്യ പന്ത് തന്നെ സിക്സ്; വരവ് പ്രഖ്യാപിച്ച് വൈഭവ്
• ഇത് ചതിയായി പോയി; ബട്ട്ലറിന് സെഞ്ചുറി നിഷേധിച്ച് സഹതാരം തെവാട്ടിയ
• ആരാധകരെ ഭയന്ന് അശ്വിൻ; ധോണിയുടെ പേര് പറഞ്ഞ പാനലിസ്റ്റിനെ നിശബ്ദനാക്കി