/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/04/19/fpS5XKaRIhU6bLjezNPd.jpg)
Avesh Khan Against Rajasthan Royals Photograph: (IPL, Instagram)
RR vs LSG IPL 2025: തുടരെ രണ്ടാം മത്സരത്തിലും പടിക്കൽ കലമുടച്ച് തോൽവിയിലേക്ക് വീണ് രാജസ്ഥാൻ റോയൽസ്. ലക്നൗ സൂപ്പർ ജയന്റ്സിന് എതിരെ അവസാന ഓവറിൽ ഒൻപത് റൺസ് ആണ് രാജസ്ഥാൻ റോയൽസിന് ജയിക്കാൻ വേണ്ടിയിരുന്നത്. എന്നാൽ രണ്ട് റൺസ് തോൽവിയിലേക്ക് രാജസ്ഥാൻ വീണു. ലക്നൗ സൂപ്പർ ജയന്റ്സ് മുൻപിൽ വെച്ച് 181 റൺസ് പിന്തുടർന്ന രാജസ്ഥാന് നിശ്ചിത ഓവറിൽ അഞ്ച് വിക്കറ്റ് നഷ്ടത്തിൽ കണ്ടെത്താനായത് 178 റൺസ്.
ആവേശ് ഖാൻ ആണ് ലക്നൗവിനായി അവസാന ഓവർ എറിഞ്ഞത്. കൂറ്റനടികൾക്ക് പ്രാപ്തനായ ഹെറ്റ്മർ ക്രീസിൽ ഉണ്ടായിട്ടും ഒരിക്കൽ കൂടി വിജയ ലക്ഷ്യത്തിന് തൊട്ടരികിൽ വെച്ച് രാജസ്ഥാൻ വീണു. 18ാം ഓവർ തുടങ്ങുന്നത് വരെ മത്സരം രാജസ്ഥാൻ ജയിക്കും എന്ന നിലയിലായിരുന്നു. എന്നാൽ രാജസ്ഥാന്റെ കൈകളിൽ നിന്ന് ഡൽഹിക്ക് പിന്നാലെ ലക്നൗവും ജയം അവസാന നിമിഷം തട്ടിയെടുത്തു.
18ാം ഓവറിലെ ആദ്യ പന്തിൽ യശസ്വിയുടേയും അതേ ഓവറിലെ അവസാന പന്തിൽ റിയാൻ പരാഗിനേയും വീഴ്ത്തി ആവേശ് ഖാൻ കളി ലക്നൗവിന് അനുകൂലമായി തിരിച്ചു. അവസാന ഓവറിൽ ഹെറ്റ്മയറിന്റെ വിക്കറ്റ് പിഴുത് ആവേശ് മൂന്ന് വിക്കറ്റ് നേട്ടത്തിലേക്കും എത്തി.
52 പന്തിൽ നിന്ന് 74 റൺസോടെ തുടരെ രണ്ടാം മത്സരത്തിലും തിളങ്ങിയ യശസ്വിയാണ് രാജസ്ഥാന്റെ ചെയ്സിങ്ങിന് കരുത്ത് നൽകിയത്. സഞ്ജുവിന് പകരം ഓപ്പണിങ്ങിൽ യശസ്വിക്കൊപ്പം ഇറങ്ങി 14കാരൻ വൈഭവ് സൂര്യവൻഷി 84 റൺസിന്റെ കൂട്ടുകെട്ട് കണ്ടെത്തി. ഒൻപതാമത്തെ ഓവറിൽ മർക്രമിന്റെ പന്തിൽ സ്റ്റംപിങ്ങിലൂടെയാണ് വൈഭവിനെ ലക്നൗ വീഴ്ത്തിയത്.
20 പന്തിൽ നിന്ന് രണ്ട് ഫോറും മൂന്ന് സിക്സും സഹിതം 34 റൺസ് അടിച്ചെടുത്ത് സൂര്യവൻഷി ഐപിഎല്ലിലെ ഏറ്റവും പ്രായം കുറഞ്ഞ ഇന്ത്യൻ താരത്തിന്റെ അരങ്ങേറ്റം മോശമാക്കിയില്ല. സൂര്യവൻഷി മടങ്ങിയതിന് പിന്നാലെ തൊട്ടടുത്ത ഓവറിൽ സ്കോർ രണ്ടക്കം കടത്താനാവാതെ നിതീഷ് റാണയും വീണു. പിന്നാലെ യശസ്വിക്കൊപ്പം റിയാൻ പരാഗ് നിന്ന് സ്കോർ ബോർഡ് ചലിപ്പിച്ചു 26 പന്തിൽ നിന്ന് 39 റൺസ് ആണ് റിയാൻ നേടിയത്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.