സഞ്ജു സാംസൺ ഏത് കാറ്റഗറിയിൽ? രോഹിത്തിനും കോഹ്ലിക്കും എ പ്ലസ് എന്തുകൊണ്ട്?

BCCI Central Contract: കാത്തിരിപ്പിന് ഒടുവിൽ വാർഷിക കരാർ പ്രഖ്യാപിച്ച് ബിസിസിഐ. കഴിഞ്ഞ വർഷത്തെ വാർഷിക കരാറിൽ നിന്നും ഡൊമസ്റ്റിക് ക്രിക്കറ്റ് കളിക്കാത്തതിന്റെ പേരിൽ ഒഴിവാക്കപ്പെട്ട ശ്രേയസ് അയ്യരും ഇഷാൻ കിഷനും വാർഷിക കരാറിൽ തിരികെ ഇടംപിടിച്ചു. നാല് കളിക്കാരാണ് എ പ്ലസ് കാറ്റഗറിയിലുള്ളത്. ഇന്ത്യയുടെ ട്വന്റി20 ഓപ്പണർ റോളിൽ കളിക്കുന്ന സഞ്ജു സാംസൺ ഗ്രേഡ് സി കാറ്റഗറിയിൽ സ്ഥാനം നിലനിർത്തി. 

ട്വന്റി20 ക്രിക്കറ്റിൽ നിന്നും വിരമിക്കൽ പ്രഖ്യാപിച്ചെങ്കിലും രോഹിത് ശർമയും വിരാട് കോഹ്ലിയും എ പ്ലസ് കാറ്റഗറിയിൽ ഇടംപിടിച്ചു. ജസ്പ്രീത് ബുമ്ര, രവീന്ദ്ര ജഡേജ എന്നിവരാണ് എ പ്ലസ് കാറ്റഗറിയിൽ ഇടംപിടിച്ച മറ്റ് രണ്ട് കളിക്കാർ. രജത് പാടിദാർ, നിതീഷ് കുമാർ റെഡ്ഡി, ഹർഷിത് റാണ ഉൾപ്പെടെയുള്ള കളിക്കാരും വാർഷിക കരാറിൽ ആദ്യമായി സ്ഥാനം പിടിച്ചിട്ടുണ്ട്. 

ഏഴ് കോടി രൂപയാണ് എ പ്ലസ് കാറ്റഗറിയിലുള്ള കളിക്കാരുടെ വാർഷിക പ്രതിഫലം. രോഹിത്, കോഹ്ലി എന്നിവരെ എ പ്ലസ് കാറ്റഗറിയിൽ നിന്ന് ഒഴിവാക്കിയേക്കും എന്ന റിപ്പോർട്ടുകൾ വന്നെങ്കിലും ഇവരെ എ പ്ലസ് കാറ്റഗറിയിൽ തന്നെ നിലനിർത്താനാണ് ബിസിസിഐ തീരുമാനിച്ചത്. മൂന്ന് ഫോർമാറ്റിലേയും കളിക്കാരുടെ പ്രകടനം വിലയിരുത്തിയാണ് വാർഷിക കരാറിൽ കളിക്കാരുടെ കാറ്റഗറി നിശ്ചയിക്കുന്നത്.

ഇന്ത്യൻ വൈറ്റ് ബോൾ ടീമിലെ മികച്ച പ്രകടനമാണ് ശ്രേയസ് അയ്യരെ തിരികെ വാർഷിക കരാറിൽ ഇടം നേടാൻ സഹായിച്ചത്. ഐപിഎല്ലിലെ സെഞ്ചുറി നേടിയതുൾപ്പെടെയുള്ള മികച്ച പ്രകടനമാണ് ഇഷാൻ കിഷനെ തുണച്ചത്. ഇന്ത്യയുടെ ചാംപ്യൻസ് ട്രോഫി കിരീട ജയത്തിൽ നിർണായക പങ്കുവഹിച്ച ശ്രേയസ് അയ്യർ ഗ്രേഡ് ബി കാറ്റഗറിയിലാണ് ഇടം നേടിയത്. ഇഷാൻ കിഷനെ ഉൾപ്പെടുത്തിയത് ഗ്രേഡ് സി കാറ്റഗറിയിലും. 

ഗ്രേഡ് എ പ്ലസ് കാറ്റഗറിയിൽ ഉൾപ്പെട്ടവർ

രോഹിത് ശർമ
വിരാട് കോഹ്ലി
ബുമ്ര
രവീന്ദ്ര ജഡേജ

ഗ്രേഡ് എ കാറ്റഗറിയിൽ ഉൾപ്പെട്ടവർ

മുഹമ്മദ് സിറാജ്
കെ എൽ രാഹുൽ
ശുഭ്മാൻ ഗിൽ
ഹർദിക് പാണ്ഡ്യ
മുഹമ്മദ് ഷമി
ഋഷഭ് പന്ത്

ഗ്രേഡ് ബി കാറ്റഗറിയിൽ ഉൾപ്പെട്ടവർ

സൂര്യകുമാർ യാദവ്
കുൽദീപ് യാദവ്
അക്ഷർ പട്ടേൽ
യശസ്വി ജയ്സ്വാൾ
ശ്രേയസ് അയ്യർ

ഗ്രേഡ് സി കാറ്റഗറിയിൽ ഉൾപ്പെട്ടവർ

റിങ്കു സിങ്
തിലക് വർമ
ഋതുരാജ് ഗയ്ക്വാദ്
ശിവം ദുബെ
രവി ബിഷ്ണോയ്
വാഷിങ്ടൺ സുന്ദർ
മുകേഷ് കുമാർ
സഞ്ജു സാംസൺ
അർഷ്ദീപ് സിങ്
പ്രസിദ്ധ് കൃഷ്ണ
രജത് പാടിദാർ
ധ്രുവ് ജുറൽ
സർഫറാസ് ഖാൻ
നിതീഷ് കുമാർ റെഡ്ഡി
ഇഷാൻ കിഷൻ
അഭിഷേക് ശർമ
ആകാഷ് ദീപ്
വരുൺ ചക്രവർത്തി
ഹർഷിത് റാണ

ഓരോ കാറ്റഗറിയിലേയും കളിക്കാർക്ക് ലഭിക്കുന്ന പ്രതിഫലം

ഗ്രേഡ് എ പ്ലസ്- പ്രതിവർഷം ഏഴ് കോടി രൂപ
ഗ്രേഡ് എ          - പ്രതിവർഷം അഞ്ച് കോടി രൂപ
ഗ്രേഡ് ബി         - പ്രതിവർഷം മൂന്ന് കോടി രൂപ
ഗ്രേഡ് സി         - പ്രതിവർഷം ഒരു കോടി രൂപ

Read More

• ചെന്നൈക്ക് ആറാം തോൽവി; നിറഞ്ഞാടി രോഹിത്തും സൂര്യയും; മുംബൈക്ക് മിന്നും ജയം
• MI vs CSK: ബോംബെക്കാരോട് 'ജാവോ' പറഞ്ഞ് ആയുഷ് മാത്രേ; 17കാരന്റെ വെടിക്കെട്ട് അരങ്ങേറ്റം
• ഒരു പന്തിൽ നാല് റൺസ്; കോഹ്ലിയുടെ ഓട്ടം മണിക്കൂറിൽ 29, 22, 21,4 കിമീ വേഗതയിൽ
• വൈഭവ് തിളങ്ങിയത് സഞ്ജുവിന് തിരിച്ചടി; ഇന്ത്യൻ ടീമിലെ സ്ഥാനം ഇളകുന്നത് ഇങ്ങനെ