കോൾ മീ! ഇത് സാം കറാന് കുറച്ച് പേഴ്സണലാണ്; ചെന്നൈയോടുള്ള കലിപ്പോ?

Sam Curran IPL 2025 Chennai Super Kings: പഞ്ചാബ് കിങ്സിന് എതിരെ ഇന്ന് തോറ്റാൽ ചെന്നൈ സൂപ്പർ കിങ്സ് പ്ലേഓഫ് കാണാതെ ടൂർണമെന്റിൽ നിന്ന് പുറത്താവും. പ്ലേഓഫ് സാധ്യത വിദൂരതയിൽ നിൽക്കുന്നതിന് ഇടയിൽ ചെപ്പോക്കിൽ ആശ്വാസ ജയം തേടിയിറങ്ങുകയായിരുന്നു ചെന്നൈ. എന്നാൽ ഇത്തവണയും ചെന്നൈ ബാറ്റിങ് നിര പരുങ്ങി. ചെന്നൈയെ കരകയറ്റിയ് മൂന്നാമനായി ഇറങ്ങിയ സാം കറാൻ. സാം കറാന് ഇതൊരു കണക്ക് തീർക്കൽ കൂടിയായിരുന്നു..

47 പന്തിൽ നിന്ന് ഒൻപത് ഫോറും നാല് സിക്സും സഹിതം 88 റൺസ് ആണ് സാം കറാൻ കണ്ടെത്തിയത്. ഇത് സാം കറാന്റെ പകരം വീട്ടൽ കൂടിയായിരുന്നു. പൊതുവെ ശാന്തനായ ഇംഗ്ലീഷ് ഓൾറൗണ്ടറിൽ നിന്ന് വന്ന സെലിബ്രേഷൻ ആരാധകരെ ത്രില്ലടിപ്പിക്കുകയും അതേ സമയം ആശയക്കുഴപ്പത്തിലാക്കുകയും ചെയ്തു. 

പഞ്ചാബ് കിങ്സിന് എതിരെ അർധ ശതകം കണ്ടെത്തിയതിന് പിന്നാലെ 'കോൾ മി' എന്ന അർഥത്തിൽ ഡ്രസ്സിങ് റൂമിലേക്ക് നോക്കി ആക്ഷൻ കാണിച്ചായിരുന്നു കറാന്റെ ആഘോഷം. 2024 ഐപിഎൽ സീസണിൽ പഞ്ചാബ് കിങ്സിന്റെ താരമായിരുന്നു സാം കറാൻ. എന്നാൽ താര ലേലത്തിന് മുൻപ് കറാനെ പഞ്ചാബ് റിലീസ് ചെയ്തിരുന്നു. 

തന്റെ മുൻ ഫ്രാഞ്ചൈസിയെ ചൂണ്ടിയായിരുന്നോ കറാന്റെ ഈ സെലിബ്രേഷൻ, അതല്ലെങ്കിൽ ഈ സീസണിൽ തന്നെ വിമർശിച്ചവർക്കുള്ള മറുപടിയാണോ എന്ന ചോദ്യമാണ് ഉയരുന്നത്. അതിനൊപ്പം ചെന്നൈ സൂപ്പർ കിങ്സിൽ ഈ സീസണിൽ തനിക്ക് വേണ്ടത്ര അവസരം ലഭിക്കാതിരുന്നതിനെ തുടർന്നാണോ ഈ സെലിബ്രേഷൻ വന്നത് എന്നും ആരാധകർ ചോദിക്കുന്നു. ഈ സീസണിൽ ചെന്നൈക്ക് വേണ്ടി നാല് മത്സരങ്ങൾ മാത്രമാണ് സാം കറാൻ കളിച്ചത്. 

He's been busy at the crease today 💛

Sam Curran with a 5️⃣0️⃣ and going strong 💪

His first of the season 👏

Updates ▶ https://t.co/eXWTTv7Xhd#TATAIPL | #CSKvPBKS | @ChennaiIPLpic.twitter.com/tTDSBe3GoK

— IndianPremierLeague (@IPL) April 30, 2025

Read More

• ബുമ്രയുടെ മാജിക് ഓവർ; വീണ്ടും കിരീടം സ്വപ്നം കണ്ട് തുടങ്ങി മുംബൈ ആരാധകർ
• സഞ്ജുവിനെ പ്രകോപിപ്പിച്ചത് എന്ത്? രാജസ്ഥാന്റെ നീക്കങ്ങളിൽ ക്ഷുഭിതനെന്ന് റിപ്പോർട്ട്
• ഹൈദരാബാദ് കളിക്കാർ മാലിദ്വീപിൽ; സീസൺ മധ്യത്തിൽ വെച്ച് വിനോദയാത്ര
• ഇന്ത്യൻ കളിക്കാരിൽ പോണ്ടിങ് വിശ്വസിക്കുന്നില്ല; പഞ്ചാബ് കിങ്സ് കിരീടം നേടില്ലെന്ന് മനോജ് തിവാരി