തിരുപതി ക്ഷേത്രത്തിൽ ദർശനം നടത്തി രജത് പാടിദാർ; ഒപ്പം ശ്രേയങ്ക പാട്ടീലും

തിരുപതി ക്ഷേത്രത്തിൽ ദർശനത്തിനെത്തി റോയൽ ചലഞ്ചേഴ്സ് ബെംഗളൂരു ക്യാപ്റ്റനായ രജത് പാടിദാറും വിക്കറ്റ് കീപ്പർ ബാറ്റർ ജിതേഷ് ശർമയും. ഇവർക്കൊപ്പം റോയൽ ചലഞ്ചേഴ്സ് ബെംഗളൂരുവിന്റെ വനിതാ ക്രിക്കറ്റ് താരം ശ്രേയങ്ക പാട്ടീലും തിരുപതി ക്ഷേത്രത്തിലെത്തി ദർശനം നടത്തി. 

ചെന്നൈ സൂപ്പർ കിങ്സിന് എതിരായ മത്സരത്തിന് മുൻപായാണ് റോയൽ ചലഞ്ചേഴ്സ് ബെംഗളൂരു താരങ്ങൾ തിരുപതി ക്ഷേത്രത്തിൽ ദർശനത്തിനായി എത്തിയത്. ഇന്ത്യയുടെ യുവ സ്പിന്നറാണ് ശ്രേയങ്ക പാട്ടീൽ. 2023ൽ ആണ് കർണാടക താരമായ ശ്രേയങ്ക ഇന്ത്യക്കായി അരങ്ങേറ്റം കുറിച്ചത്. മൂവരും തിരുപതി ക്ഷേത്രത്തിൽ ദർശനത്തിന് എത്തുന്ന വിഡിയോ സമൂഹമാധ്യമങ്ങളിലും വൈറലായി. 

RCB Captain Rajat Patidar, Jitesh Sharma and Shreyanka Patil visited Tirupati. Govinda please be kind to them this year 🙏❤️ pic.twitter.com/DSzzYh2CKw

— Pari (@BluntIndianGal) April 30, 2025

ഏപ്രിൽ 27നായിരുന്നു റോയൽ ചലഞ്ചേഴ്സ് ബെംഗളൂരുവിന്റെ ഒടുവിലെ മത്സരം. ഇതിൽ ആറ് വിക്കറ്റ് ജയം പിടിച്ച് ആർസിബി പോയിന്റ് പട്ടികയിൽ ഒന്നാം സ്ഥാനത്തേക്കും എത്തി. ഇനി മാർച്ച് മൂന്നിനാണ് ആർസിബിയുടെ അടുത്ത മത്സരം. ഈ ഇടവേള ക്ഷേത്ര ദർശനത്തിനായി മാറ്റി വയ്ക്കുകയായിരുന്നു രജതും ജിതേഷും ശ്രേയങ്കയും. 

VIDEO | Andhra Pradesh: Royal Challengers Bengaluru (RCB) players Rajat Patidar, Jitesh Sharma and Shreyanka Patil offered prayers at the Tirumala temple earlier today.

(Full video available on PTI Videos – https://t.co/n147TvqRQz) pic.twitter.com/VKWTv8ghJP

— Press Trust of india (@PTI_News) April 30, 2025

10 മത്സരങ്ങൾ സീസണിൽ റോയൽ ചലഞ്ചേഴ്സ് ബെംഗളൂരു ജയിച്ചുകഴിഞ്ഞപ്പോൾ നേടിയത് ഏഴ് ജയമാണ്. തോറ്റത് മൂന്ന് മത്സരങ്ങളിലും. 14 പോയിന്റ് ആണ് റോയൽ ചലഞ്ചേഴ്സ് ബെംഗളൂരുവിന് ഇപ്പോഴുള്ളത്. ഇനി സീസണിൽ നാല് മത്സരങ്ങൾ കൂടിയാണ് റോയൽ ചലഞ്ചേഴ്സ് ബെംഗളൂരുവിനുള്ളത്. ചെന്നൈ സൂപ്പർ കിങ്സ്, ലക്നൗ, ഹൈദരാബാദ്, കൊൽക്കത്ത എന്നിവരാണ് ആർസിബിയുടെ ഇനിയുള്ള എതിരാളികൾ. 

Read More

• ബുമ്രയുടെ മാജിക് ഓവർ; വീണ്ടും കിരീടം സ്വപ്നം കണ്ട് തുടങ്ങി മുംബൈ ആരാധകർ
• സഞ്ജുവിനെ പ്രകോപിപ്പിച്ചത് എന്ത്? രാജസ്ഥാന്റെ നീക്കങ്ങളിൽ ക്ഷുഭിതനെന്ന് റിപ്പോർട്ട്
• ഹൈദരാബാദ് കളിക്കാർ മാലിദ്വീപിൽ; സീസൺ മധ്യത്തിൽ വെച്ച് വിനോദയാത്ര
• ഇന്ത്യൻ കളിക്കാരിൽ പോണ്ടിങ് വിശ്വസിക്കുന്നില്ല; പഞ്ചാബ് കിങ്സ് കിരീടം നേടില്ലെന്ന് മനോജ് തിവാരി