IPL 2025: ക്യാപ്റ്റനായി റിയാൻ തിളങ്ങുമോ? മുൻപിൽ വമ്പൻ റെക്കോർഡ്

Riyan Parag Rajasthan Royals IPL: റിയാൻ പരാഗ് രാജസ്ഥാൻ റോയൽസിനെ ആദ്യ മൂന്ന് മത്സരങ്ങളിൽ നയിക്കും എന്ന സർപ്രൈസ് വാർത്തയാണ് ഐപിഎൽ ആരംഭിക്കാൻ ഏതാനും ദിവസം മാത്രം മുൻപിലുള്ളപ്പോൾ വന്നത്. ഫീൽഡിങ്ങിലും വിക്കറ്റ് കീപ്പിങ്ങിലുമുള്ള ഫിറ്റ്നസ് വീണ്ടെടുക്കാൻ സഞ്ജുവിന് സാധിച്ചിട്ടില്ലാത്തതിനെ തുടർന്നാണ് ഇത്. രാജസ്ഥാനെ നയിച്ച് ആദ്യ മത്സരത്തിന് ഇറങ്ങുമ്പോൾ ഒരു റെക്കോർഡും റിയാൻ പരാഗ് തന്റെ പേരിലേക്ക് ചേർക്കും. 

രാജസ്ഥാൻ റോയൽസിന്റെ ക്യാപ്റ്റനാവുന്ന ഏറ്റവും പ്രായം കുറഞ്ഞ താരമായി റിയാൻ മാറും. 23 വയസും 136 ദിവസവുമാണ് റിയാന്റെ പ്രായം. 24ാം വയസിൽ രാജസ്ഥാൻ റോയൽസിന്റെ ക്യാപ്റ്റനായ സ്റ്റീവ് സ്മിത്തിന്റെ റെക്കോർഡ് ആണ് റിയാൻ മറികടക്കുന്നത്. 

ഒരു ഐപിഎൽ ടീമിന്റെ ക്യാപ്റ്റനാവുന്ന ഏറ്റവും പ്രായം കുറഞ്ഞ നാലാമത്തെ താരവും ആവും റിയാൻ പരാഗ്. 22 വയസും 187 ദിവസവും ഉള്ളപ്പോൾ ആർസിബി ക്യാപ്റ്റനായ വിരാട് കോഹ്ലി, 22 വയസും 344 ദിവസവും പ്രായമുള്ളപ്പോൾ പുനെ വാരിയേഴ്സ് ക്യാപ്റ്റനായ സ്റ്റീവ് സ്മിത്ത്, 23 വയസും 112 ദിവസവും പ്രായമുള്ളപ്പോൾ ചെന്നൈ ക്യാപ്റ്റനായ സുരേഷ് റെയ്ന എന്നിവരാണ് റിയാന് മുൻപിലുള്ളത്. 

View this post on Instagram

A post shared by Riyan💫 (@riyanhparag)

ഓപ്പണിങ് ബാറ്റർ യശസ്വി ജയ്സ്വാളിന് പകരം റിയാൻ പരാഗിനെ ക്യാപ്റ്റനാക്കിയതിന് എതിരെ ആരാധകരിൽ ഒരു വിഭാഗം വിമർശനവുമായി എത്തിയിരുന്നു. യശസ്വിയാണ് ഭാവി ഇന്ത്യൻ ക്യാപ്റ്റനായി വിലയിരുത്തപ്പെടുന്ന കളിക്കാരൻ എന്നും അതിനാൽ യശസ്വിക്കായിരുന്നു രാജസ്ഥാൻ ക്യാപ്റ്റൻസി ചുമതല നൽകേണ്ടിയിരുന്നത് എന്നുമാണ് സമൂഹമാധ്യമങ്ങളിൽ പ്രതികരണങ്ങൾ ഉയർന്നത്. 

Read More

• 58 കോടി രൂപ; ഒരോ കളിക്കാരനും എത്ര വീതം ലഭിക്കും? ഗംഭീറിനോ?
• IPL 2025: റിവേഴ്സ് സ്വിങ്ങുകൾ നിറയുന്ന സീസൺ; ഉമിനീർ വിലക്ക് നീക്കി
• വയസൻ പടയാളികളെന്ന് പരിഹസിക്കാൻ വരട്ടേ; ഏറ്റവും പ്രായം കൂടിയ കളിക്കാർ ഇവർ
• ജീവനാംശം 4.75 കോടി രൂപ; ചഹലും ധനശ്രീയും വിവാഹമോചിതരായി