RCB vs PBKS: ചിന്നസ്വാമിയിൽ നാണംകെട്ട് ബെംഗളൂരു; 96 റൺസ് മറികടന്ന് പഞ്ചാബിന് ജയം

സ്വന്തം തട്ടകമായ ചിന്നസ്വാമി സ്റ്റേഡിയത്തിൽ മൂന്നാം മത്സരത്തിലും ജയിക്കാനാവാതെ റോയൽ ചലഞ്ചേഴ്സ് ബെംഗളൂരു. മഴയെ തുടർന്ന് 14 ഓവറായി ചുരുക്കിയ മത്സരത്തിൽ ആർസിബിയുടെ ബാറ്റിങ് നിര ചീട്ടുകൊട്ടാരം പോലെ തകരുകയായിരുന്നു. 63-9 എന്ന നിലയിൽ നിന്നും ആർസിബിയെ 95 എന്ന സ്കോറിലേക്ക് എത്തിച്ചത് ടീം ഡേവിഡ് ആണ്. എന്നാൽ 96 റൺസ് വിജയ ലക്ഷ്യം അഞ്ച് വിക്കറ്റ് നഷ്ടത്തിൽ 11 പന്തുകൾ ശേഷിക്കെ പഞ്ചാബ് കിങ്സ് മറികടന്നു. 

ഇന്നത്തെ ജയത്തോടെ പത്ത് പോയിന്റുമായി പഞ്ചാബ് കിങ്സ് ഡൽഹിക്കൊപ്പമെത്തി. 19 പന്തിൽ നിന്നും 33 റൺസ് എടുത്ത വധേരയാണ് പഞ്ചാബ് കിങ്സിനെ മറ്റ് അപകടങ്ങളിലേക്ക് വീഴാതെ ജയിപ്പിച്ചത്.

View this post on Instagram

A post shared by IPL (@iplt20)

ഹെയ്സൽവുഡും ഭുവനേശ്വർ കുമാറും ചേർന്നാണ് പഞ്ചാബിന്റെ അഞ്ച് വിക്കറ്റും വീഴ്ത്തിയത്. എന്നാൽ 96 റൺസ് എന്ന ചെറിയ ടോട്ടൽ പ്രതിരോധിക്കാൻ ആർസിബി ബോളർമാർക്ക് കഴിയുമായിരുന്നില്ല. 

26 പന്തിൽ നിന്ന് അഞ്ച് ഫോറും മൂന്ന് സിക്സും പറത്തി 50 റൺസോടെ പുറത്താവാതെ നിന്ന ടിം ഡേവിഡ് ആണ് വലിയ നാണക്കേടിൽ നിന്നും റോയൽ ചലഞ്ചേഴ്സ് ബെംഗളൂരുവിനെ രക്ഷിച്ചത്. 23 റൺസ് എടുത്ത ക്യാപ്റ്റൻ രജത് പാടിദാർ ആണ് ആർസിബി നിരയിലെ രണ്ടാമത്തെ ടോപ് സ്കോറർ. റോയൽ ചലഞ്ചേഴ്സ് ബെംഗളൂരു നിരയിലെ മറ്റൊരു ബാറ്റർക്കും എട്ടിന് മുകളിൽ സ്കോർ കണ്ടെത്താനായില്ല. 

മഴയെ തുടർന്ന് വൈകി കളി ആരംഭിച്ചപ്പോൾ ആർസിബി ബാറ്റർമാരിൽ നിന്ന് വെടിക്കെട്ട് ബാറ്റിങ്ങ് ആണ് ആരാധകർ പ്രതീക്ഷിച്ചത്. തുടക്കം മുതൽ ബാറ്റ് സ്വിങ് ചെയ്യിച്ച് ആക്രമിച്ച് ബാറ്റ് ചെയ്യാനാണ് ആർസിബി ബാറ്റർമാരും ശ്രമിച്ചത്. എന്നാൽ ആർസിബിയുടെ ഈ ശൈലി തിരിച്ചടിക്കുകയായിരുന്നു. സാഹചര്യം മനസിലാക്കാതെയും ഡെലിവറികളിലെ കണക്കുകൂട്ടലുകൾ പിഴച്ചും ആർസിബിയുടെ ബാറ്റർമാർ നിരനിരയായി ഡഗൗട്ടിലേക്ക് മടങ്ങുകയായിരുന്നു. 

Read More

• MI vs SRH: മുംബൈക്ക് തുടരെ രണ്ടാം ജയം; ഹൈദരാബാദിന്റെ പ്ലേഓഫ് സാധ്യതകൾ മങ്ങി
• MS Dhoni IPL: 'ഇത് നിന്റെ രണ്ടാമത്തേത് അല്ലേ?' ആരാധകനെ കുടഞ്ഞ് ധോണി
• ദ്രാവിഡും സഞ്ജുവും തമ്മിൽ ഉടക്ക്? മാറി നിൽക്കുന്ന സഞ്ജുവിന്റെ വിഡിയോ പുറത്ത്
• Sanju Samson IPL: സഞ്ജുവിന് അടുത്ത മത്സരം നഷ്ടമായേക്കും; പരുക്ക് വില്ലനാവുന്നു