എങ്ങനെ അർജുനോട് ദേഷ്യപ്പെടും? സച്ചിന്റെ മറുപടി വെളിപ്പെടുത്തി പൃഥ്വി ഷാ

ഒരുമിച്ച് ക്രിക്കറ്റ് കളിച്ച് വളർന്ന അടുത്ത സുഹൃത്തുക്കളാണ് പൃഥ്വി ഷായും അർജുൻ ടെണ്ടുൽക്കറും. 2011ൽ ഇന്ത്യ ഏകദിന ലോക കിരീടം ഉയർത്തിയപ്പോൾ പൃഥ്വി ഷായും അർജുൻ ടെണ്ടുൽക്കറും ഗ്യാലറിയിൽ ഒരുമിച്ചിരിക്കുന്ന ദൃശ്യങ്ങൾ വൈറലായിരുന്നു. എംഐജി ക്യാപ്റ്റനായപ്പോൾ അർജുനോട് എങ്ങനെ ദേഷ്യപ്പെടും എന്നത് സംബന്ധിച്ച് തനിക്ക് ആശങ്ക ഉണ്ടായതായും അതിന് സച്ചിൻ ടെണ്ടുൽക്കർ നൽകിയ മറുപടിയെ കുറിച്ചും പറയുകയാണ് പൃഥ്വി ഷാ. 

"എംഐജി അണ്ടർ 14, അണ്ടർ 13 ലെവലിൽ ഞാൻ ആയിരുന്നു ടീം ക്യാപ്റ്റൻ. അർജുനും ടീമിൽ അംഗമായിരുന്നു. ക്യാപ്റ്റൻ എന്ന നിലയിൽ എനിക്ക് ഫീൽഡ് പ്ലേസ്മെന്റ് നടത്തേണ്ടതുണ്ട്. ക്യാച്ച് നഷ്ടപ്പെടുത്തിയാൽ ചിലപ്പോൾ ദേഷ്യപ്പെടേണ്ടി വരും. അർജുന് എതിരെ എങ്ങനെ ദേഷ്യപ്പെടും എന്നായി എന്റെ ചിന്ത," പൃഥ്വി ഷാ ന്യൂസ്24നോട് പറഞ്ഞു. 

Also Read: Sourav Ganguly: അടുത്ത ബംഗാൾ മുഖ്യമന്ത്രിയാവുമോ? അതോ ഇന്ത്യൻ കോച്ചോ? ഗാംഗുലിയുടെ മറുപടി

"അർജുൻ എന്റെ സുഹൃത്താണ്. മാത്രമല്ല സച്ചിൻ സാറിന്റെ മകനുമാണ്. എന്നാൽ സച്ചിൻ സാർ എന്നോട് പറഞ്ഞത് എന്താണെങ്കിലും അവനോട് പറയാൻ മടിക്കരുത് എന്നാണ്. അർജുന്റെ ക്രിക്കറ്റ് ജീവിതത്തിൽ സച്ചിൻ ഒരിക്കലും ഇടപെട്ടിട്ടില്ല. അർജുനിൽ ഇപ്പോൾ ഒരുപാട് മാറ്റങ്ങളുണ്ടായി. 135ൽ കൂടുതൽ വേഗതയിൽ അർജുൻ പന്തെറിയുന്നു."

"സച്ചിന്റെ മകനാണ് അർജുൻ എന്ന് നമുക്ക് തോന്നുകയേ ഇല്ല. അത്രയും വിനയത്തോടെയാണ് എല്ലാവരോടും അർജുൻ പെരുമാറുന്നത്. അത്രയും വലിയൊരാളുടെ മകനാണ് താൻ എന്ന ചിന്തയൊന്നും അർജുന് ഇല്ല," പൃഥ്വി ഷാ പറഞ്ഞു. 

Also Read: Rishabh Pant Century: 'ദയവായി പന്ത് സെഞ്ചുറിയടിക്കരുത്'; കണക്ക് നോക്കിയാൽ കാര്യമറിയാം

അർജുൻ ടെണ്ടുൽക്കർ മുംബൈ ക്രിക്കറ്റ് വിട്ട് ഗോവ ടീമിലേക്ക് മാറിയിരുന്നു. ഡൊമസ്റ്റിക് ക്രിക്കറ്റിൽ കൂടുതൽ അവസരം ലഭിക്കുന്നതിനായിരുന്നു ഇത്. ഇപ്പോൾ അർജുൻ ടെണ്ടുൽക്കറുടെ പാത പിന്തുടരുകയാണ് പൃഥ്വി ഷായും. മുംബൈ ഡൊമസ്റ്റിക് ടീമിൽ സ്ഥാനം നഷ്ടമായതോടെയാണ് പൃഥ്വി ഷാ മറ്റ് സംസ്ഥാനത്തിലേക്ക് മാറുന്നത്. 

Also Read: Rishabh Pant Century: രണ്ടാം സെഞ്ചുറിയിൽ 'സോമർസോൾട്ട്' സെലിബ്രേഷൻ ഇല്ല; കാരണം ഇത്

ഫിറ്റ്നസ് പ്രശ്നങ്ങളെ തുടർന്നാണ് മുംബൈ ടീമിൽ നിന്ന് പൃഥ്വി ഷായ്ക്ക് സ്ഥാനം നഷ്ടമായത്. തന്റെ കൂട്ടുകെട്ടുകളാണ് ക്രിക്കറ്റിൽ നിന്ന് ശ്രദ്ധ തിരിയുന്നതിന് കാരണമായത് എന്നും ക്രിക്കറ്റിലേക്ക് എല്ലാ ശ്രദ്ധയും നൽകാനാണ് ഇനി തന്റെ തീരുമാനം എന്നും പൃഥ്വി ഷാ വ്യക്തമാക്കുന്നു. 

Read More: india Vs England Test: രാഹുൽ ക്യാപ്റ്റൻസിയെടുത്തു; തുടരെ രണ്ട് വിക്കറ്റ്; തോൽപ്പിച്ചത് ഗില്ലോ?