MS Dhoni IPL; കാൽമുട്ടുകൾ തോൽവി സമ്മതിച്ചു; റിഫ്ളക്സുമില്ല; ഇനിയും കടിച്ചു തൂങ്ങരുത്: ശ്രീകാന്ത്

MS Dhoni IPL 2025 Chennai Super Kings: "ധോണിയുടെ കാൽമുട്ടുകൾ തോൽവി സമ്മതിച്ച് കഴിഞ്ഞിരിക്കുന്നു. ഫിറ്റ്നസ് നഷ്ടപ്പെട്ടു. റിഫ്ളക്ട് ലെവലും താഴേക്കാണ്..ഇനിയും മുൻപോട്ട് പോയി കാര്യങ്ങൾ കൂടുതൽ വഷളാക്കരുത്," ധോണി ഐപിഎല്ലിൽ നിന്ന് വിരമിക്കൽ പ്രഖ്യാപിക്കണം എന്ന ആവശ്യം ഉന്നയിച്ച് ഇന്ത്യൻ മുൻ താരം ക്രിസ് ശ്രീകാന്ത് ഉന്നയിക്കുന്ന വാദങ്ങൾ ഇങ്ങനെ. 

"ധോണിക്ക് പ്രായമായി. ധോണിയിൽ നിന്ന് കൂടുതൽ പ്രതീക്ഷിക്കാൻ നമുക്ക് സാധിക്കില്ല. എന്നാൽ ക്രീസിലേക്ക് വന്ന് കാര്യങ്ങൾ കൂടുതൽ കുഴപ്പത്തിലാക്കുകയും ചെയ്യരുത്. നിങ്ങൾക്ക് കളിക്കാൻ സാധിക്കുന്നില്ല എങ്കിൽ അത് തുറന്ന് പറഞ്ഞ് മാറി നിൽക്കുക. അത് ധോണിക്ക് മാത്രം എടുക്കാനാവുന്ന തീരുമാനമാണ്," ക്രിസ് ശ്രീകാന്ത് പറഞ്ഞു. 

"ധോണി തുടർന്നാൽ, ഏത് റോളിലാണ് ധോണിയെ ടീം പരിഗണിക്കുന്നത്? ക്യാപ്റ്റനായോ, വിക്കറ്റ് കീപ്പറായോ അതോ ഫിനിഷറായോ? ധോണിയുടെ റിഫ്ളക്സ് ലെവൽ താഴേക്കാണ്. കാൽമുട്ടുകൾക്ക് ഇനിയും കളി തുടരാനാവുമെന്ന് തോന്നുന്നില്ല. ഫിറ്റ്നസ് ലെവലും താഴേക്കാണ് എല്ലാം പ്രശ്നമാണ്. അത് മാത്രമല്ല, ചെന്നൈ ടോപ് ഓർഡർ ബാറ്റിങ് നിരാശപ്പെടുത്തുകയുമാണ്."

ഓഫ് സ്പിന്നർമാരെ പറപറത്തിയിരുന്ന ധോണിയുണ്ട്

"പണ്ട് കളിച്ചിരുന്നത് പോലെ ഇപ്പോൾ കളിക്കാൻ ധോണിക്ക് സാധിക്കുന്നില്ല. സ്പിന്നർമാർക്ക് ധോണിയെ പൂട്ടാനാവുന്നു. ഒരിക്കൽ ഓഫ് സ്പിന്നർമാരെ പറപറത്തിയിരുന്ന ധോണിയുണ്ട്. എന്നാലിപ്പോൾ ധോണി പ്രയാസപ്പെടുകയാണ്. അത് പറയാതിരിക്കാനാവില്ല," ശ്രീകാന്ത് തന്റെ യുട്യൂബ് ചാനലിൽ സംസാരിക്കുമ്പോൾ പറഞ്ഞു. 

രാജസ്ഥാൻ റോയൽസിന് എതിരായ കളിയിൽ 17 പന്തിൽ നിന്നാണ് ധോണി 16 റൺസ് സ്കോർ ചെയ്തത്. ഈ സീസണിൽ 43കാരനായ ധോണി 13 മത്സരങ്ങളിൽ നിന്ന് കണ്ടെത്തിയത് 196 റൺസ്. 30 ആണ് ധോണിയുടെ സീസണിലെ ഉയർന്ന സ്കോർ. ബാറ്റിങ് ശരാശരി 24. സ്ട്രൈക്ക്റേറ്റ് 135. 

Read More

• CSK vs RR: ധോണിക്കും പിടിച്ചുകെട്ടാനായില്ല; ഇവിടെ തുടരാനാണ് തീരുമാനമെന്ന് പ്രഖ്യാപിച്ച് വൈഭവ്
• Sanju Samson: 'സഹിക്കാൻ പറ്റിയില്ല'; ധോണി ചെപ്പോക്കിൽ ബാറ്റിങ്ങിന് ഇറങ്ങിയത് ചൂണ്ടി സഞ്ജു
• Rohit Sharma: രോഹിത് ആഗ്രഹിച്ചത് ധോണി സ്റ്റൈൽ; ബിസിസിഐ അനുവദിച്ചില്ല; റിപ്പോർട്ട്
• MI vs DC IPL: മരണക്കളിയിൽ ആര് വീഴും? മുംബൈ-ഡൽഹി മത്സര ഫലം എങ്ങനെ ബാധിക്കും?