ധോണിയുടെ മുന്നറിയിപ്പ്; 200ന് മുകളിൽ സ്ട്രൈക്ക്റേറ്റ് ലക്ഷ്യമിട്ടാൽ പ്രശ്നം ഇങ്ങനെ

Vaibhav Suryavanshi and MS Dhoni: ധോണിയുടെ കാല് തൊട്ട് വണങ്ങുന്ന വൈഭവ് സൂര്യവൻഷിയുടെ ദൃശ്യങ്ങളാണ് കഴിഞ്ഞ ദിവസം ആരാധകരുടെ ഹൃദയം തൊട്ട് എത്തിയത്. ചെന്നൈ സൂപ്പർ കിങ്സിന് എതിരെ അർധ ശതകം കണ്ടെത്തിയാണ് വൈഭവ് സീസൺ അവസാനിപ്പിച്ചത്. പിന്നാലെ വൈഭവ് ഉൾപ്പെടെയുള്ള യുവ താരങ്ങൾക്ക് ഉപദേശവുമായി എത്തുകയാണ് ധോണി. 

"സ്ഥിരതയോടെ കളിക്കാനാണ് ശ്രമിക്കേണ്ടത്. 200ന് മുകളിൽ സ്ട്രൈക്ക്റേറ്റ് നിലനിർത്തുകയാണ് ലക്ഷ്യം വയ്ക്കുന്നത് എങ്കിൽ സ്ഥിരത കണ്ടെത്തുക പ്രയാസമാണ്. ഏത് സമയത്തും സിക്സ് പറത്താൻ പ്രാപ്തരായവരാണ് അവർ. എന്നാൽ പ്രതീക്ഷകൾ ഉയരുമ്പോൾ അതിന്റെ സമ്മർദത്തിലാവരുത്. മുതിർന്ന കളിക്കാരിൽ നിന്നും പരിശീലകരിൽ നിന്നും പഠിക്കണം. കളി മനസിലാക്കണം. യുവ താരങ്ങൾക്കുള്ള ഉപദേശം ഇതാണ്," ധോണി പറഞ്ഞു. 

𝙈𝙤𝙢𝙚𝙣𝙩𝙨 𝙩𝙤 𝙘𝙝𝙚𝙧𝙞𝙨𝙝 😊

This is what #TATAIPL is all about 💛🩷#CSKvRR | @ChennaiIPL | @rajasthanroyalspic.twitter.com/hI9oHcHav1

— IndianPremierLeague (@IPL) May 20, 2025

ചെന്നൈ സൂപ്പർ കിങ്സിന് എതിരെ പക്വതയാർന്ന ഇന്നിങ്സ് ആണ് വൈഭവ് സൂര്യവൻഷിയിൽ നിന്ന് വന്നത്. 33 പന്തിൽ നിന്നാണ് വൈഭവ് നാല് ഫോറും നാല് സിക്സും പറത്തി 57 റൺസ് എടുത്തത്. 

സീസണിലെ കരുത്തരായ ഗുജറാത്ത് ടൈറ്റൻസിനെതിരെ സെഞ്ചുറിയും ചെന്നൈക്കെതിരെ അർധ ശതകവും നേടി വൈഭവ് ഇന്ത്യൻ ക്രിക്കറ്റിന്റെ ഭാവിയാണ് താനെന്ന് പ്രഖ്യാപിക്കുകയാണ്. അരങ്ങേറ്റ ഐപിഎൽ സീസണിൽ ഏഴ് മത്സരങ്ങളാണ് വൈഭവ് കളിച്ചത്. നേടിയത് 252 റൺസ്. ബാറ്റിങ് ശരാശരി 36, സ്ട്രൈക്ക്റേറ്റ് 206.

വൈഭവിനൊപ്പം ചെന്നൈ സൂപ്പർ കിങ്സിന്റെ കൗമാര താരം ആയുഷ് മാത്രേയും രാജസ്ഥാനെതിരെ തിളങ്ങി. 20 പന്തിൽ നിന്ന് എട്ട് ഫോറും ഒരു സിക്സും പറത്തി 43 റൺസ് ആണ് ആയുഷ് കണ്ടെത്തിയത്. 215 ആണ് സ്ട്രൈക്ക്റേറ്റ്. 

Read More

• CSK vs RR: ധോണിക്കും പിടിച്ചുകെട്ടാനായില്ല; ഇവിടെ തുടരാനാണ് തീരുമാനമെന്ന് പ്രഖ്യാപിച്ച് വൈഭവ്
• Sanju Samson: 'സഹിക്കാൻ പറ്റിയില്ല'; ധോണി ചെപ്പോക്കിൽ ബാറ്റിങ്ങിന് ഇറങ്ങിയത് ചൂണ്ടി സഞ്ജു
• Rohit Sharma: രോഹിത് ആഗ്രഹിച്ചത് ധോണി സ്റ്റൈൽ; ബിസിസിഐ അനുവദിച്ചില്ല; റിപ്പോർട്ട്
• MI vs DC IPL: മരണക്കളിയിൽ ആര് വീഴും? മുംബൈ-ഡൽഹി മത്സര ഫലം എങ്ങനെ ബാധിക്കും?