'ഗംഭീർ പറയുന്നത് കേട്ടതായി നടിക്കും;എന്നിട്ട് തോന്നിയത് പോലെ കളിക്കും'

ഗംഭീറിന്റെ ഓസ്ട്രേലിയയെ ബാറ്റിങ് ശരാശരി 23. ഇംഗ്ലണ്ടിലും ഗംഭീറിന്റെ ശരാശരി മികച്ചതല്ല. പിന്നെ എങ്ങനെയാണ് ഇന്ത്യൻ ടീം അംഗങ്ങളെ ഗംഭീറിന് പരിശീലിപ്പിക്കാനാവുക എന്ന് ചോദിക്കുകയാണ് ഇംഗ്ലണ്ട് മുൻ സ്പിന്നർ മോണ്ടി പനേസർ. 

ഗംഭീറിന് മേലുള്ള ജോലിഭാരം കൂടുതലായിരിക്കും. പരിശീലകനായി ഗംഭീർ മാറി വരുന്നതേയുള്ളു. ചിലപ്പോൾ ടീമിലെ മുതിർന്ന താരങ്ങൾ ചിന്തിച്ചേക്കാം, ഏതാനും നാൾ മുൻപ് എന്റെ സഹതാരമായരുന്നു ഗംഭീർ. ഇപ്പോൾ എങ്ങനെ ക്രിക്കറ്റ് കളിക്കണം എന്ന് ഞങ്ങൾക്ക് ഗംഭീർ പറഞ്ഞു തരുന്നോ എന്ന്, മോണ്ടി പനേസർ പറയുന്നു. 

ഗംഭീറിന് ബുദ്ധിമുട്ടുള്ള കാര്യമാണ് ഇത്. ഓസ്ട്രേലിയയിലും ഇംഗ്ലണ്ടിലും ഗംഭീറിന്റെ ബാറ്റിങ് അത്ര മികച്ചതുമായിരുന്നില്ല. 23 ആണ് ഓസ്ട്രേലിയയിലെ ഗംഭീറിന്റെ ബാറ്റിങ് ശരാശരി. ഇംഗ്ലണ്ടിലും പ്രകടനം മോശമായിരുന്നു. പരിശീലകൻ എന്ന ചുമതല ഗംഭീർ പ്രാധാന്യത്തോടെ എടുക്കുന്നുണ്ടോ എന്ന് സെലക്ടർമാർ ചിന്തിച്ചേക്കാം. അതല്ലെങ്കിൽ ഏകദിനത്തിന്റേയും ട്വന്റി20യുടേയും ചുമതല മാത്രം ഗംഭീറിന് നൽകു, പനേസർ പറഞ്ഞു. 

ടെസ്റ്റിൽ വിവിഎസ് ലക്ഷ്മൺ പോലെ ആരെയെങ്കിലും കൊണ്ടുവരൂ. അതല്ലെങ്കിൽ ടെസ്റ്റിൽ ഗംഭീറിന് ബാറ്റിങ് കോച്ചിനെ സഹായത്തിനായി വയ്ക്കൂ. ലക്ഷ്മൺ രാഹുൽ ദ്രാവിഡിനെ പോലെയാണ്. എല്ലാ സാഹചര്യങ്ങളിലും ലക്ഷ്മൺ നന്നായി കളിച്ചിട്ടുണ്ട്, പനേസർ ചൂണ്ടിക്കാണിക്കുന്നു. 

ഇന്ത്യൻ ക്രിക്കറ്റ് താരങ്ങൾ ഗംഭീർ പറയുന്നത് കാര്യമായി എടുക്കുന്നുണ്ടോ എന്നത് എനിക്ക് സംശയമാണ്. ഗംഭീർ പറയുന്നത് കേൾക്കുന്നത് പോലെ നിന്നിട്ട്, ഞങ്ങൾ ഞങ്ങളുടെ സ്വതസിദ്ധമായ ശൈലിയിൽ കളിക്കാം എന്നായിരിക്കാം അവർ ചിന്തിക്കുന്നത് എന്ന് പനേസർ പറഞ്ഞു. 

ഗംഭീറിന് കീഴിൽ മോശം പ്രകടനങ്ങളാണ് ഇന്ത്യൻ ടീമിൽ നിന്ന് വരുന്നത് എങ്കിലും ഗംഭീറിന് കൂടുതൽ സമയം നൽകാനാണ് ബിസിസിഐയുടെ തീരുമാനം. ഐസിസി ചാംപ്യൻസ് ട്രോഫിയിലെ ഇന്ത്യയുടെ പ്രകടനം ഗംഭീറിന്റെ ഭാവിയിൽ നിർണായകമാവും. നേരത്തെ ശ്രീലങ്കക്കെതിരായ ഏകദിന പരമ്പരയും ഗംഭീറിന് കീഴിൽ ഇന്ത്യക്ക് നഷ്ടമായിരുന്നു. 

Read More

• മരണമാസ് ഷോ വെറുതെയായില്ല! ഐസിസി 'പ്ലേയർ ഓഫ് ദ മന്തായി' ബുമ്ര
• ഒടുവിൽ അത് സംഭവിക്കുമോ? ബാഴ്സയിലേക്ക് മെസിയുടെ വരവിന് വഴി തെളിയുന്നു
• ഏറ്റവും സമ്പന്നനായ ഫുട്ബോളർ ആര്? മെസിയും റൊണാൾഡോയും അല്ല
• സഞ്ജുവിന് പകരം ജുറെലിനെ പരി​ഗണിച്ചേക്കും; ഇഷാനും ബിസിസിഐ റഡാറിൽ