MI vs RR IPL: എന്തുകൊണ്ട് സഞ്ജു സാംസൺ കളിക്കുന്നില്ല? സന്ദീപ് ശർമയ്ക്ക് സീസൺ നഷ്ടം

Sanju Samson MI vs RR IPL 2025: മുംബൈ ഇന്ത്യൻസിന് എതിരായ മത്സരത്തിലും ക്യാപ്റ്റൻ സഞ്ജു സാംസൺ ഇല്ലാതെ രാജസ്ഥാൻ റോയൽസ്. രാജസ്ഥാൻ റോയൽസിന്റെ ഡൽഹി ക്യാപിറ്റൽസിന് എതിരായ മത്സരത്തിൽ ബാറ്റിങ്ങിനിടെ ഫിറ്റ്നസ് പ്രശ്നം നേരിട്ട് മടങ്ങിയതിന് ശേഷം ക്രീസിലേക്ക് തിരിച്ചെത്താൻ സഞ്ജുവിന് സാധിച്ചിട്ടില്ല. സഞ്ജുവിന്റെ അഭാവത്തിനൊപ്പം മറ്റൊരു തിരിച്ചടിയും രാജസ്ഥാൻ റോയൽസ് നേരിടുന്നു. പരുക്കിനെ തുടർന്ന് ഫാസ്റ്റ് ബോളർ സന്ദീപ് ശർമയ്ക്ക് ഐപിഎല്ലിനെ ഇനിയുള്ള മത്സരങ്ങൾ നഷ്ടമാവും.

തുടരെ നാലാം മത്സരമാണ് സഞ്ജുവിന് നഷ്ടമാവുന്നത്. സീസണിലെ ആദ്യ മൂന്ന് മത്സരങ്ങൾ വിരലിനേറ്റ പരുക്കിനെ തുടർന്ന് ഇംപാക്ട് പ്ലേയറായാണ് സഞ്ജു ഇറങ്ങിയത്. സഞ്ജു ഫിറ്റ്നസ് വീണ്ടെടുത്തു വരികയാണ് എന്നാണ് പരിശീലകൻ രാഹുൽ ദ്രാവിഡ് പ്രതികരിച്ചത്. ഫിറ്റ്നസ് പൂർണമായും വീണ്ടെടുക്കുന്നതിന് മുൻപ് കളിക്കാൻ ഇറക്കി ദീർഘനാൾ അലട്ടുന്ന പരുക്കിലേക്ക് സഞ്ജുവിനെ തള്ളിവിടാതിരിക്കാനാണ് ശ്രമിക്കുന്നത് എന്നും ദ്രാവിഡ് വ്യക്തമാക്കി. എന്നാൽ സഹതാരങ്ങൾക്കൊപ്പം കളിച്ച് ചിരിച്ച് നടക്കുന്ന സഞ്ജുവിന് പരുക്ക് തന്നെയാണോ അതോ ടീമിനുള്ളിൽ മറ്റ് പ്രശ്നങ്ങളുണ്ടോ എന്ന ചോദ്യങ്ങൾ ആരാധകരിൽ നിന്ന് വരുന്നുണ്ട്. 

സഞ്ജുവിന്റെ അഭാവത്തിൽ വൈഭവ് സൂര്യവൻഷി തന്നെയാണ് യശസ്വിക്കൊപ്പം രാജസ്ഥാനായി ഇന്നിങ്സ് ഓപ്പൺ ചെയ്യുന്നത്. ബുമ്ര, ട്രെന്റ് ബോൾട്ട് എന്നീ ബോളർമാർക്കെതിരെ വൈഭവ് കളിക്കുക എങ്ങനെയാവും എന്നറിയാനുള്ള ആകാംക്ഷയിലാണ് ക്രിക്കറ്റ് ലോകം. 

സന്ദീപ് ശർമയ്ക്ക് പുറമെ ഹസരങ്കയ്ക്കും മുംബൈക്കെതിരായ മത്സരം നഷ്ടമായി.  ഗുജറാത്തിനെതിരായ മത്സരത്തിൽ വെച്ച് സന്ദീപിന്റെ വിരലിന് പരുക്കേറ്റിരുന്നു. ഇതാണ് സന്ദീപിന്റെ സീസണിന് തിരശീലയിടുന്നത്. സന്ദീപിന് പകരം മധ്വാളിനെയാണ് രാജസ്ഥാൻ മുംബൈക്കെതിരെ പ്ലേയിങ് ഇലവനിൽ ഉൾപ്പെടുത്തിയിരിക്കുന്നത്. 

View this post on Instagram

A post shared by Rajasthan Royals (@rajasthanroyals)

Read More

• CSK vs PBKS: ചെപ്പോക്കിൽ നാണംകെട്ട് ധോണിയും സംഘവും; ചെന്നൈ സൂപ്പർ കിങ്സ് പുറത്ത്
• കോൾ മീ! ഇത് സാം കറാന് കുറച്ച് പേഴ്സണലാണ്; ചെന്നൈയോടുള്ള കലിപ്പോ?
• Sara Tendulkar: 'എന്റെ സിരകളിലൊഴുകുന്നതും ക്രിക്കറ്റാണ്'; സാറയും ക്രിക്കറ്റിലേക്ക്
• MS Dhoni IPL: 'അടുത്ത മത്സരം കളിക്കുമോയെന്ന് അറിയില്ല'; നെഞ്ചിടിപ്പ് കൂട്ടി വീണ്ടും ധോണി