KKR vs RCB: ചിന്നസ്വാമി 'വെള്ളക്കടലാവും'; കോഹ്ലിക്കായി ആരാധകർ; ഇന്ന് കൊൽക്കത്തക്കെതിരെ

KKR vs RCB IPL 2025: 10 ദിവസത്തെ ഇടവേളയ്ക്ക് ശേഷം വീണ്ടും ഐപിഎൽ ആവേശത്തിലേക്ക് ഇന്ത്യൻ ക്രിക്കറ്റ് ലോകം. ഇന്ന് ചിന്നസ്വാമി സ്റ്റേഡിയത്തിൽ റോയൽ ചലഞ്ചേഴ്സ് ബെംഗളൂരുവിനെ കൊൽക്കത്ത നൈറ്റ്റൈഡേഴ്സ് നേരിടും. ടെസ്റ്റ് ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചതിന് ശേഷം വിരാട് കോഹ്ലി ആദ്യമായി ഇറങ്ങുന്ന മത്സരമായതിനാൽ ആരാധകർ വൈകാരികമായാണ് കളിയെ സമീപിക്കുന്നത്. കോഹ്ലിയോടുള്ള ആദരസൂചനകമായി വെള്ള ജഴ്സി അണിഞ്ഞ് ചിന്നസ്വാമി സ്റ്റേഡിയം വെള്ളക്കടലാക്കാനാണ് ആരാധകരുടെ പദ്ധതി. 

രണ്ട് ജയത്തിലേക്ക് കൂടി എത്തിയാൽ ടോപ് രണ്ടിൽ ഫിനിഷ് ചെയ്യാനുള്ള സാധ്യത ആർസിബിക്ക് മുൻപിൽ തെളിയും. കൊൽക്കത്തയെ സംബന്ധിച്ച് ഇനിയുള്ള എല്ലാ മത്സരങ്ങളും ജയിച്ചാൽ 15 പോയിന്റിലേക്കാണ് എത്താനാവുക. അതിനാൽ പ്ലേഓഫ് സാധ്യത അവസാനിച്ചു കഴിഞ്ഞു. ചിന്നസ്വാമിയിൽ കഴിഞ്ഞ ദിവസങ്ങളിൽ പെയ്ത മഴ മത്സര ദിവസവും കല്ലുകടിയായി എത്തുമോ എന്ന ആശങ്കയുണ്ട്. 

പിച്ച് റിപ്പോർട്ട്

ബാറ്റിങ്ങിനെ തുണയ്ക്കുന്ന പിച്ചാണ് ബെംഗളൂരുവലേത്. എന്നാൽ ആദ്യം ബോൾ ചെയ്യുന്ന ടീമിന് പിച്ചിൽ നിന്ന് സീം മൂവ്മെന്റ് കണ്ടെത്താനാവും. എന്നാൽ മത്സരം പുരോഗമിക്കുംതോറും ബാറ്റിങ് എളുപ്പമാവും എന്നാണ് വിലയിരുത്തപ്പെടുന്നത്. അതിനാൽ ആദ്യം ബോൾ ചെയ്യുന്ന ടീമിന് മുൻതൂക്കം ലഭിക്കും. ആദ്യം ബാറ്റ് ചെയ്യുന്ന ടീമിന്റെ ഓപ്പണർമാർക്ക് ന്യൂബോളിലെ ചലനങ്ങളെ അതിജീവിക്കാനായാൽ മികച്ച സ്കോറിലേക്ക് എത്താനുള്ള സാധ്യത തെളിയും. 

റോയൽ ചലഞ്ചേഴ്സ് ബെംഗളൂരു സാധ്യത ഇലവൻ: ഫിൽ സോൾട്ട്, വിരാട് കോഹ്ലി, മായങ്ക് അഗർവാൾ, രജത് പാടിദാർ, ജിതേഷ് ശർമ, റൊമാരിയോ ഷെഫേർഡ്, ടിം ഡേവിഡ്, ക്രുനാൽ പാണ്ഡ്യ, ഭുവനേശ്വർ കുമാർ, യഷ് ദയാൽ, എൻഗിഡി

കൊൽക്കത്ത നൈറ്റ്റൈഡേഴ്സ്: സുനിൽ നരെയ്ൻ, റഹ്മനുള്ള ഗുർബാസ്, രഹാനെ, വെങ്കടേഷ് അയ്യർ, മനീഷ് പാണ്ഡേ, റിങ്കു സിങ്, ആന്ദ്രെ റസൽ, രമൺദീപ് സിങ്, വൈഭവ് അറോറ, ഹർഷിത് റാണ, വരുൺ ചക്രവർത്തി. 

കൊൽക്കത്ത നൈറ്റ്റൈഡേഴ്സ്-റോയൽ ചലഞ്ചേഴ്സ് ബെംഗളൂരു മത്സരത്തിന്റെ ലൈവ് സ്ട്രീം എവിടെ?

കൊൽക്കത്ത നൈറ്റ്റൈഡേഴ്സ്-റോയൽ ചലഞ്ചേഴ്സ് ബെംഗളൂരു പോരിന്റെ ലൈവ് സ്ട്രീം ജിയോഹോട്സാറ്റാർ ആപ്പിലും വെബ്സൈറ്റിലും ലഭ്യമാവും.

കൊൽക്കത്ത നൈറ്റ്റൈഡേഴ്സ്-റോയൽ ചലഞ്ചേഴ്സ് ബെംഗളൂരു മത്സരം ടിവിയിൽ ലൈവായി ഏത് ചാനലിൽ കാണാം?

കൊൽക്കത്ത നൈറ്റ്റൈഡേഴ്സ്-റോയൽ ചലഞ്ചേഴ്സ് ബെംഗളൂരു പോര് ലൈവായി സ്റ്റാർ സ്പോർട്സ് നെറ്റ് വർക്കിൽ കാണാം.

Read More

• വൈഭവ് സൂര്യവംശി പത്താം ക്ലാസ് പരീക്ഷയിൽ തോറ്റോ? വൈറൽ പോസ്റ്റുകൾക്ക് പിന്നിലെ സത്യാവസ്ഥ ഇതാണ്
• Sanju samson:ഷോട്ട്..ഷോട്ട്..ബഡ്ഡി; 19കാരന്റെ വെടിക്കെട്ട് കണ്ട് ഞെട്ടി സഞ്ജു
• Sanju Samson: സഞ്ജു ഫിറ്റ്നസ് വീണ്ടെടുത്തോ? നിർണായക സൂചനയുമായി രാജസ്ഥാൻ റോയൽസ്
• ലോക ടെസ്റ്റ് ചാംപ്യൻ പണം വാരും; ഇന്ത്യക്ക് 12.31 കോടി; സമ്മാനത്തുക ഇരട്ടിപ്പിച്ച് ഐസിസി