Kerala Blasters: അവസാന മൂന്ന് കളി; സൂപ്പർ താരങ്ങൾ ബ്ലാസ്റ്റേഴ്സിലേക്ക് തിരിച്ചെത്തുന്നു

ജംഷഡ്പൂർ എഫ്സിക്ക് എതിരെയാണ് കേരള ബ്ലാസ്റ്റേഴ്സിന്റെ അടുത്ത മത്സരം. പ്ലേഓഫ് സാധ്യതകൾ 99 ശതമാനവും അസ്തമിച്ചു കഴിഞ്ഞെങ്കിലും ജയിക്കാനുറച്ചാവും കേരള ബ്ലാസ്റ്റേഴ്സ് ഇറങ്ങുക. ജംഷഡ്പൂരിന് എതിരെ ഇറങ്ങുമ്പോൾ കഴിഞ്ഞ മത്സരങ്ങൾ കളിക്കാൻ കഴിയാതിരുന്ന താരങ്ങൾ കേരള ബ്ലാസ്റ്റേഴ്സിലേക്ക് തിരികെ എത്തിയേക്കും. 

ഏഴ് മഞ്ഞക്കാർഡ് കണ്ടതിനെ തുടർന്ന് സെൻട്രൽ ഡിഫൻഡർ ഹോർമിപാമിന് എഫ്സി ഗോവയ്ക്ക് എതിരായ കേരള ബ്ലാസ്റ്റേഴ്സിന്റെ മത്സരം നഷ്ടമായിരുന്നു. കൂടാതെ നോവ ഫിറ്റ്നസ് വീണ്ടെടുത്ത ടീമിലേക്ക് തിരികെ എത്തിയിരുന്നും ഇല്ല. ഇതോടെ പതിവില്ലാതെ ഫോർമേഷനിൽ വരെ മാറ്റം വരുത്തിയാണ് ബ്ലാസ്റ്റേഴ്സ് ഇറങ്ങിയത്. 

സീസണിൽ ഭൂരിഭാഗം വട്ടവും പിന്തുടർന്ന 4-2-3-1 ഫോർമേഷൻ വിട്ട് 4-4-2 ഫോർമേഷനിലാണ് എഫ്സി ഗോവയ്ക്ക് എതിരെ കേരള ബ്ലാസ്റ്റേഴ്സ് കളിച്ചത്. ഹോർമിപാമിന് സസ്പെൻഷൻ ലഭിച്ചതോടെ ഡുസൽ ഡ്രിനിച്ചിനൊപ്പം സെൻട്രൽ ഡിഫന്ററായി വന്നു. റൈറ്റ് ബാക്കായി ഐബാൻ സ്റ്റാർട്ടിങ് ഇലവനിൽ ഇടം കണ്ടെത്തിയപ്പോൾ വിബിൻ മോഹനനും ഫറൂഖിനൊപ്പം മധ്യനിരയിൽ വരുന്നു. ഹിമെനെയും കൊറുവുമാണ് മുന്നേറ്റത്തിൽ കളിച്ചത്. 

ജംഷഡ്പൂരിനെതിരായ കളിയിലേക്ക് നോവ സദൂയി തിരിച്ചെത്തും എന്നാണ് റിപ്പോർട്ടുകൾ. കേരള ബ്ലാസ്റ്റേഴ്സ് ഗോൾകീപ്പർ സച്ചിൻ സുരേഷിനും പരുക്കേറ്റിരുന്നു. ഇതേ തുടർന്ന് കമൽജിത് ആണ് ബ്ലാസ്റ്റേഴ്സിനായി ഗോവയ്ക്ക് എതിരെ കളിച്ചത്. കമൽജിത്തിന്റെ ബ്ലാസ്റ്റേഴ്സിനായുള്ള അരങ്ങേറ്റ മത്സരമായിരുന്നു ഇത്. 

Read More

• Women Premier League: സൂപ്പർ ഓവർ ത്രില്ലറിൽ യുപി; ആർസിബിയെ വീഴ്ത്തി തകർപ്പൻ ജയം
• Champions Trophy: പാക്കിസ്ഥാനും ബംഗ്ലാദേശും പുറത്ത്; ഇന്ത്യയും ന്യൂസിലൻഡും സെമിയിൽ
• ധോണിക്കൊപ്പം ബാറ്റിൽ ഒപ്പിടാൻ ഞാൻ ആയെന്ന് തോന്നിയില്ല: വൈറൽ വീഡിയോയ്ക്ക് മറുപടിയുമായി സഞ്ജു സാംസൺ
• വരും വർഷങ്ങളിൽ ഇന്ത്യൻ ബാറ്റിങ്ങിനെ ശുഭ്മാൻ ഗിൽ നയിക്കും: സഞ്ജയ് ബംഗാർ