വരും വർഷങ്ങളിൽ ഇന്ത്യൻ ബാറ്റിങ്ങിനെ ശുഭ്മാൻ ഗിൽ നയിക്കും: സഞ്ജയ് ബംഗാർ

ഇന്ത്യൻ ക്രിക്കറ്റ് ടീമിന്റെ ഏകദിന വൈസ് ക്യാപ്റ്റൻ ശുഭ്മാൻ ഗില്ലിനെ പ്രശംസിച്ച് മുൻ ഇന്ത്യൻ താരം സഞ്ജയ് ബംഗാർ. വരും വർഷങ്ങളിൽ പഞ്ചാബിൽ നിന്നുള്ള യുവതാരം ഇന്ത്യൻ ടീമിന്റെ ബാറ്റിങ് നിരയെ നയിക്കുമെന്ന് അദ്ദേഹം പറഞ്ഞു. ഞായറാഴ്ച പാകിസ്ഥാനെതിരെ 46 റൺസ് നേടിയ ശുഭ്മാൻ ഗിൽ, ഏകദിന ഫോർമാറ്റിലെ മികച്ച ഫോം തുടർന്നു.

വരും വർഷങ്ങളിൽ ഇന്ത്യൻ ടീമിന്റെ ഉത്തരവാദിത്തം ഏറ്റെടുക്കാൻ പോകുന്നത് ശുഭ്മാൻ ഗില്ലാണെന്ന് വ്യക്തമാണെന്നും ബംഗാർ പറഞ്ഞു. 'ഗില്ലിന്റെ അടിത്തറ വളരെ ശക്തമാണ്. ഏകദേശം രണ്ടരവർഷ കാലത്തെ അദ്ദേഹത്തിന്റെ ഏകദിന ക്രിക്കറ്റ് പ്രകടനത്തിന്റെ ആത്മവിശ്വാസം അതിലുണ്ട്.' 

'ഏകദിന ക്രിക്കറ്റിൽ, ഗിൽ അസാധാരണമാണ്. സ്‌ട്രെയിറ്റ് ഡ്രൈവ്, ഓൺ-ഡ്രൈവ് പോലുള്ള ഷോട്ടുകളെല്ലാം ശക്തമായി അടിക്കാൻ ബാറ്റർമാർക്ക് ബുദ്ധിമുട്ടാണ്. എന്നാൽ വളരെ അനായാസം ശക്തമായാണ് ഈ ഷോട്ടുകൾ ഗിൽ കളിക്കുന്നത്. മികച്ച ടൈമിങും ഗില്ലിനുണ്ട്,' ജിയോഹോട്സ്റ്റാറിൽ സംസാരിക്കവേ സഞ്ജയ് ബംഗാർ പറഞ്ഞു.

പാകിസ്ഥാനെതിരായാ സ്ഥിരതയാർന്ന ഇന്നിങ്സിന് മുമ്പ്, ബംഗ്ലാദേശിനെതിരെയും മികച്ച പ്രകടനം പുറത്തെടുക്കാൻ ശുഭ്മാൻ ഗില്ലിനായി. സെഞ്ചുറി നേടിയാണ് താരം ഇന്ത്യയെ വിജയത്തിലെത്തിച്ചത്. നിലവിൽ ഐസിസിയുടെ ഏകദിന റാങ്കിങിൽ ഒന്നാം സ്ഥാനത്താണ് താരം. പാക്കിസ്ഥാന്റെ ബാബർ അസമിനെ മറികടന്നായിരുന്നു ഗില്ലിന്റെ നേട്ടം.

Read More

• ബാബർ അസം ഫ്രോഡ് ആണ്; പാക് ക്രിക്കറ്റിനെ കുറിച്ച് സംസാരിക്കാൻ പോലും ആഗ്രഹിക്കുന്നില്ല: ഷോയിബ് അക്തർ
• തിരുമ്പി വന്തിട്ടേന്ന് സൊല്ല്! കോഹ്ലിയുടെ കരുത്തിൽ വീണ് പാക്കിസ്ഥാൻ
• Champions Trophy 2025 live: ടോസ് നേടിയ പാക്കിസ്ഥാൻ ബാറ്റിങ്ങിന്; ടീമിൽ മാറ്റമില്ലാതെ ഇന്ത്യ
• Women Premier League: 23 പന്തിൽ 63 റൺസ്; കൂറ്റനടികളുമായി ചിനെല്ലെ; ഡൽഹിയെ തകർത്ത് യുപി
• England Vs Australia: നിസ്സാരം...! റെക്കോർഡ് ചെയ്സിങ് ജയവുമായി ഓസ്ട്രേലിയയുടെ തൂക്കിയടി