Kerala Blasters: വിദേശ സൂപ്പർ താരം നാട്ടിലേക്ക് മടങ്ങുന്നു? കേരള ബ്ലാസ്റ്റേഴ്സിന് തിരിച്ചടിയായേക്കും

Kerala Blasters: പുതിയ പരിശീലകന് കീഴിൽ സൂപ്പർ കപ്പിന് ഒരുങ്ങുകയാണ് കേരള ബ്ലാസ്റ്റേഴ്സ്. ഏപ്രിൽ 20ന് കേരള ബ്ലാസ്റ്റേഴ്സും ഈസ്റ്റ് ബംഗാളും തമ്മിലാണ് സൂപ്പർ കപ്പിലെ ഉദ്ഘാടന മത്സരം. എന്നാൽ അതിന് ഇടയിൽ കേരള ബ്ലാസ്റ്റേഴ്സ് ആരാധകരെ ആശങ്കയിലാക്കുന്ന ഒരു റിപ്പോർട്ടും പുറത്തു വരുന്നുണ്ട്. 

കേരള ബ്ലാസ്റ്റേഴ്സിന്റെ വിദേശ കളിക്കാരിൽ പ്രധാനിയായ ഒരു താരം യൂറോപ്പിലേക്ക് മടങ്ങാൻ ആഗ്രഹിക്കുന്നു എന്ന റിപ്പോർട്ടുകൾ ആണ് വരുന്നത്. കേരള ബ്ലാസ്റ്റേഴ്സിന്റെ പ്രതിരോധനിര താരം മിലോസ് ഡ്രിങ്കിച്ച് തന്റെ നാടായ മോണ്ടിനെഗ്രോയിലേക്ക് മടങ്ങാൻ താത്പര്യം പ്രകടിപ്പിച്ചതായാണ് സൂചന. 

ജൂൺ ആദ്യ വാരത്തോടെയാണ് ട്രാൻസ്ഫർ വിൻഡോ തുറക്കുന്നത്. മോണ്ടിനെഗ്രോയിലേക്ക് മടങ്ങി അവിടുത്തെ ക്ലബിനായും ദേശിയ ടീമിനായും കളിക്കുകയാണ് ഡ്രിങ്കിച്ച് ലക്ഷ്യം വയ്ക്കുന്നത് എന്നാണ് റിപ്പോർട്ടുകൾ. ഡ്രിങ്കിച്ചിന് 2026 വരെയാണ് കേരള ബ്ലാസ്റ്റേഴ്സുമായി കരാറുള്ളത്. 

2023-24 സീസണിലാണ് ഡ്രിങ്കിച്ച് കേരള ബ്ലാസ്റ്റേഴ്സിലേക്ക് എത്തിയത്. ബെലാറസ് ക്ലബിൽ നിന്നായിരുന്നു കൊച്ചിയിലേക്കുള്ള വരവ്. കേരള ബ്ലാസ്റ്റേഴ്സിനായി 35 മത്സരങ്ങളാണ് ഇതുവരെ കളിച്ചത് നേടിയത് മൂന്ന് ഗോളുകളും. പ്രതിരോധത്തിലെ ഡ്രിങ്കിച്ചിന്റെ പിഴവുകൾ പലവട്ടം വിമർശനങ്ങൾക്ക് ഇടയാക്കിയിട്ടുണ്ട്. 

View this post on Instagram

A post shared by Kerala Blasters FC (@keralablasters)

ട്രാൻസ്ഫർ വിൻഡോ തുറക്കുന്നതോടെ മറ്റ് ഐഎസ്എൽ ക്ലബുകൾ ഡ്രിങ്കിച്ചിനെ ലക്ഷ്യമിട്ട് എത്തുമോയെന്നും അറിയണം. നിലവിൽ സൂപ്പർ കപ്പിനുള്ള ഒരുക്കങ്ങളിലാണ് ടീമുകൾ എങ്കിലും ജൂണിലെ ട്രാൻസ്ഫർ വിൻഡോ മുൻപിൽ കണ്ട് ചരടുവലികളും പദ്ധതികളും ടീമുകൾ തയ്യാറാക്കുന്നുണ്ട്. 

Read More

• ബ്ലാസ്റ്റേഴ്‌സിന്റെ മത്സരങ്ങൾ ഇനി കോഴിക്കോടും; വലിയ സൂചനയുമായി സിഇഒ
• മികച്ച പ്രകടനം കാഴ്ചവയ്ക്കും; ബ്ലാസ്റ്റേഴ്സ് ആരാധകര്‍ക്ക് നിരാശപ്പെടേണ്ടി വരില്ലെന്ന് കറ്റാല
• Lionel Messi: ബോഡിഗാർഡിനെ വിലക്കി എംഎഎൽഎസ്; കലിപ്പിച്ച് മെസി
• 503 ഗ്രാം ഭാരം; മറഡോണയുടെ ഹൃദയത്തിന് അസാധാരണ വലിപ്പം; വിദഗ്ധർ കോടതിയിൽ