പ്രായം 55; ഇത് 2025 തന്നെ അല്ലേ? ഒറ്റ കൈ കൊണ്ട് വിന്റേജ് സേവ്

ഐസിസി ചാംപ്യൻസ് ട്രോഫിയിൽ ന്യൂസിലൻഡ് താരം ഗ്ലെൻ ഫിലിപ്പ്സിന്റെ പറക്കും ക്യാച്ച് ക്രിക്കറ്റ് ലോകത്തെ വിസ്മയിപ്പിച്ചിരുന്നു. എന്നാൽ ഒരു 55കാരന്റെ തകർപ്പൻ ബൗണ്ടറി സേവ് ആണ് സമൂഹമാധ്യമങ്ങളിൽ ഇപ്പോൾ വൈറലാവുന്നത്. ക്രിക്കറ്റ് കളിച്ചിരുന്ന കാലത്ത് ഫീൽഡിങ്ങിലെ പുലി ആയിരുന്ന താരം. സാക്ഷാൽ ജോണ്ടി റോഡ്സ്. പ്രായം 50 പിന്നിട്ടിട്ടും ഫീൽഡിങ്ങിൽ അദ്ദേഹത്തിന് ഒരു വിട്ടുവീഴ്ചയുമില്ല. 

ഇന്റർനാഷണൽ മാസ്റ്റേഴ്സ് ലീഗിൽ ഓസ്ട്രേലിയൻ മാസ്റ്റേഴ്സിന് എതിരായ കളിയിലാണ് മുൻ ദക്ഷിണാഫ്രിക്കൻ താരത്തിന്റെ അതിശയിപ്പിക്കുന്ന സേവ് എത്തിയത്. ഓസ്ട്രേലിയൻ മാസ്റ്റേഴ്സ് ക്യാപ്റ്റൻ ഷെയ്ൻ വാട്സന് ബൗണ്ടറി നിഷേധിച്ചാണ് ഡൈവ് ചെയ്ത് ലോങ് ഓണിൽ ജോണ്ടി റോഡ്സ് വിസ്മയിപ്പിച്ചത്. 

ബൗണ്ടറി എന്ന് ഉറപ്പിച്ച വാട്സന്റെ ഷോട്ട് ആയിരുന്നു അത്. എന്നാൽ പൊടുന്നനെ ഓടി ഡൈവ് ചെയ്ത് തന്റെ വലത് കൈ കൊണ്ട് ജോണ്ടി റോഡ്സ് പന്ത് തടഞ്ഞിട്ടു. ഇതിലൂടെ റോഡ്സിന്റെ കൈമുട്ട് മുറിഞ്ഞ് ചോര പൊടിയുന്നതും കാണാമായിരുന്നു. 

𝗝𝗢𝗡𝗧𝗬 𝗕𝗘𝗜𝗡𝗚 𝗝𝗢𝗡𝗧𝗬! 🚀

𝙎𝙥𝙚𝙚𝙙. 𝙍𝙚𝙖𝙘𝙩𝙞𝙤𝙣. 𝙋𝙪𝙧𝙚 𝙈𝙖𝙨𝙩𝙚𝙧𝙮! 🤌
Jonty Rhodes 𝙨𝙩𝙞𝙡𝙡 𝙙𝙤𝙚𝙨 𝙞𝙩 𝙡𝙞𝙠𝙚 𝙣𝙤 𝙤𝙣𝙚 𝙚𝙡𝙨𝙚! 😍🙌#IMLT20#TheBaapsOfCricket#IMLonJioHotstar#IMLonCineplexpic.twitter.com/RkHp1dKqri

— INTERNATIONAL MASTERS LEAGUE (@imlt20official) March 7, 2025

ഐപിഎല്ലിന്റേയും ഭാഗമാണ് ജോണ്ടി റോഡ്സ്. ലക്നൗ സൂപ്പർ ജയന്റ്സിന്റെ ഫീൽഡിങ് കോച്ച് ആണ് താരം. നിക്കോളാസ് പൂരൻ, ഡേവിഡ് മില്ലർ, മർക്രം എന്നിവർക്ക് ലക്നൗവിലെ ജോണ്ടി റോഡ്സിന്റെ സാന്നിധ്യം ഏറെ ഗുണം ചെയ്യും. 

ബൗണ്ടറി ജോണ്ടി റോഡ്സ് തടഞ്ഞെങ്കിലും ഷെയ്ൻ വാട്സൻ തന്റെ മൂന്നാം സെഞ്ചുറിയിലേക്ക് എത്തി. നാല് കളിയിൽ നിന്നാണ് താരം മൂന്ന് സെഞ്ചുറി കണ്ടെത്തിയത്. 61 പന്തിൽ നിന്നാണ് 122 റൺസ് ആണ് വാട്സൻ ദക്ഷിണാഫ്രിക്കൻ മാസ്റ്റേഴ്സിന് എതിരെ അടിച്ചെടുത്തത്. 

Read more

• Women Premier League: ലാനിങ്ങിന്റെ വെടിക്കെട്ട് പാഴായി; ഹർലിന്റെ ബാറ്റിങ് കരുത്തിൽ ഗുജറാത്തിന് ജയം
• വീണ്ടും അഭിമാന നേട്ടം; പ്രണവ് ലോക ജൂനിയർ ചെസ് ചാംപ്യൻ
• Kerala Blasters: നാണംകെട്ടില്ല; അവസാന ഹോം മത്സരത്തിൽ ബ്ലാസ്റ്റേഴ്സിന് ജയം
• Champions Trophy: 20.6 കോടി കാഴ്ച്ചക്കാർ; റെക്കോർഡുകൾ കടപുഴക്കി ഇന്ത്യ-പാക്കിസ്ഥാൻ പോര്