Champions Trophy: 20.6 കോടി കാഴ്ച്ചക്കാർ; റെക്കോർഡുകൾ കടപുഴക്കി ഇന്ത്യ-പാക്കിസ്ഥാൻ പോര്

ഫോമിലേക്കുള്ള മടങ്ങി വരവ് കോഹ്ലി പ്രഖ്യാപിച്ച മത്സരം. ചെയ്സിങ് കിങ് എന്ന് കോഹ്ലി ഒരിക്കൽ കൂടി തെളിയിച്ച മത്സരം. ചിര വൈരികളുടെ പോരിൽ കോഹ്ലിയുടെ സെഞ്ചുറിയുടെ ബലത്തിലാണ് ഇന്ത്യ ജയിച്ചു കയറിയത്. ഇന്ത്യ ജയം പിടിച്ച ഈ പോര് ചില റെക്കോർഡുകളും തിരുത്തി എഴുതി. 

ഫെബ്രുവരി 23ന് ദുബായിൽ നടന്ന ഇന്ത്യ-പാക്കിസ്ഥാൻ ചാംപ്യൻസ് ട്രോഫി മത്സരം ടെലിവിഷനിലൂടെ 20.6 കോടി ആളുകളാണ് കണ്ടത്. ബാർക് ചരിത്രം നോക്കിയാൽ ഏറ്റവും കൂടുതൽ ആളുകൾ ടെലിവിഷനിലൂടെ കണ്ട രണ്ടാമത്തെ മത്സരമായി ഈ പോര് മാറി. 

2023 ഏകദിന ലോകകപ്പിൽ ഇന്ത്യയും പാക്കിസ്ഥാനും ഏറ്റുമുട്ടിയപ്പോൾ ടെലിവിഷനിലൂടെ ആളുകൾ കണ്ടതിന്റെ റെക്കോർഡ് ആണ് ഇന്ത്യാ-പാക്കിസ്ഥാൻ ചാംപ്യൻസ് ട്രോഫിയിലെ പോര് തിരുത്തി എഴുതിയത്. ഏകദിന ലോകകപ്പിനേക്കാൾ 11 ശതമാനം കൂടുതൽ കാണികൾ ടെലിവിഷനിലൂടെ ചാംപ്യൻസ് ട്രോഫിയിലെ ഇന്ത്യാ-പാക്കിസ്ഥാൻ മത്സരം തത്സമയം കണ്ടു. 

2,609 കോടി മിനിറ്റ് ടോട്ടൽ ടിവി വാച്ച് ടൈം ആണ് ഇന്ത്യ-പാക്കിസ്ഥാൻ ചാംപ്യൻസ് ട്രോഫി മത്സരത്തിലുണ്ടായത് എന്നാണ് പുറത്തുവരുന്ന കണക്കുകൾ. ആറ് വിക്കറ്റിനാണ് കളിയിൽ പാക്കിസ്ഥാനെ ഇന്ത്യ തോൽപ്പിച്ചത്. ഇതോടെ പാക്കിസ്ഥാൻ ഗ്രൂപ്പ് ഘട്ടം കടക്കാതെ ചാംപ്യൻസ് ട്രോഫിയിൽ നിന്ന് പുറത്തായി. 

View this post on Instagram

A post shared by Team india (@indiancricketteam)

242 റൺസ് ആണ് പാക്കിസ്ഥാൻ ഇന്ത്യക്ക് മുൻപിൽ വിജയ ലക്ഷ്യമായി വെച്ചത്. എന്നാൽ 51ാം ഏകദിന സെഞ്ചുറിയിലേക്ക് കോഹ്ലി എത്തിയപ്പോൾ 42.3 ഓവറിൽ ഇന്ത്യ വിജയ ലക്ഷ്യം മറികടന്നു. അതിവേഗത്തിൽ 14000 ഏകദിന റൺസ് എന്ന നേട്ടവും ഈ ഇന്നിങ്സിന് ഇടയിൽ കോഹ്ലി മറികടന്നു. 

Read More

• Women Premier League: യുപിയുടെ പ്രതീക്ഷകൾ അവസാനിച്ചു; മുംബൈക്ക് അനായാസ ജയം
• Sunil Chhetri: വിരമിക്കൽ തീരുമാനം പിൻവലിച്ചു; സുനിൽ ഛേത്രി ഇന്ത്യക്കായി കളിക്കും
• Pakistan Cricket Team: ഉറങ്ങിപ്പോയി; ബാറ്റ് ചെയ്യാൻ ഇറങ്ങിയില്ല; നാണക്കേടിന്റെ റെക്കോർഡ്
• ICC Champions Trophy Final: "രോഹിത് സ്വാർഥനാവണം"; ഗംഭീറിന്റെ ന്യായീകരണം തള്ളി ഗാവസ്കർ