IPL Final: ഫൈനലിൽ റിസർവ് ഡേയും മഴ എടുത്താലോ? വിജയിയെ കണ്ടെത്തുക ഇങ്ങനെ

RCB vs PBKS IPL Final 2025: മുംബൈ ഇന്ത്യൻസ്- പഞ്ചാബ് കിങ്സ് രണ്ടാം ക്വാളിഫയറിൽ മഴ കല്ലുകടിയായി എത്തിയപ്പോൾ രണ്ട് മണിക്കൂറിന് മുകളിൽ മത്സരം തടസപ്പെട്ടു. രണ്ടാം ക്വാളിഫയർ നടന്ന അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ തന്നെയാണ് ഫൈനലും. ഫൈനൽ ദിവസവും ഇവിടെ മഴ വില്ലനായി എത്തിയാൽ എങ്ങനെയാവും കിരീട വിജയിയെ നിർണയിക്കുക? 

ജൂൺ മൂന്നിന് വൈകുന്നേരം അഹമ്മദാബാദിൽ മഴ ലഭിച്ചേക്കാം എന്നാണ് കാലാവസ്ഥാ പ്രവചനം. എന്നാൽ ഫൈനലിന് റിസർവ് ഡേ ഉണ്ട് എന്നത് ആശ്വാസമാണ്. ഫൈനൽ ദിവസം മഴ എത്തിയാൽ സാധാരണ അനുവദിക്കുന്നതിലും കൂടുതൽ രണ്ട് മണിക്കൂർ സമയം കൂടി മത്സരം നടത്താൻ നൽകും. എന്നാൽ ഈ രണ്ട് മണിക്കൂറും മഴ തുടരുകയും മത്സരം ഉപേക്ഷിക്കേണ്ടി വരികയും ചെയ്താൽ മത്സരം റിസർവ് ഡേ ആയ ജൂൺ നാലിലേക്ക് നീളും. 

Also Read: കോഹ്ലിയുടെ 'വാട്ടർ ബോയ്' സ്ലെഡ്ജ്; മകനൊപ്പം കളിക്കുമ്പോഴും ഇങ്ങനെയാവും; ന്യായീകരിച്ച് മുൻ താരം

റിസർവ് ഡേയും മഴ എടുത്താൽ എന്ത് ചെയ്യും? റിസർവ് ഡേയിലും മഴയെ തുടർന്ന് മത്സര ഫലം കണ്ടെത്താനാവാതെ വന്നാൽ റോയൽ ചലഞ്ചേഴ്സ് ബെംഗളൂരുവിനാണ് തിരിച്ചടിയാവുക. കാരണം റിസർവ് ഡേയിലും മത്സര ഫലം കണ്ടെത്താനാവാതെ വന്നാൽ, ലീഗ് ഘട്ടത്തിൽ പോയിന്റ് പട്ടികയിൽ ഒന്നാമത് എത്തിയ ടീമിനെ വിജയിയായി പ്രഖ്യാപിക്കും. 

Also Read: കോഹ്ലിയുടെ 18ാം നമ്പർ ജഴ്സിക്ക് അവകാശിയായി; നെറ്റിചുളിച്ച് ആരാധകർ

സീസണിൽ  പഞ്ചാബ് കിങ്സിനും റോയൽ ചലഞ്ചേഴ്സ് ബെംഗളൂരുവിനും 19 പോയിന്റ് വീതമാണ് ഉള്ളത്. 14 കളിയിൽ നിന്ന് ഇരു ടീമും നേടിയത് ഒൻപത് ജയം വീതം. എന്നാൽ നെറ്റ്റൺറേറ്റിലെ നേരിയ മുൻതൂക്കം പഞ്ചാബ് കിങ്സിനെ ഒന്നാം സ്ഥാനം പിടിക്കാൻ തുണച്ചു. ഫൈനലിലെ റിസർവ് ഡേയും മഴ എടുത്താൽ ഈ നേരിയ നെറ്റ്റൺറേറ്റിന്റെ ബലത്തിൽ പഞ്ചാബ് കിരീടം ചൂടും. ബെംഗളൂരു കന്നി കിരീടത്തിനായി വീണ്ടും കാത്തിരിക്കേണ്ടി വരും. 

Read More

• PBKS vs MI: 'മുംബൈ ജാവോ'; കന്നിക്കിരീടത്തിൽ കണ്ണുനട്ട് പഞ്ചാബും ബെംഗളൂരുവും
• Glenn Maxwell: 202 റൺസ് കൂട്ടുകെട്ട്; കമിൻസിൽ നിന്ന് വന്നത് 12 റൺസ്; മാക്സിയെ ചൂണ്ടി കൂടുതൽ പറയേണ്ടതുണ്ടോ?