/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/03/19/ZqAlYaydC4mC3BNo3XH5.jpg)
ഹർദിക് പാണ്ഡ്യ, രോഹിത് ശർമ Photograph: (ഫയൽ ഫോട്ടോ)
IPL 2025 Playoff Chances: മെയ് 17ഓടെ ഇന്ത്യൻ ക്രിക്കറ്റ് ലോകം വീണ്ടും ഐപിഎൽ ആവേശത്തിലേക്ക് വരും. നാല് പ്ലേഓഫ് സ്ഥാനത്തിനായി ടീമുകൾ ഇഞ്ചോടിഞ്ച് പോരടിക്കുമ്പോൾ ഐപിഎൽ അവസാന ഘട്ടം ത്രില്ലടിപ്പിക്കുന്നതാവും എന്നുറപ്പ്. നിലവിൽ പോയിന്റ് പട്ടികയിൽ ഒന്നാമതാണ് ഗുജറാത്ത് ടൈറ്റൻസ്. അഞ്ചാം സ്ഥാനത്ത് ഡൽഹി ക്യാപിറ്റൽസും. ആറും ഏഴും സ്ഥാനങ്ങളിലുള്ള കൊൽക്കത്തയ്ക്കും ലക്നൗവിനും പ്ലേഓഫ് സാധ്യത കടലാസിൽ മാത്രം. ആദ്യ അഞ്ച് ടീമുകളുടെ നിലവിലെ പോയിന്റും സാധ്യതകളും ഇങ്ങനെ..
ഗുജറാത്ത് ടൈറ്റൻസ്
ലീഗ് ഘട്ടത്തിൽ നാല് ടീമുകൾക്കാണ് 18 പോയിന്റിൽ എത്താനാവുക. മൂന്ന് മത്സരം കളിക്കാനുള്ള ഗുജറാത്തിന് ഈ 18 പോയിന്റിലേക്ക് എത്താൻ ബുദ്ധിമുട്ടുണ്ടാവില്ല. നിലവിൽ 16 പോയിന്റുള്ള ഗുജറാത്തിന് എല്ലാ മത്സരങ്ങളും ജയിച്ചാൽ 22 പോയിന്റിലേക്ക് എത്താനാവും. ഡൽഹിക്കും ലക്നൗവിനും ചെന്നൈക്കും എതിരെയാണ് ഇനി ഗുജറാത്തിന്റെ മത്സരങ്ങൾ.
റോയൽ ചലഞ്ചേഴ്സ് ബെംഗളൂരു
ഗുജറാത്ത് ടൈറ്റൻസിനെ പോലെ റോയൽ ചലഞ്ചേഴ്സ് ബെംഗളൂരുവിനും 18 പോയിന്റിലേക്ക് എത്താൻ ഒരു ജയം കൂടി മതി. ഇനി കളിക്കാനുള്ള മൂന്ന് മത്സരങ്ങളിൽ രണ്ടും ആർസിബിക്ക് ഹോം മത്സരങ്ങളാണ്. ഇനി വരുന്ന മൂന്ന് മത്സരങ്ങളും ജയിച്ചാൽ അവർക്ക് 22 പോയിന്റിലേക്ക് എത്താനാവും.
പഞ്ചാബ് കിങ്സ്
ഡൽഹി ക്യാപിറ്റൽസിന് എതിരെ ധരംശാലയിൽ നടന്ന മത്സരത്തിൽ മിന്നും തുടക്കമാണ് പഞ്ചാബ് കിങ്സിന് ലഭിച്ചത്. എന്നാൽ സുരക്ഷാ പ്രശ്നങ്ങളെ തുടർന്ന് മത്സരം നിർത്തിവയ്ക്കേണ്ടി വന്നത് പഞ്ചാബിന് തിരിച്ചടിയായി. ഡൽഹിക്ക് മത്സരം നിർത്തിവെച്ചത് ആശ്വാസമായിരുന്നു. എന്നാൽ പഞ്ചാബ് കിങ്സ്-ഡൽഹി ക്യാപിറ്റൽസ് മത്സരം വീണ്ടും നടത്തും. ഡൽഹിയെ കൂടാതെ രാജസ്ഥാൻ, മുംബൈ ഇന്ത്യൻസ് എന്നിവരെയാണ് പഞ്ചാബിന് ഇനി നേരിടേണ്ടത്. കാര്യങ്ങളൊന്നും കീഴ്മേൽ മറിഞ്ഞില്ലെങ്കിൽ പഞ്ചാബിന് പ്ലേഓഫിലെത്താം.
മുംബൈ ഇന്ത്യൻസ്
ഇനിയുള്ള എല്ലാ മത്സരങ്ങളും ജയിച്ചാൽ മുംബൈ ഇന്ത്യൻസിന് 18 പോയിന്റിലേക്ക് എത്താനാവും. എന്നാൽ ഇനി ഒരു മത്സരം തോറ്റാൽ മുംബൈ പ്ലേഓഫ് കാണാതെ പുറത്താവാൻ സാധ്യതയുണ്ട്. ഗുജറാത്ത് ടൈറ്റൻസിനും പഞ്ചാബിനും ഡൽഹിക്കും എതിരെയാണ് ഇനി മുംബൈ ഇന്ത്യൻസിന്റെ മത്സരങ്ങൾ.
ഡൽഹി ക്യാപിറ്റൽസ്
11 കളിയിൽ നിന്ന് 13 പോയിന്റ് ആണ് ഡൽഹി ക്യാപിറ്റൽസിനുള്ളത്. ഇനിയുള്ള മൂന്ന് മത്സരങ്ങളിൽ ജയിച്ചാൽ ഡൽഹിക്ക് 19 പോയിന്റ് ആവും. ഇതിലൂടെ മുംബൈ ഇന്ത്യൻസിനെ മറികടന്ന് ഡൽഹി ക്യാപിറ്റൽസിന് പ്ലേഓഫിലെത്താനാവും. ഗുജറാത്ത്, മുംബൈ, പഞ്ചാബ് എന്നിവർക്കെതിരെയാണ് ഇനി ഡൽഹിയുടെ മത്സരങ്ങൾ.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.