Sanju Samson IPL: തകർത്തടിക്കാൻ സഞ്ജു തിരിച്ചെത്തുന്നു? വൈഭവിന്റെ സ്ഥാനം തെറിക്കുമോ?

Sanju Sason Rajasthan Royals IPL 2025: ഇടവേളയ്ക്ക് ശേഷം ഐപിഎൽ ആവേശത്തിലേക്ക് ഇന്ത്യൻ ക്രിക്കറ്റ് ലോകം വീണ്ടും കടക്കുമ്പോൾ രാജസ്ഥാൻ റോയൽസ് പ്ലേയിങ് ഇലവനിലേക്ക് ക്യാപ്റ്റൻ സഞ്ജു സാംസൺ തിരിച്ചെത്തിയേക്കുമെന്ന് സൂചന. ബാറ്റുമായി വരുന്ന സഞ്ജുവിന്റെ ഫോട്ടോ രാജസ്ഥാൻ റോയൽസ് പങ്കുവെച്ചതോടെയാണ് അടുത്ത മത്സരത്തിൽ ഫിറ്റ്നസ് വീണ്ടെടുത്ത് ക്യാപ്റ്റൻ തിരിച്ചെത്തിയേക്കും എന്ന് ആരാധകർ പ്രതീക്ഷിക്കുന്നത്. 

പ്ലേഓഫ് കാണാതെ പുറത്തായ രാജസ്ഥാൻ റോയൽസിന്റെ അടുത്ത മത്സരം മെയ് 18ന് പഞ്ചാബ് കിങ്സിന് എതിരെയാണ്. രാജസ്ഥാൻ റോയൽസിന്റെ ഡൽഹി ക്യാപിറ്റൽസിന് എതിരായ മത്സരത്തിൽ ബാറ്റ് ചെയ്യവെ ഫിറ്റ്നസ് പ്രശ്നം നേരിട്ടതിന് ശേഷം പിന്നെ സഞ്ജുവിന് കളിക്കാൻ സാധിച്ചിരുന്നില്ല. സീസണിലെ ആദ്യ മൂന്ന് മത്സരങ്ങൾ വിരലിനേറ്റ പരുക്കിനെ തുടർന്ന് ഇംപാക്ട് പ്ലേയറായി മാത്രമാണ് സഞ്ജു കളിച്ചിരുന്നത്. 

രാജസ്ഥാൻ റോയൽസിന്റെ 12 മത്സരങ്ങളിൽ ഏഴ് മത്സരം മാത്രമാണ് സഞ്ജു സാംസൺ കളിച്ചത്. നേടിയത് 224 റൺസ്. സ്ട്രൈക്ക്റേറ്റ് 143.58. സീസണിലെ രാജസ്ഥാൻ റോയൽസിന്റെ ആദ്യ മത്സരത്തിൽ സൺറൈസേഴ്സ് ഹൈദരാബാദിന് എതിരെ  സഞ്ജു 66 റൺസ് സ്കോർ ചെയ്തിരുന്നു. ഗുജറാത്ത് ടൈറ്റൻസിന് എതിരെ 41 റൺസും പഞ്ചാബ് കിങ്സിന് എതിരെ 38 റൺസുമാണ് സഞ്ജു കണ്ടെത്തിയത്. 

View this post on Instagram

A post shared by Rajasthan Royals (@rajasthanroyals)

സഞ്ജു വന്നാൽ വൈഭവ് സൂര്യവൻഷിയുടെ സ്ഥാനം തെറിക്കുമോ?

സഞ്ജു സാംസൺ പ്ലേയിങ് ഇലവനിലേക്ക് തിരികെ എത്തിയാലും ഓപ്പണിങ്ങിൽ യശസ്വി ജയ്സ്വാളും പതിനാലുകാരൻ വൈഭവ് സൂര്യവൻഷിയും തന്നെ തുടരാനാണ് സാധ്യത. വൺഡൗണായിട്ടാവും സഞ്ജു സാംസൺ ബാറ്റിങ്ങിന് ഇറങ്ങിയേക്കുക. സഞ്ജു സാംസണിന്റെ അഭാവത്തിൽ റിയാൻ പരാഗ് ആണ് രാജസ്ഥാൻ റോയൽസിനെ നയിച്ചിരുന്നത്. എന്നാൽ 12 കളിയിൽ നിന്ന് മൂന്ന് ജയം മാത്രം നേടി പോയിന്റ് പട്ടികയിൽ ഒൻപതാം സ്ഥാനത്താണ് രാജസ്ഥാൻ. ആറ് പോയിന്റ് മാത്രമാണ് സീസണിൽ രാജസ്ഥാന് നേടാനായത്. 

രാജസ്ഥാൻ റോയൽസ് താര ലേലത്തിലും ടീമിലെ കളിക്കാരെ നിലനിർത്തുന്നതിലും സ്വീകരിച്ച നിലപാടിൽ വലിയ വിമർശനമാണ് ഈ സീസണിൽ ഉയർന്നത്. ബട്ട്ലറെ പോലൊരു താരത്തെ വിട്ടുകളഞ്ഞ രാജസ്ഥാന്റെ നീക്കവും ഹെറ്റ്മയർ, ധ്രുവ് ജുറെൽ എന്നിവരെ നിലനിർത്തിയ തീരുമാനം ആരാധകരെ വലിയ തോതിൽ പ്രകോപിപ്പിക്കുന്നു. 

Read More

• Virat Kohli Retires: കിങ് കോഹ്ലി കളം വിടുമ്പോൾ... ഇതിഹാസ കരിയറിന് തിരശ്ശീല
• Virat Kohli Test Retirement: ടെസ്റ്റ് മതിയാക്കി ക്രിക്കറ്റിന്റെ 'രാജാവ്;' വിരമിക്കൽ പ്രഖ്യാപിച്ചു വിരാട് കോഹ്ലി
• Mumbai Indians IPL: മുംബൈക്ക് പ്ലേഓഫിലെത്താൻ സാധിച്ചേക്കില്ല; ഭീഷണികൾ ഇങ്ങനെ
• കേട്ടപാടെ റിക്കി പോണ്ടിങ് വിമാനത്തിൽ നിന്നിറങ്ങി; പഞ്ചാബ് കിങ്സ് സിഇഒയുടെ പ്രതികരണം