DC vs RR IPL 2025: സഞ്ജുവും അക്സർ പട്ടേലും നേർക്കുനേർ; രാജസ്ഥാൻ-ഡൽഹി മത്സരം എവിടെ കാണാം?

IPL 2025, DC vs RR: ഐപിഎല്ലിൽ ഇന്ന്, അക്‌സർ പട്ടേൽ നയിക്കുന്ന ഡൽഹി ക്യാപിറ്റൽസും സഞ്ജു സാംസൺ നായകനാകുന്ന രാജസ്ഥാൻ റോയൽസും ഏറ്റുമുട്ടും. ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ വൈകീട്ട് 7.30 മുതലാണ് മത്സരം. ഈ സീസണിൽ നാലു വിജയവും ഒരു തോൽവിയും ഉൾപ്പെടെ 8 പോയിന്റുകളോടെ പട്ടികയിൽ രണ്ടാം സ്ഥാനത്താണ് ഡൽഹി.

രണ്ടു ജയവും നാലു തോൽവിയുമായി എട്ടാം സ്ഥാനത്താണ് രാജസ്ഥാൻ. നാലു പോയിന്റാണ് രാജസ്ഥാൻ റോയൽസിനുള്ളത്. രണ്ട് തോൽവികളോടെയാണ് ആർആർ ഐപിഎൽ 2025 സീസണിന് തുടക്കമിട്ടത്. തുടർന്ന് രണ്ട് വിജയങ്ങളും പിന്നീട് തുടർച്ചയായ രണ്ടു  തോൽവികളും ടീം നേരിട്ടു.

അതേസമയം, പരിക്കേറ്റ ഡൽഹി ഓപ്പണർ ഫാഫ് ഡു പ്ലെസിസ് ഇന്നും കളിക്കില്ലെന്നാണ് വിവരം. മുംബൈയ്‌ക്കെതിരെ 89 റൺസ് നേടിയ കരുൺ നായർക്ക് ഓപ്പണറായി ഇലവനിൽ അവസരം ലഭിച്ചേക്കാം. ഡിസി ആദ്യം ബാറ്റിങ് തിരഞ്ഞെടുത്താൽ മുകേഷ് കുമാർ ഇംപാക്റ്റ് സബ് ഓപ്ഷനായി തുടരാനാണ് സാധ്യത.

റോയൽ ചലഞ്ചേഴ്‌സ് ബെംഗളൂരുവിനെതിരെ തോൽവി നേരിട്ടെങ്കിലും, രാജസ്ഥാൻ ഇലവനിൽ മാറ്റമുണ്ടാകാൻ സാധ്യതയില്ല. കുമാർ കാർത്തികേയ ഇംപാക്റ്റ് സബ് ആയി തുടർന്നേക്കും.

സാധ്യത ടിം
ഡൽഹി ക്യാപിറ്റൽസ്: ജേക്ക് ഫ്രേസർ, കരുൺ നായർ, അഭിഷേക് പോറേൽ, കെ.എൽ രാഹുൽ, ട്രിസ്റ്റൻ സ്റ്റബ്സ്, അക്സർ പട്ടേൽ (സി), അശുതോഷ് ശർമ, വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, മോഹിത് ശർമ്മ.
ഇംപാക്ട് സബ്: മുകേഷ് കുമാർ

രാജസ്ഥാൻ റോയൽസ്: യശസ്വി ജയ്‌സ്വാൾ, സഞ്ജു സാംസൺ (സി), നിതീഷ് റാണ, റിയാൻ പരാഗ്, ധ്രുവ് ജുറൽ, ഷിമ്‌റോൺ ഹെറ്റ്‌മെയർ , വനിന്ദു ഹസരംഗ, ജോഫ്ര ആർച്ചർ, മഹേഷ് തീക്ഷണ, സന്ദീപ് ശർമ, തുഷാർ ദേശ്പാണ്ഡെ.
ഇംപാക്ട് സബ്: കുമാർ കാർത്തികേയ

രാജസ്ഥാൻ റോയൽസ്- ഡൽഹി ക്യാപിറ്റൽസ് മത്സരം ലൈവായി ഏത് ചാനലിൽ കാണാം? 

രാജസ്ഥാൻ റോയൽസ്- ഡൽഹി ക്യാപിറ്റൽസ് പോര് ലൈവായി സ്റ്റാർ സ്പോർട്സ് നെറ്റ്വർക്കിൽ കാണാം. 

രാജസ്ഥാൻ റോയൽസ്- ഡൽഹി ക്യാപിറ്റൽസ് മത്സരത്തിന്റെ ലൈവ് സ്ട്രീം എവിടെ? 

രാജസ്ഥാൻ റോയൽസ്- ഡൽഹി ക്യാപിറ്റൽസ് മത്സരത്തിന്റെ ലൈവ് സ്ട്രീം ജിയോഹോട്സ്റ്റാർ ആപ്പിലും വെബ്സൈറ്റിലും ലഭ്യമാണ്. 

Read More

• 111 റൺസ് പിന്തുടർന്ന കൊൽക്കത്ത ചാരമായി; ചരിത്രമെഴുതി പഞ്ചാബ്
• 55 പന്തിൽ 141; റെക്കോർഡുകൾ കടപുഴക്കി അഭിഷേക്; ഉദിച്ചുയർന്ന് ഹൈദരാബാദ്
• ബെംഗളൂരുവിന്റെ നെഞ്ചുപിളർത്തി മക്ലാരന്റെ ഗോൾ; ഐഎസ്എൽ കിരീടം മോഹൻ ബഗാന്
• മൂന്ന് വർഷമായി പ്രണയത്തിൽ? ആരാണ് മാഡി? യശസ്വിക്കായി പറന്നെത്തുന്ന യുവതി
• ഫിറ്റ്നസൊക്കെ എന്തിന്! ആവി പറക്കും മട്ടൻ ബിരിയാണി ആസ്വദിച്ച് പാക്കിസ്ഥാൻ താരങ്ങൾ