/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2024/12/11/Rztc75NKG3hrnbborByT.jpg)
ഡിസംബര്‍ മാസത്തിലേ മികച്ച കളിക്കാരന്നുള്ള ഐ.സി.സി പുരസ്കാരത്തിന് നാമനിര്‍ദേശിക്കപ്പെട്ട മൂന്ന് പേരില്‍ ജസ്പ്രിത് ബുമ്രയും. ഓസ്‌ട്രേലിയയുടെ ക്യാപ്റ്റന്‍ പാറ്റ് കമ്മിന്‍സ് സൗത്ത് ആഫ്രിക്കന്‍ ഫാസ്റ്റ് ബോളര്‍ ഡെയ്ന്‍ പാറ്റേഴ്‌സണ്‍ എന്നിവരുടെ കൂടെയാണ് ബുമ്രയുടെ പേരും നിര്‍ദേശിക്കപ്പെട്ടിട്ടുളത്.
അടുത്തിടെ അവസാനിച്ച ബോര്‍ഡര്‍-ഗവാസ്‌കര്‍ ട്രോഫിയില്‍ മികച്ച പ്രകടനമാണ് ബുമ്ര കാഴ്ച്ചവെച്ചത്. അഞ്ച് ടെസ്റ്റുകളില്‍ നിന്നായി 14.22 ശരാശരിയില്‍ 32 വിക്കറ്റാണ് ബുമ്ര പരമ്പരയില്‍ നേടിയത്. മുന്‍നിര കളിക്കാരെല്ലാവരും തന്നെ പരാജയപ്പെട്ട പരമ്പില്‍ ഇന്ത്യക്ക് ആകെ ആശ്വസിക്കാനായത് ബുമ്രയുടെ പ്രകടനത്തിലാണ്.
അഞ്ചാം ടെസ്റ്റിന്റെ അവസാന ദിനം ബുമ്രക്ക് പരിക്ക് കാരണം ബോള്‍ ചെയ്യാന്‍ സാധിക്കാഞ്ഞത് ഇന്ത്യക്ക് വന്‍ തിരിച്ചടിയായിരുന്നു. രണ്ടാം ദിനം നടുവിനേറ്റ പരിക്ക് മൂലമാണ് ബുമ്ര കളം വിട്ടത്. ശേഷം സ്‌കാനിങ്ങിന് വിധേയനായ ബുമ്രക്ക് കുറച്ച് നാളത്തേക്ക് വിശ്രമം നിര്‍ദേശിക്കുകയായിരുന്നു.
ഓസ്‌ട്രേലിയന്‍ ക്യാപ്റ്റന്‍ പാറ്റ് കമ്മിന്‍സും മികച്ച ഫോമിലാണ്. ഇന്ത്യക്കെതിരെ നടന്ന പരമ്പരിയില്‍ 17.64 ശരാശരിയില്‍ 17 വിക്കറ്റുകളാണ് പാറ്റ് കമ്മിന്‍സ് നേടിയത്. അഡ്‌ലേയ്ഡില്‍ 10 വിക്കറ്റിന്റെ ജയം നേടിയ ടെസ്റ്റിവ്ല്‍ അഞ്ച് വിക്കറ്റെടുത്തിരുന്നു. ബോളുകൊണ്ട് മാത്രമല്ല ബാറ്റ് കൊണ്ടും മികച്ച പ്രകടനമാണ് കമ്മിന്‍സ് കാഴ്ച്ചവെച്ചത്. മെല്‍ബണ് ടെസ്റ്റില്‍ ആദ്യ ഇന്നിങ്‌സില്‍ 49ും രണ്ടാം ഇന്നിങ്‌സില്‍ 41ും റണ്‍ നേടി കമ്മിന്‍സ് ബാറ്റ് കൊണ്ട് തന്റെ ടീമിനെ സഹായിച്ചിരുന്നു.
അതേസമയം ശ്രീലങ്കക്കും പാകിസ്താനും എതിരെയുള്ള പ്രകടനമാണ് സൗത്ത് ആഫ്രിക്കന്‍ ഫാസ്റ്റ് ബോളര്‍ ഡേയ്ന്‍ പാറ്റേഴ്‌സണെ പുരസ്കാരത്തിന് നിര്‍ദേശിക്കാനിടയായത്. രണ്ട് ടെസ്റ്റില്‍ നിന്നായി 13 വിക്കറ്റാണ് ഈ കാലയളവില്‍ പാറ്റേഴ്‌സണ്‍ നേടിയത്. സൗത്ത് ആഫ്രിക്കയേ അവരുടെ ആദ്യ ടെസ്റ്റ് ചാമ്പ്യന്‍ഷിപ്പ് ഫൈനലിലേക്ക് നയിച്ചതില്‍ വലിയ പങ്കാണ് പാറ്റേഴ്‌സണ്‍ വഹിച്ചത്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.