ചഹലിനൊപ്പം അജ്ഞാത സുന്ദരി; ആരെന്ന് തിരഞ്ഞ് ആരാധകർ

ഇന്ത്യൻ സ്പിന്നർ ചഹലും ഭാര്യ ധനശ്രീയും വേർപിരിയുകയാണ് എന്ന അഭ്യൂഹങ്ങളാണ് കഴിഞ്ഞ ദിവസങ്ങളിലായി സമൂഹമാധ്യമങ്ങളിൽ നിറഞ്ഞത്. ഇത് സംബന്ധിച്ച് ഇരുവരിൽ നിന്നും ഇതുവരെ ഔദ്യോഗിക പ്രതികരണങ്ങൾ ഒന്നും വന്നിട്ടില്ല. എന്നാൽ വേർപിരയൽ അഭ്യുഹങ്ങൾ ശക്തമായി നിൽക്കുന്നതിന് ഇടയിൽ മറ്റൊരു പെൺകുട്ടിക്കൊപ്പം ചഹൽ മുംബൈയിൽ പ്രത്യക്ഷപ്പെട്ടു. 

ചഹലിനൊപ്പം കണ്ട പെൺകുട്ടി ആരെന്ന് തിരയുകയാണ് ഇപ്പോൾ സമൂഹമാധ്യമങ്ങളിൽ ആരാധകർ. മുംബൈയിലെ ജെഡബ്ല്യു മാരിയറ്റ് ഹോട്ടലിലാണ് ഒരു പെൺകുട്ടിക്കൊപ്പം ചഹൽ എത്തിയത്. ബാഗി ജീൻസും വെള്ള ഓവർസൈസ് ടി ഷർട്ടുമാണ് ചഹൽ ധരിച്ചിരുന്നത്. ഡാർക്ക് ഗ്രീൻ സ്വെറ്റ്ഷർട്ടും കറുപ്പ് പാന്റുമാണ് ചഹലിന് ഒപ്പമുണ്ടായ പെൺകുട്ടി അണിഞ്ഞത്. മുഖം മറയ്ക്കാൻ ശ്രമിച്ച് അസ്വസ്ഥയായി ആണ് പെൺകുട്ടി ചഹലിനൊപ്പം കടന്ന് പോയത്. 

ഗെയിമറും യുട്യൂബറുമായ നമന്റെ വിവാഹത്തിൽ പങ്കെടുക്കാനാണ് ചഹൽ മുംബൈയിലെത്തിയത്. മറ്റൊരു പെൺകുട്ടിയുമായുള്ള അടുപ്പത്തെ തുടർന്നാണോ ധനശ്രീയുമായി ചഹൽ വേർപിരിയുന്നത് എന്ന ചോദ്യമാണ് ആരാധകർ ഉയർത്തുന്നത്. എന്നാൽ താരത്തിന്റെ സ്വകാര്യത മാനിക്കണം എന്നും ഇവരെ പിന്തുടരുന്നതിൽ നിന്ന് പിന്മാറണം എന്നും കമന്റുകൾ വരുന്നുണ്ട്. 

കോറിയോഗ്രാഫറായ ധനശ്രീയുമായി നാല് വർഷം മുൻപായിരുന്നു ചഹലിന്റെ വിവാഹം. എന്നാൽ ഇരുവരും തമ്മിൽ കഴിഞ്ഞ കുറേ മാസങ്ങളായി അകന്ന് കഴിയുകയാണെന്നാണ് വിവരം. ഇതിന് ഇടയിൽ ചഹലിൽ നിന്ന് വന്നൊരു സോഷ്യൽ മീഡിയ പോസ്റ്റും ചർച്ചയായിരുന്നു. നിങ്ങളുടെ യാത്രകളെ കുറിച്ച് നിങ്ങൾക്ക് അറിയാം, നിങ്ങളുടെ വേദനകളും അറിയുന്നത് നിങ്ങൾക്കാണ് എന്നാണ് ചഹൽ കുറിച്ചത്. 

Yuzvendra Chahal's Instagram story. pic.twitter.com/YlDags1ULy

— Mufaddal Vohra (@mufaddal_vohra) January 4, 2025

'കഠിനാധ്വാനമാണ് ആളുകളുടെ വ്യക്തിത്വത്തെ പ്രകാശിപ്പിക്കുന്നത്. നിങ്ങളുടെ യാത്രയെ കുറിച്ച് നിങ്ങൾക്ക് അറിയാം. നിങ്ങളുടെ വേദനകൾ അറിയുന്നതും നിങ്ങൾക്കാണ്. ഇവിടെ വരെ എത്താൻ എന്തെല്ലാം പരിശ്രമിച്ചു എന്നും നമുക്കാണ് അറിയാവുന്നത്. ലോകത്തിന് അറിയാം. അച്ഛനും അമ്മയ്ക്കും അഭിമാനിക്കാനായി നിങ്ങൾ ചോര നീരാക്കിയാണ് പ്രയത്നിച്ചത്. അഭിമാനിയായ മകൻ എന്ന നിലയിൽ തല ഉയർത്തി നിൽക്കു', ചഹൽ സമൂഹമാധ്യമങ്ങളിൽ കുറിച്ചു.

Read More

• 'കോഹ്ലിയേയും രോഹിത്തിനേയും ഒഴിവാക്കണം'; ഞായറാഴ്ച ബിസിസിഐ യോഗം
• 'എന്ത് നോക്കിയിരിക്കുകയായിരുന്നു നിങ്ങൾ'? ഗംഭീറിന്റെ തന്ത്രങ്ങൾ ചോദ്യം ചെയ്ത് ഗാവസ്കർ
• ഓഫ് സൈഡ് കെണി എങ്ങനെ മറികടക്കാം? കോഹ്ലി വരുത്തേണ്ട മാറ്റം ഇങ്ങനെ
• 170 റൺസും കൊണ്ട് ടെസ്റ്റ് ജയിക്കാമെന്ന് കരുതിയോ? ദയനീയ തോൽവിയിൽ ഗാംഗുലി