ഐഎസ്എല്ലിലേക്ക് ഗോകുലം കേരള? ഐ ലീഗ് സൂപ്പർ ക്ലൈമാക്സിലേക്ക്

Gokulam Kerala I League: കേരള ബ്ലാസ്റ്റേഴ്സിനെ കൂടാതെ ഐഎസ്എല്ലിൽ അടുത്ത സീസൺ മുതൽ കേരളത്തിൽ നിന്ന് ഗോകുലം കേരളയും ഉണ്ടാവുമോ കളിക്കാൻ? ഐലീഗ് കിരീട പോരാട്ടം അവസാന ഘട്ടത്തിലേക്ക് കടക്കുമ്പോൾ ഗോകുലം കേരളയിലേക്ക് പ്രതീക്ഷയോടെയാണ് ആരാധകർ നോക്കുന്നത്. ഐ ലീഗ് കിരീടം നേടുന്ന ടീമിന് അടുത്ത ഐഎസ്എൽ സീസണിലേക്ക് പ്രമോഷൻ ലഭിക്കും. 

നിലവിൽ ഐ ലീഗ് പോയിന്റ് പട്ടികയിൽ മൂന്നാം സ്ഥാനത്ത് ആണ് ഗോകുലം കേരള. 21 കളിയിൽ നിന്ന് 11 ജയവും നാല് സമനിലയും ആറ് തോൽവിയുമായി 37 പോയിന്റ് ആണ് ഗോകുലം കേരളയ്ക്ക് ഉള്ളത്. 39 പോയിന്റുമായി ചർച്ചിൽ ബ്രദേഴ്സും ഇന്റർ കാശിയുമാണ് ഒന്നും രണ്ടും സ്ഥാനങ്ങളിൽ. 

ഗോകുലം കേരളയ്ക്ക് ഐലീഗ് കിരീടം നേടണം എങ്കിൽ അവസാന മത്സരം ജയിച്ചാൽ മാത്രം പോര. ചർച്ചിൽ ബ്രദേഴ്സും ഇന്റർ കാശിയും അവരുടെ അവസാന മത്സരങ്ങളിൽ തോൽക്കണം. അല്ലെങ്കിൽ ഇവരുടെ മത്സരം സമനിലയിൽ പിരിഞ്ഞാൽ ഗോൾ ഡിഫ്രൻസ് ആവും നിർണായകമാവുക. അതിനാൽ അവസാന മത്സരത്തിൽ ഗോകുലത്തിന് വലിയ മാർജിനിൽ ജയിക്കേണ്ടതുണ്ട്.

പോയിന്റ് പട്ടികയിൽ ഒൻപതാം സ്ഥാനത്ത് നിൽക്കുന്ന ഡെംപോ എസ്സി ആണ് ഗോകുലം കേരളയുടെ അവസാന മത്സരത്തിലെ എതിരാളി. ഏപ്രിൽ ആറിന് ആണ് ഗോകുലം കേരളയും ഡെംപോ എസ്സിയും തമ്മിലുള്ള മത്സരം. ഈ മത്സരത്തിൽ ഗോകുലം കേരളയ്ക്ക് ജയിക്കാനാവും എന്ന് തന്നെയാണ് പ്രതീക്ഷിക്കപ്പെടുന്നത്. അന്ന് തന്നെ നിലവിൽ ഒന്നാം സ്ഥാനത്ത് നിൽക്കുന്ന ചർച്ചിൽ ബ്രദേഴ്സ് റിയൽ കശ്മീരിനെ നേരിടുന്നത്. നാലാം സ്ഥാനത്ത് നിൽക്കുന്ന റിയൽ കശ്നീരിലെ തോൽപ്പിക്കുക ചർച്ചിലിന് അത്ര എളുപ്പമാവില്ല. 

രാജസ്ഥാൻ എഫ്സിക്ക് എതിരെയാണ് ഇന്റർ കാശിയുടെ അവസന മത്സരം. പോയിന്റ് പട്ടികയിൽ അഞ്ചാം സ്ഥാനത്ത് ആണ് ഇന്റർ കാശി. ചർച്ചിൽ ബ്രദേഴ്സും ഇന്റർ കാശിയും തോൽവി വഴങ്ങുകയും ഗോകുലം കേരള ജയിക്കുകയും ചെയ്താൽ ഐ ലീഗ് കിരീടം കേരളത്തിലേക്ക് പോരും. അടുത്ത ഐഎസ്എൽ സീസണിൽ മലയാളി ആരാധകർക്ക് ആരവം ഉയർത്താൻ രണ്ട് കേരള ക്ലബുകൾ ഉണ്ടാവും എന്നാൽ ചർച്ചിലും ഇന്റർ കാശിയും സമനില എങ്കിലും നേടിയാൽ പിന്നെ ഗോൾ ഡിഫ്രൻസ് നോക്കിയാവും കിരീട വിജയിയെ തീരുമാനിക്കുക. 

Read More

• Kerala Blasters: അഡ്രിയാൻ ലൂണയുടെ ഭാവി ഉടൻ അറിയാം; പണി തുടങ്ങി പുതിയ പരിശീലകൻ
• നിറഞ്ഞാടി റൊണാൾഡിഞ്ഞോയും വിജയനും; ബ്രസീലിന് 2-1ന്റെ ജയം
• Kerala Blasters: ഗോൾവേട്ടക്കാരൻ സ്ട്രൈക്കർ ബ്ലാസ്റ്റേഴ്സ് വിടുമോ? റാഞ്ചാൻ മറ്റ് ക്ലബുകൾ
• പൊന്നും പണം തന്നാൽ എടുത്തോ! ഹോർമിപാമിനെ വിൽക്കാൻ തയ്യാറായി കേരള ബ്ലാസ്റ്റേഴ്സ്; റിപ്പോർട്ട്