'ഇപ്പൊ ഗോൾ അടിക്കും എന്ന് നോക്കിയിരുന്ന ഞാൻ ഇപ്പൊ ആരായി!'

പിച്ചവെച്ച് തുടങ്ങുമ്പോൾ തന്നെ ഫുട്ബോളിനെ നെഞ്ചോട് ചേർക്കുന്ന കുരുന്നുകളുണ്ട് നമുക്ക് ചുറ്റും. അർജന്റീനയുടേയും ബ്രസീലിന്റേയും ബാഴ്സയുടേയും മാഞ്ചസ്റ്റർ യുനൈറ്റഡിന്റേയുമെല്ലാം ജഴ്സിയുമിട്ട് കാൽപന്തിനെ ഹൃദയത്തിൽ കൊണ്ടുനടന്ന് വളരുന്ന കുരുന്നുകൾ. അങ്ങനെയൊരു കുരുന്നിന്റെ വിഡിയോയാണ് സമൂഹമാധ്യമങ്ങളിൽ വൈറലാവുന്നത്. പക്ഷേ ഇവിടെ ഒരു ട്വിസ്റ്റ് ഉണ്ട്. 

മെസിയുടേയും റൊണാൾഡോയുടേയും ഷോട്ടുകളെല്ലാം അനുകരിച്ച് തകർപ്പൻ ഫ്രീ കിക്കുകളും ഡ്രിബ്ലിങ്ങുകളുമെല്ലാം നടത്തി കേരളത്തിൽ നിന്ന് ഇന്റർനെറ്റിൽ വൈറലായി മാറിയ നിരവധി കുട്ടികളുണ്ട്. എന്നാൽ ഇവിടെ ഒരു ഷോട്ടിന് ശ്രമിച്ച് അടപടലം വീഴുന്ന കുട്ടിക്കുരുന്നിന്റെ വിഡിയോയാണ് സമൂഹമാധ്യമങ്ങളിൽ വൈറലാവുന്നത്. 

ഓടിച്ചാടി വന്ന് പന്ത് മുൻപിലേക്ക് എറിഞ്ഞ് ചാടി അടിക്കാനായിരുന്നു അവന്റെ ശ്രമം. പക്ഷെ ടൈമിങ് കുറച്ചൊന്ന് പിഴച്ചു. പന്ത് ഒരിടത്തും അവൻ മറ്റൊരിടത്തേക്കും വീണു. അതും അവന്റെ ഒന്നൊന്നര വീഴ്ചയായിരുന്നു. ആ വീഴ്ച കണ്ടാൽ ആരും ഒന്ന് ചിരിച്ച് പോകും. 

View this post on Instagram

A post shared by Rahul Sadanandan (@rahul__sadanandan)

10 ലക്ഷത്തിന് മുകളിൽ ആളുകൾ ഈ വിഡിയോ കണ്ടുകഴിഞ്ഞു. പത്ത് ലക്ഷത്തിന് മുകളിൽ ലൈക്കുമാണ് ലഭിച്ചിരിക്കുന്നത്. "നിനക്കൊരു മയത്തിലൊക്കെ തട്ടിക്കൂടെ എന്നാണ് വിഡിയോയ്ക്ക് താഴെ വന്നിരിക്കുന്ന കമന്റുകളിൽ ഒന്ന്. ദാ കിടക്കുന്നു മെസി എന്നാണ് അർജന്റീനയുടെ ജഴ്സി അണിഞ്ഞ് ഷോട്ടിന് ശ്രമിച്ച് അമ്പേ വീണുപോയ കുരുന്നിനെ ചൂണ്ടി വന്ന മറ്റൊരു കമന്റ്. 

Read More

• താജ് മഹലിനെ ഇളക്കി മറിച്ച് മലബാറിലെ പിള്ളേർ; സ്റ്റൈലൻ വരവ് വൈറൽ
• ഇവനാര് കാക്ക തമ്പുരാനോ? ആ വിളികേട്ട് കാക്ക കൂട്ടം പറന്നെത്തി; വൈറൽ വിഡിയോ
• കണിക്കൊന്ന പറിച്ചും പശുവിനെ മേയ്ച്ചും ട്രംപ്; 'ഡോണൾഡ് അച്ചായൻ' എന്ന് സോഷ്യൽ മീഡിയ
• 'രോഹിത് ശർമ ഇടയ്ക്ക് ഡക്ക് ആകാറുണ്ട്;' ആരാധികയെ ഞെട്ടിച്ച് ബേസിലിന്റെ 'തഗ്' മറുപടി
• പടക്കം പൊട്ടിച്ചും പപ്പടം കാച്ചിയും റൊണാൾഡോയും സഞ്ജുവും; വൈറലായി വിഷു ആഘോഷം; വീഡിയോ
• "ചേച്ചിമാരെ കണ്ടു പഠിച്ചതായിരിക്കും, ഒറ്റ സ്റ്റെപ്പും തെറ്റിച്ചില്ല," കൊച്ചുമിടുക്കിയുടെ ഡാൻസ് വൈറൽ; വീഡിയോ